அதிபர் வெளியேற கோரி லிபியாவிலும் கலவரம்; 14 பேர் பலி

**சிவா** · **சிவா** Fri Feb 18, 2011 6:05 pm

அதிபர் வெளியேற வலியுறுத்தி லிபியாவிலும் கலவரம் வெடித்தது. அதில், 14 பேர் பலியானார்கள். துனிசியா, மற்றும் எகிப்தை தொடர்ந்து லிபியாவிலும் கலவரம் வெடித்துள்ளது. இங்கு மொயாம்மர் கடாபி கடந்த 40 ஆண்டு காலம் அதிபராக பதவி வகிக்கிறார். இவரது சர் வாதிகார ஆட்சிக்கு எதிராக மக்கள் ஒன்று திரண்டுள்ளனர். அவர் தனது பதவியை விட்டு விலக வேண்டும். அரசு ஊழியர் சம்பளத்தை 2 மடங்கு உயர்த்த வேண்டும். தீவிரவாதிகள் என சந்தேகப்பட்டு சிறையில் அடைக்கப்பட்டுள்ள அவரது எதிர்பாளர்கள் 110 பேரை விடுதலை செய்ய வேண்டும் என்பன போன்ற கோரிக்கைகளை வலியுறுத்தி போராட்டத்தில் ஈடுபட்டுள்ளனர்.

கலவரம் தலைநகர் டிரிபோலி, பெயிடா, பெங்காஷி உள்ளிட்ட 4 நகரங்களில் நடைபெறுகிறது. இங்கு தெருக்களில் இறங்கி மக்கள் போராட்டத்தில் ஈடுபட்டு வருகின்றனர். ஆயிரக்கணக்கான மக்கள் பேரணியாக செல்கின்றனர். அதிபர் கடாபிக்கு எதிராக வாசகங்கள் அடங்கிய அட்டைகளை கையில் ஏந்தி செல்கின்றனர். இப்போராட்டம் கடந்த புதன்கிழமை தொடங்கி நேற்று தீவிரம் அடைந்தது.

போராட்டக்காரர்களை அடக்க ராணுவம் பயன்படுத்தப்படுகிறது. இதற்கிடையே, போராட்டக்காரர்களுக்கு எதிராக அதிபர் கடாபியின் ஆதரவாளர்கள் இறங்கியுள்ளனர். போராட்டத்தில் ஈடுபட்டுள்ளவர்கள் மீது தாக்குதல் நடத்தி வருகின்றனர்.

இதனால் இரு தரப்பினருக்கும் இடையே மோதல் ஏற்பட்டுள்ளது. இதில், 14 பேர் பலியானார்கள். 70-க் கும் மேற்பட்டோர் காயம் அடைந்தனர். அவர்கள் அனைவரும் ஆஸ்பத்திரியில் அனுமதிக்கப்பட்டு சிகிச்சை பெற்று வருகின்றனர். இங்கு கலவரம் தொடர்ந்து நடக்கிறது.

மாலைமலர்

அதிபர் வெளியேற கோரி லிபியாவிலும் கலவரம்; 14 பேர் பலி

அதிபர் வெளியேற கோரி லிபியாவிலும் கலவரம்; 14 பேர் பலி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக