வடக்கு மக்களுக்கு நிர்வாக ரீதியான அதிகாரங்கள் பகிரப்பட வேண்டும்-தென்பகுதி மக்கள் உணர்கின்றனர்- ஆணைக்குழு முன் சாட்சியம் ...

நிசாந்தன் · நிசாந்தன் Sun 20 Feb 2011 - 11:54

வடக்கு மக்களுக்கு நிர்வாக ரீதியான அதிகாரங்கள் வழங்கப்பட வேண்டுமென்று தெற்கு மக்கள் கருதுகின்றதாகவே உணர்கின்றோம். அதனடிப்படையில் இந்தியாவில் காணப்படும் கட்டமைப்பை மாதிரியாகக் கொண்டு எமது நாடும் செயற்படலாம் என்று மாத்தறை மாவட்ட மேலதிக செயலாளர் சந்திரசிறி டி. சொய்சா தெரிவித்தார்.

நேற்று வெள்ளிக்கிழமை மாத்தறை மாவட்ட செயலகத்தில் இடம்பெற்ற நல்லிணக்க ஆணைக்குழு அமர்வில் கலந்துகொண்டு சாட்சியமளிக்கையிலேயே மேலதிக செயலாளர் மேற்கண்டவாறு குறிப்பிட்டார்.

அங்கு அவர் தொடர்ந்து சாட்சியமளிக்கையில் குறிப்பிட்டதாவது:

மாத்தறை மாவட்டத்தைச் சேர்ந்த குறிப்பிடத்தக்களவான மக்கள் ஒரு காலத்தில் வடபகுதியில் வர்த்தக நடவடிக்கைகளில் ஈடுபட்டனர். இந்நிலையில் நாட்டில் ஏற்பட்ட பிரச்சினை காரணமாக 1980களில் வர்த்தகர்கள் தமது தொழில் முயற்சிகளை கைவிட்டு வடக்கிலிருந்து மாத்தறைக்கே வந்துவிட்டனர்.

தற்போது இவர்கள் மீண்டும் வடக்கிற்கு சென்று வர்த்தக முயற்சிகளில் ஈடுபட வேண்டுமென விரும்புகின்றனர். எனவே இவ்விடயம் தொடர்பில் கற்றறிந்த பாடங்களும் நல்லிணக்கம் தொடர்பான ஆணைக்குழு கூடிய கவனம் செலுத்த வேண்டும்.

இனப்பிரச்சினை தீர்வு தொடர்பில் நாம் முகாமைத்துவ ரீதியில் நோக்கினால், அனைத்து மக்களும் ஒற்றுமையுடன் வாழ வழி வகுக்கப்பட வேண்டும். இது தொடார்பில் அவதானம் செலுத்த வேண்டியுள்ளது.

வடக்கு மக்களுக்கு நிர்வாக ரீதியான அதிகாரங்கள் வழங்கப்பட வேண்டுமென்று தெற்கு மக்கள் கருதுகின்றதாகவே உணர்கின்றோம்.

இந்தியாவில் பல மாநிலங்கள் இருக்கின்ற போதிலும் வீதி, ரயில், பாதுகாப்பு, நிதி உள்ளிட்ட பல விடயங்களை மத்திய அரசே கவனிக்கின்றது.

எனவே இந்தியாவில் காணப்படும் இந்தக் கட்டமைப்பு போன்றதொரு மாதிரியை இலங்கையிலும் உருவாக்கலாம்.

அரச ஊழியர்கள் தமது அலுவலங்களுக்கு சேவையைப் பெற்றுக் கொள்ள வருபவர்கள் சிங்களவரா? தமிழரா? அல்லது முஸ்லிமா? என்பதைப் பார்க்காது, அவர்களது தேவை என்ன என்பதை அறிந்துகொண்டு சேவையாற்ற வேண்டும்.

தமிழ்,சிங்களம் ஆகிய இரு மொழிகளும் அனைத்து மக்களுக்கும் கற்பிக்கப்பட வேண்டும், அதாவது சிங்களப் பிரதேசத்தில் தமிழும் தமிழ் பிரதேசத்தில் சிங்கள மொழியும் பரஸ்பரம் கற்பிக்கப்பட வேண்டும்.பாடசாலைகளில் இப்போது தரம் 3 இலிருந்து இரு மொழிகளும் கற்பிக்கப்படுகின்றது. அது சிறப்பான விடயமாகும்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக