இலங்கை ராணுவத்தை கண்டித்து நடிகர் விஜய் ஆர்ப்பாட்டம்

**சிவா** · **சிவா** Fri 18 Feb 2011 - 9:57

தமிழக மீனவர்கள் மீது தாக்குதல்: இலங்கை ராணுவத்தை கண்டித்து நடிகர் விஜய் ஆர்ப்பாட்டம், நாகப்பட்டினத்தில் 22-ந் தேதி நடக்கிறது

தமிழக மீனவர்களை சிங்கள ராணுவம் சிறை பிடித்ததை கண்டித்து, நாகப்பட்டினத்தில் வருகிற 22-ந் தேதி நடிகர் விஜய் ரசிகர்களுடன் ஆர்ப்பாட்டம் செய்கிறார்.

சிங்களர்கள் அட்டூழியம்

தமிழக மீனவர்கள் கடலுக்கு மீன் பிடிக்க செல்லும்போது, அவர்களை சிங்கள ராணுவம் சுட்டுக்கொல்வது தொடர்கதையாகி வருகிறது. சமீபத்தில் நாகை, காரைக்காலை சேர்ந்த 112 மீனவர்களை, சிங்கள ராணுவம் சிறை பிடித்தது.

இந்த பரபரப்பு அடங்குவதற்குள், மேலும் 24 தமிழக மீனவர்களை சிங்கள ராணுவம் மீண்டும் சிறை பிடித்துள்ளது.

விஜய் ஆர்ப்பாட்டம்

சிங்கள ராணுவத்தினரின் அட்டூழியத்தை கண்டித்து, வருகிற 22-ந் தேதி நாகப்பட்டினத்தில் நடிகர் விஜய் தனது ரசிகர்களுடன் ஆர்ப்பாட்டம் செய்கிறார். பின்னர் அங்கு நடைபெறும் கண்டன பொதுக்கூட்டத்திலும் பேசுகிறார்.

இதுகுறித்து விஜய் மக்கள் இயக்கத்தின் மாநில செயலாளர் ரவிராஜா நேற்று நாகப்பட்டினத்தில் நிருபர்களிடம் கூறியதாவது:-

நாகை காடம்பாடி மைதானத்தில் வருகிற 22-ந் தேதி மாலை 4 மணிக்கு விஜய் மக்கள் இயக்கம் சார்பில் கண்டன பொதுக்கூட்டம் நடக்கிறது. கூட்டத்திற்கு திரைப்பட இயக்குனரும், நடிகர் விஜய் தந்தையுமான எஸ்.ஏ.சந்திரசேகரன் தலைமை தாங்குகிறார்.

கூட்டத்தில் நடிகர் விஜய் மற்றும் விஜய் மக்கள் இயக்கத்தின் மாவட்ட நிர்வாகிகள் கண்டன உரை ஆற்றுகின்றனர். முன்னதாக மேடையில், இலங்கை கடற்படையினரின் தாக்குதலில் உயிரிழந்த தரங்கம்பாடியை சேர்ந்த மீனவர் பாண்டியன், புஷ்பவனத்தை சேர்ந்த மீனவர் ஜெயக்குமார் ஆகியோரின் குடும்பத்திற்கு நிதியுதவியும், நாகையை சேர்ந்த 10 மீனவர்களுக்கு மீன்பிடி உபகரணங்களையும் நடிகர் விஜய் வழங்குகிறார்.

இவ்வாறு ரவிராஜா கூறினார்.

SK · SK Fri 18 Feb 2011 - 12:49

இவரும் டிராமாவ ஆரம்பிச்சிட்டாரா என்ன கொடுமை சார் இது

D.SABARINATHAN · D.SABARINATHAN Fri 18 Feb 2011 - 14:13

இலங்கை ராணுவத்தை கண்டித்து நடிகர் விஜய் ஆர்ப்பாட்டம் 502589

இவருக்கும் தமிழ்நாட்டை ஆளாணும்னு ஆசை வந்துடிச்சு. இவர் முதல் அமைச்சர் ஆகிவிட்டால் இவர் அப்பா துணை முதல்வர் என்ன?

