மருத்துவர்களுக்கு ஏற்படும் மனச்சோர்வு!

நமக்கு ஏதாவது மனக்கவலையோ, மனச்சோர்வோ ஏற்பட்டால், நமக்குத் தெரிந்த மருத்துவரிடம் சென்று ஆலோசனை பெறுவோம். மருத்துவர்களின் ஆதரவான வார்த்தைகள், மருந்துகளை விட அதிகப் பலனை அளிக்கின்றன என்று ஆய்வுகள் காட்டுகின்றன. ஆனால் அந்த மருத்துவருக்கே கவலையும், மனச்சோர்வும் ஏற்பட்டால் அவர் எங்கே போவார்?

இங்கிலாந்தில் எடுக்கப்பட்ட ஒரு புள்ளிவிவரத்தில் இருந்து, பொதுமக்களை விட மருத்துவர்களிடம் தற்கொலை விகிதமும், மதுவால் கல்லீரல் அழற்சி ஏற்படும் விகிதமும் அதிகமாக இருப்பது தெரிய வந்திருக்கிறது. மனஇறுக்கம், மருத்துவரின் உடல் நலத்தைக் குலைக்கும் முக்கியக் காரணியாக விளங்குகிறது.

மருத்துவர்களின் பணி நிறைய வருமானம் அளிப்பதாகவும், அதிக சுவாரசியமூட்டுவதாகவும் இருக்கும்போது, அவர்கள் மன இறுக்கங்களாலும், உணர்ச்சிகளாலும் அதிகமாகப் பாதிக்கப்படுவதற்கு என்ன காரணம்? அவ்வாறு பாதிக்கப்பட்ட மருத்துவர்களிடம் சிகிச்சை பெறப் போகும் நோயாளிகளின் நலன்களைப் பாதுகாக்க ஏதாவது ஏற்பாடுகள் இருக்கின்றனவா?


விளம்பர நிறுவனங்களில் பணியாற்றுபவர்கள், பல் மருத்துவர்கள், பத்திரிகையாளர்கள், போலீஸ் அதிகாரிகள், விமானிகள் ஆகியோருக்கு அடுத்தபடியாக மருத்துவர்களுக்குத்தான் அதிக மனஇறுக்கம் ஏற்படுவதாக ஆய்வுகள் தெரிவிக்கின்றன. மருத்துவர்கள் சிலவேளைகளில், தமது நோயாளியின் தலை விதியை, வாழ்வு அல்லது சாவை நிர்ணயிக்கும் நìலைக்குத் தள்ளப்பட்டு, ஊண், உறக்கம் இழப்பது உண்டு. அவர்களுக்கு மற்ற எல்லோரையும் விட மிக மிக அதிகமாக மனஇறுக்கம் ஏற்படுகிறது.

நோயாளிகளுக்குத் தவறான சிகிச்சை அளித்துவிட்டு, அதனால் வம்பு, வழக்குகளில் மாட்டிக்கொள்வோமோ என்ற பயம் மேலைநாட்டு மருத்துவர்களுக்கு மனஇறுக்கத்தை உண்டாக்கும் முக்கியமான காரணிகளில் ஒன்று.

டாக்டர்களுக்கு ஏற்படும் மன உளைச்சல்கள், நோயாளிகளை எந்த அளவுக்குப் பாதிக்கின்றன என்பது குறித்துத் தொடர்ந்து ஆய்வுகள் நடைபெற்று வருகின்றன.

சித்தப்பா, உடம்ப பர்துகோக

சில மருத்துவர்கள் இந்த மாதிரி பிரச்னையில் மன நலம் பாதிக்க படுவார்களாம்.
நன்றி அண்ணா!