கொண்டவளின் தாவணிக் கொடிகள் !

**கா.ந.கல்யாணசுந்தரம்** · 28/02/2009

பத்து மாதத்தில் எனது
வயிற்றில் உதைத்தாய்!
வலியெடுக்கவில்லை!
தத்தி தத்தி நடக்கையில்
அள்ளி எடுத்து முத்தமிட்டபோது
எனது மார்பில் உதைத்தாய்!
வலியெடுக்கவில்லை!
மனதுக்கு பிடித்தவள்
இவளென்று சொன்னபோது
உறவுகள் எனை அறுத்தெறிந்து
பிரிந்தபோதும் எனக்கு
வலிஎடுக்க வில்லை!
காலத்தின் கோலம் உனை
ஆட்கொண்டதென சூழலின்
பிடியில் சிக்குண்டேன்!
மகனே......வந்தவளின்
வளைக்கரங்கள் நல்வாழ்வு
அரவணைப்பு தந்திருந்தால்
இவ்வுலகை மறந்திருப்பேன்!
இன்பமுடன் இருந்திருப்பேன்!
கொண்டவளின் தாவணிக் கொடிகள்
கொடுமைமிகு ஆட்சிதனை
அரங்கேற்றம் செய்தனவே!
இப்போது வலிக்கிறது....
ஈன்றவளின் அடிவயிறு!
தாய்மையெனும் பாசக்கொடி
எப்போதும் படர்ந்திருக்கிறது!
கூட்டணி அமைக்க அல்ல...
உனது ஆன்மபலத்தின்
ஆத்திச்சூடியை அடையாளம் காண!

..........கா.ந.கல்யாணசுந்தரம்.

**சிவா** · **சிவா** Fri 18 Feb 2011 - 9:55

nandhtiha · nandhtiha Fri 18 Feb 2011 - 10:23

அனைவருக்கும் வணக்கம்
இப்போது வலிக்கிறது....
ஈன்றவளின் அடிவயிறு!
தாய்மையெனும் பாசக்கொடி
எப்போதும் படர்ந்திருக்கிறது!
அற்புதமான வரிகள். திரு கா ந க அவர்களுக்கே உரித்தான சொல்லாட்சி.உளமார்ந்த பாராட்டுக்கள், வாழ்த்த எனக்குத் தகுதியில்லை

**கா.ந.கல்யாணசுந்தரம்** · 28/02/2009

**kirikasan** · **kirikasan** Fri 18 Feb 2011 - 18:42

அருமை! தொப்பிள் கொடியை அறுத்து தாவணிக்கொடிகள் முடிச்சுபோடும் துயரத்தின் ஒரு உணர்ச்சி வெளிப்பாடு! தாயின் மனதை படம்பிடிக்கும் வரிகள் மிக ஆழமானவை!

**Aathira** · **Aathira** Sat 19 Feb 2011 - 1:48

//தாய்மையெனும் பாசக்கொடி
எப்போதும் படர்ந்திருக்கிறது!
கூட்டணி அமைக்க அல்ல...
உனது ஆன்மபலத்தின்
ஆத்திச்சூடியை அடையாளம் காண!//

உணர்ச்சி பூர்வமான மட்டுமல்ல, அறிவுப்பூர்வமான வரிகளும்..

இசையன்பன் · இசையன்பன் Sat 19 Feb 2011 - 5:03

பிரகாசம் · பிரகாசம் Sat 19 Feb 2011 - 14:05

தேனி சூர்யாபாஸ்கரன் · 09/06/2010

நல்ல கவிதை...தாய்மையின் வலிகளை...
இனி தாயாகும் பெண்ணும்
உணர்ந்திருந்தால்...தாலிக்கொடியும்..
தொப்புள்கொடியும்...சந்தோஷத்தில் திளைத்திருக்கும்.. கொண்டவளின் தாவணிக் கொடிகள் ! Moz-screenshot-9