உனக்கு

by நியாஸ் அஷ்ரஃப் Sat Feb 19, 2011 6:25 pm

நேற்று அனுப்பிய யுகபாரதியின் சில வரிகளின் முழுக்கவிதை இதோ..

தேவதை தேவையில்லை
தெளிந்த நல் வதனம் போதும்
வைர நகையெதற்கு?
வழித்துணையாதல் இன்பம்
படிக்கிற பழக்கமுண்டு
அடிக்கடி திட்ட மாட்டேன்
பாதியாய் இருக்க வேண்டாம்
முழுவதும் நீயே ஆகு
இம்சைகள் இருக்கும் கொஞ்சம்
இனிமைதான் ஏற்றுக்கொள்க
வருமானம் பரவாயில்லை
வாழ்வதற்கு கைவசம் கவிதைகள்
வாய்க்கப் பெற்றேன்
காதலில் விழுந்தேனில்லை
எனவே பிறக்கின்ற பிள்ளைக்கான
பெயரையும் நீயே இடலாம்
சந்தேகம் துளியும் இல்லை
அந்தரங்கம் உனக்கும் உண்டு
சமயத்தில் நிலவு என்பேன்
சமையலில் உதவி செய்வேன்
எழுதிடும் பாட்டுக்குள்ளே
எங்கேனும் உன்னை வைப்பேன்
ஒரே ஒரு கோரிக்கைதான்
உன்னிடம் வைப்பதற்கு
வேலைக்குக் கிளம்பும்போது
அழுவதைத் தவிர்க்க வேண்டும்
வெறுங்கையோடு திரும்பி வந்தால்
வெகுளியாய்ச் சிரிக்க வேண்டும்.

by **சிவா** Sun Feb 20, 2011 9:08 am

///எழுதிடும் பாட்டுக்குள்ளே
எங்கேனும் உன்னை வைப்பேன்///

காதலை வெளிப்படுத்தக் கூறிய வரிகள் அனைத்தும் மனதைக் கொள்ளையடிக்கிறது! என் காதலை வெளிப்படுத்த உடனே எனக்கும் ஒரு காதலி வேண்டுமென மனது துடிக்கிறது!

by உதயசுதா Sun Feb 20, 2011 10:39 am

எத்தனை அழகாய் தான் காதலை சொல்லி இருக்கிறார்.
/ஒரே ஒரு கோரிக்கைதான்
உன்னிடம் வைப்பதற்கு
வேலைக்குக் கிளம்பும்போது
அழுவதைத் தவிர்க்க வேண்டும்
வெறுங்கையோடு திரும்பி வந்தால்
வெகுளியாய்ச் சிரிக்க வேண்டு/
எல்லா கணவர்களும் எதிர்பார்க்கும் விஷயம் இது.

by உதயசுதா Sun Feb 20, 2011 10:40 am

சிவா wrote:///எழுதிடும் பாட்டுக்குள்ளே
எங்கேனும் உன்னை வைப்பேன்///

காதலை வெளிப்படுத்தக் கூறிய வரிகள் அனைத்தும் மனதைக் கொள்ளையடிக்கிறது! என் காதலை வெளிப்படுத்த உடனே எனக்கும் ஒரு காதலி வேண்டுமென மனது துடிக்கிறது!

கிடைப்பாங்க சிவா கிடைப்பாங்க,கிடைக்காம எங்க போய்ட போறாங்க? உங்க காதலை சொல்லவாவது கிடைப்பாங்க

by பிரகாசம் Sun Feb 20, 2011 10:43 am

அக்கா, நம்ம வீட்ல எப்டி? உனக்கு 816814

by உதயசுதா Sun Feb 20, 2011 10:46 am

[quote="பிரகாசம்"]அக்கா, நம்ம வீட்ல எப்டி? உனக்கு 816814

[/குஓட்டே
நம்ம வீட்டுல எப்படின்னு கேட்டா என்ன அர்த்தம் பிரகாஷ்.
நான் மாமா ஆபிஸ் கிளம்பும்போது அழுவேனான்னு கேக்குறியா? நானும் வேலைக்கு கிளம்புரதாள எனக்கு அழுவ நேரம் கிடைக்குறதே இல்லை.எங்க இரண்டு பேருக்கும் சண்டை போட கூட சமயம் இல்லை.அப்புறம் எங்க இருந்து அழுவூறது.என் அம்மா,அப்பாவை நினைச்சு அழுதாதான் உண்டு.