மஹிந்தவிற்கு மூளைப் புற்றுநோய்!! நாமலின் கைக்கு பதவி மாறுமா?

அன்பு தளபதி · அன்பு தளபதி Fri Feb 18, 2011 2:32 pm

இலங்கை ஜனாதிபதி மஹிந்தராஜபக்ச மூளைப் புற்றுநோய்த் தாக்கத்திற்கு உட்பட்டுள்ளதாக நம்பகரமான தகவல்கள் வெளிவந்திருக்கின்றன. மஹிந்தராஜபக்ச அமெரிக்காவிற்கான திடீர் பயணம் மேற்கொண்டதை அடுத்து இது குறித்த தகவல்கள் வெளியாகியிருந்த போதிலும், அதனை அரச தரப்பினர் மறுத்திருந்தனர்.
இருப்பினும் கொழும்பின் உயர் மட்டங்களில் இருந்து வெளியாகியுள்ள தகவல்களின் அடிப்படையில் மஹிந்தவிற்கு மூளைப் புற்றுநோய் ஏற்பட்டுள்ளதாகவும், அது ஆபத்தான கட்டத்தினை நோக்கி நகர்வதாகவும் தெரியவந்துள்ளது.

ஜனாதிபதி அமெரிக்காவிற்கான பயணத்தினை மேற்கொண்ட போது இலங்கையின் புற்றுநோயியல் நிபுணர் ஒருவரையும் அழைத்துச் சென்றிருந்ததாக பிந்திய தகவல்கள் கிடைக்கப்பெற்றுள்ளன.

இது குறித்த தகவல்கள் மேற்குலக உயர்ஸ்தானிகரகம் ஒன்றின் ஊடாக உறுதிப்படுத்தப்பட்டிருப்பதாக கொழும்பின் இராஜதந்திரவட்டாரங்களில் பேச்சப்பட்டு வருவதாக கொழும்பின் மூத்த ஊடகர் ஒருவர் தெரிவித்தார்.

இதேவேளை மஹிந்தராஜபக்ச அமெரிக்காவில் இருந்து திரும்பியதும் கட்சியின் உயர்மட்ட அதிகாரிகளை சந்தித்து தலைமைப் பொறுப்பினை நாமல் ராஜபக்சவிடம் கையளிப்பது தொடர்பில் ஆலோசிக்கப்பட்டதாகவும் அதற்கு மஹிந்த சகோதரர்கள் உட்பட்ட உயர் மட்டத்தினர் கடும் எதிர்ப்பினை வெளிப்படுத்தியதாகவும் தெரியவந்துள்ளது.

பத்திரிகையாளர்கள் ஜனாதிபதியிடம் அவரது நோய் குறித்து கேள்வி எழுப்பிய போது அவர் அது குறித்து நேரடியான பதில் எதனையும் வழங்காமல் பதில்களை திசைதிருப்பியே வழங்கிவந்திருந்தமை குறிப்பிடத்தக்கது

நன்றி உயர்வு