**krishnaamma** · **krishnaamma** Fri 18 Feb 2011 - 14:21

முழுநேர அரசியல் வாதியாகும் தகுதிகளை வளர்க்கிறார் அவர் என் நினக்கிறேன் புன்னகை

என்ன அவர்களின் அரிச்சுவடி பாடம் = தினமும் ஏதாவது ஒரு வகை இல் அவங்க அவங்க பேர் பேப்பரில் வரணும். அதை முதலில் கடிபிடிக்கிறார் விஜய் ஜாலி

அசோகன் · அசோகன் Fri 18 Feb 2011 - 14:23

இது அரசியல் நாடகமாக இல்லாமல் உண்மையான பாசத்துடன்,தமிழ்ப் பற்றுடன் நடப்பதாக இருந்தால் அதை வரவேற்று ஆதரிக்கும் முதல் தமிழனாய் நானிருப்பேன்.அவ்வாறாக இல்லையெனில் அதை எதிர்ப்பதிலும் முதல் ஆளாக நானிருப்பேன்.

**சிவா** · **சிவா** Fri 18 Feb 2011 - 14:26

krishnaamma wrote:முழுநேர அரசியல் வாதியாகும் தகுதிகளை வளர்க்கிறார் அவர் என் நினக்கிறேன் என்ன அவர்களின் அரிச்சுவடி பாடம் = தினமும் ஏதாவது ஒரு வகை இல் அவங்க அவங்க பேர் பேப்பரில் வரணும். அதை முதலில் கடிபிடிக்கிறார் விஜய்

மிகவும் சரியாகக் கூறியுள்ளீர்கள்!

**krishnaamma** · **krishnaamma** Fri 18 Feb 2011 - 14:31

D.SABARINATHAN wrote:
இவருக்கும் தமிழ்நாட்டை ஆளாணும்னு ஆசை வந்துடிச்சு. இவர் முதல் அமைச்சர் ஆகிவிட்டால் இவர் அப்பா துணை முதல்வர்

சபரி நாதன், அப்ப அவங்க அம்மா? ..... ஓ அவங்க -சோனியா போல திரைமறைவிலிருந்து அவர்கள் இருவரையும் வழி ( என்ன?

) நடத்துவார்களா?

janani123 · janani123 Fri 18 Feb 2011 - 14:32

krishnaamma wrote:முழுநேர அரசியல் வாதியாகும் தகுதிகளை வளர்க்கிறார் அவர் என் நினக்கிறேன் என்ன அவர்களின் அரிச்சுவடி பாடம் = தினமும் ஏதாவது ஒரு வகை இல் அவங்க அவங்க பேர் பேப்பரில் வரணும். அதை முதலில் கடிபிடிக்கிறார் விஜய்

**krishnaamma** · **krishnaamma** Fri 18 Feb 2011 - 14:32

அசோகன் wrote:இது அரசியல் நாடகமாக இல்லாமல் உண்மையான பாசத்துடன்,தமிழ்ப் பற்றுடன் நடப்பதாக இருந்தால் அதை வரவேற்று ஆதரிக்கும் முதல் தமிழனாய் நானிருப்பேன்.அவ்வாறாக இல்லையெனில் அதை எதிர்ப்பதிலும் முதல் ஆளாக நானிருப்பேன்.

ஓ இங்க எல்லாமே நீங்கதானா? திருவிளயாடல் நாகேஷ் ஸ்டைல் இல் படிக்கவும் புன்னகை

அசோகன் · அசோகன் Fri 18 Feb 2011 - 14:40

krishnaamma wrote:
அசோகன் wrote:இது அரசியல் நாடகமாக இல்லாமல் உண்மையான பாசத்துடன்,தமிழ்ப் பற்றுடன் நடப்பதாக இருந்தால் அதை வரவேற்று ஆதரிக்கும் முதல் தமிழனாய் நானிருப்பேன்.அவ்வாறாக இல்லையெனில் அதை எதிர்ப்பதிலும் முதல் ஆளாக நானிருப்பேன்.

ஓ இங்க எல்லாமே நீங்கதானா? திருவிளயாடல் நாகேஷ் ஸ்டைல் இல் படிக்கவும்

ஒண்ணுமே புரியல
இலங்கை ராணுவத்தை கண்டித்து நடிகர் விஜய் ஆர்ப்பாட்டம் 745155