இலங்கையில் மீனவர்கள் சிறை வைப்பு: திருமாவளவன் ஆர்ப்பாட்டம்; ராஜபக்சே கொடும்பாவி எரிப்பு

இலங்கை கடற்படையினரால் கைது செய்யப்பட்ட தமிழக மீனவர்களை விடுதலை செய்ய மத்திய அரசு உடனடியாக நடவடிக்கை எடுக்க வேண்டும் என வலியுறுத்தி விடுதலை சிறுத்தைகள் கட்சி சார்பில் சென்னை மெமோரியல் ஹால் முன்பு இன்று கண்டன ஆர்ப்பாட்டம் நடந்தது. ஆர்ப்பாட்டத்துக்கு விடுதலை சிறுத்தைகள் கட்சி தலைவர் தொல்.திருமாவளவன் தலைமை தாங்கினார். அப்போது அவர் பேசியதாவது:-

1983-ம் ஆண்டு முதல் இலங்கை கடற்படையினரால் தமிழக மீனவர்கள் படுகொலை செய்யப்படுவதும் சிறை பிடிக்கப்படுவதும் வாடிக்கையாகி விட்டது. இதற்கு சிங்கள அரசு மட்டுமே பொறுப்பு அல்ல. மத்திய அரசும் காரணமாகும். 112 மீனவர்களை கைது செய்த மறுநாளே மேலும் 37 மீனவர்கள் சிங்கள கடற்படையினரால் பிடித்து செல்லப்பட்டுள்ளனர்.

இலங்கையில் தமிழீழம் மலரக்கூடாது என்பதில் மத்திய அரசு தீவிரமாக உள்ளது. ஈழ தமிழர்களுக்கு எதிரான மத்திய அரசின் வெளியுறவு கொள்கையும் இதற்கு காரணம். இது வரை 400-க்கும் மேற்பட்ட மீனவர்கள் கொல்லப்பட்டுள்ளனர். 700 பேர் மாயமாகி உள்ளனர். எனவே தி.மு.க. எம்.பி.க்கள் வெளியுறவு கொள்கையில் மாற்றம் கொண்டு வர பாராளுமன்றத்தில் குரல் கொடுக்க வேண்டும். இதற்கு விடுதலை சிறுத்தைகள் இயக்கமும் உறுதுணையாக இருக்கும்.

தி.மு.க. கூட்டணியில் பா.ம.க. இன்று சேர்ந்துள்ளதை வரவேற்கிறேன். விடுதலை சிறுத்தைகளும், பா.ம.க.வும் இடம் பெற்றுள்ள இக்கூட்டணி வரும் சட்டசபை தேர்தலில் அமோக வெற்றி பெறும். இவ்வாறு அவர் பேசினார்.

ஆர்ப்பாட்டத்தில் விடுதலை சிறுத்தைகள் கட்சி நிர்வாகிகள் கலைக் கோட்டுதயம், வன்னியரசு, முகமதுயூசுப், கமலக்கண்ணன், கபிலன், இளஞ்செழியன், கோட்டைக்காடு துரை, கிட்டு, இரா.செல்வம், வெற்றிசெல்வன், ஷேக்தாவூது, அறிவமுதன், வியாசை ரவி, மோகன் உள்பட ஏராளமானவர்கள் கலந்து கொண்டனர். ஆர்ப்பாட்டம் முடிவில் இலங்கை அதிபர் ராஜபக் சேவின் கொடும்பாவியை எரித்தனர்.

மாலைமலர்

நாம் மீனவர்களை எல்லையை கடக வேண்டாம் என் கூற வேண்டியதுதானே .இத வச்சே எவ்வளவு காலம் அரசிய பண்ணுவீங்க .மற்ற பிரச்சினையை பாருங்க அர்ச்சியால் கட்சிகளே !

ராம்