முட்டை கொத்து பரோட்டா

by **சிவா** Tue Feb 15, 2011 11:10 pm

தேவையானவைகள்:

* பரோட்டா (பெரியது) - 3
* முட்டை - 3
* வெங்காயம் (பெரியது) - ஒன்று
* தக்காளி - ஒன்று
* பச்சை மிளகாய் - ஒன்று
* கொத்தமல்லி தழை (அரிந்தது) - ஒரு மேசைக்கரண்டி
* புதினா (அரிந்தது) - ஒரு மேசைக்கரண்டி
* கறிவேப்பிலை - ஒரு ஆர்க்கு
* மிளகாய் தூள் - ஒரு தேக்கரண்டி
* கறிமசாலா தூள் - அரை தேக்கரண்டி
* மட்டன் / சிக்கன் கறி - ஒரு கிண்ணம் (100 மிலி)
* உப்பு - அரை தேக்கரண்டி
* தாளிக்க :
* பட்டை - 2 " துண்டு
* எண்ணெய்/ நெய் - 2 மேசைக்கரண்டி

செய்முறை:

பரோட்டாவை சிறு சிறுத் துண்டுகளாக உதிர்த்துக் கொள்ளவும். வெங்காயம், தக்காளி, கொத்தமல்லி, புதினாவை பொடியாக நறுக்கி வைத்துக் கொள்ளவும்.

அடுப்பில் வாணலியை வைத்து எண்ணெய்/ நெய் ஊற்றி காய்ந்ததும் பட்டையைப் போடவும்.பட்டை சிவந்தவுடன் வெங்காயம், பச்சைமிளகாய், கறிவேப்பிலை போடவும்.

வெங்காயம் கண்ணாடி போல் ஆனதும், தக்காளியைப் போட்டு நன்றாக வதக்கவும்.

தக்காளி நன்றாக வதங்கியவுடன் மிளகாய் தூள், கறி மசாலா தூளைப் போடவும். இதனுடன் உப்பு சேர்த்து கிளறி இரண்டு நிமிடங்கள் மூடிவைக்கவும். இரண்டு நிமிடங்கள் கழித்து மட்டன் / சிக்கன் கறியை ஊற்றி இரண்டு நிமிடங்கள் மூடி வைக்கவும்.

வாணலியில் ஒரு தேக்கரண்டி எண்ணெய் ஊற்றி முட்டையை உடைத்து ஊற்றி, சிறிது உப்பு தூவி வறுத்து எடுக்கவும்.

இரண்டு நிமிடங்கள் கழித்து பரோட்டாவை போட்டு நன்றாகக் கிளறவும். பரோட்டா மிருதுவாக ஆகும் வரை மூடியைப் போட்டு லேசான தீயில் சமைக்கவும். இடையிடையே மூடியைத் திறந்து கிளறி விடவும். பரோட்டா மிருதுவானதும் கொத்தமல்லி, புதினா தூவி,வறுத்து வைத்திருக்கும் முட்டையையும் போட்டு கிளறி இறக்கவும்.

மூலம்: அறுசுவை.காம்

by **சிவா** Tue Feb 15, 2011 11:10 pm

by **சிவா** Tue Feb 15, 2011 11:13 pm

Koththu Roti or Kottu - Post office Road, Trincomalee - Sri Lanka

by **சிவா** Tue Feb 15, 2011 11:16 pm

கொத்து பரோட்டா

தேவையான பொருட்கள்

பரோட்டா - 6
முட்டை - 4
வெங்காயம் - 1
தக்காளி - 2
கறிவேப்பிலை - ஒரு கொத்து
கொத்தமல்லித்தழை - ஒரு கொத்து
மிளகுத்தூள் - ஒரு தேக்கரண்டி
பரோட்டா குருமா - 3 மேஜைக் கரண்டி
எண்ணெய் - தேவையான அளவு
உப்பு - தேவையான அளவு

செய்முறை

1. வெங்காயம் தக்காளியை நன்கு கழுவி பொடியாக நறுக்கிக் கொள்ளவும்.

2. அடுப்பில் வாணலியை வைத்து எண்ணெய் ஊற்றி வெங்காயம் போட்டு நன்கு வதக்கவும்.

3. பின்னர் தக்காளியைச் சேர்த்து நன்கு வதக்கவும்.

4. அடுத்து பரோட்டாவை சிறுசிறு துண்டுகளாக பிய்த்துப் போட்டு லேசாக வதக்கவும்.

5. பின்னர் முட்டைகளை உடைத்து ஊற்றி, சிறிதளவு உப்பு (ஏற்கனவே பரோட்டாவில் உப்பு உள்ளது) சேர்த்து கட்டிபிடிக்காமல் நன்கு கிளறவும்.

6. முட்டை வெந்ததும் அதில் பரோட்டா குருமா மூன்று கரண்டி சேர்த்து
கிளறவும். (பரோட்டா குருமா இல்லையென்றால் சிறிது தண்ணீர் தெளித்து
கிளறவும்.)

7. பின்னர் மிளகு, நறுக்கிய கறிவேப்பிலை சேர்த்து நன்கு கிளறவும்.

6. கடைசியாக அடுப்பிலிருந்து இறக்கி வைத்து நறுக்கிய கொத்தமல்லித்தழை சேர்க்கவும்.

ஆக்கம்
ச. சுதாதேவி
சென்னை - 600 050.

by பூஜிதா Wed Feb 16, 2011 10:32 am

நன்றி அண்ணா அப்போ அந்த பதிவில் இருபது போல நீங்கள் பரோட்டா மாஸ்டர் தானா சிப்பு வருது

by பிரகாசம் Wed Feb 16, 2011 10:39 am

பின்னர் மிளகு, நறுக்கிய கறிவேப்பிலை சேர்த்து நன்கு கிளறவும்????

மிளகு கடசில போட்டா சரியா வருபடாது ... முட்டை கொத்து பரோட்டா 67637

by உதயசுதா Wed Feb 16, 2011 10:43 am

மருத்துவரா இருந்து இப்ப புரோட்டா மாஸ்டரா மாறி இருக்கும் திரு.சிவா அவர்களே, சைவ பிரியர்கள் சாப்பிடுரா மாதிரி சைவ கொத்து புரோட்டாக்கு குறிப்பு தர முடியுமா?

by பாலாஜி Wed Feb 16, 2011 11:47 am

இதுக்கு அப்புறம் முட்டை கொத்து பரோட்டா 676261

,, கொத்து பரோட்டா இதுதான் சரியான உணவு....

by sureshtuticorin Wed Feb 16, 2011 11:52 am

எங்க ஊருல பரோட்டா போட்டா அதை எண்ணயில் பொரித்து எடுப்பார்கள்.,
பொறித்த பரோட்டா மிகவும் வித்தியாசமான சுவையை கொடுக்கும்.,

by பூஜிதா Wed Feb 16, 2011 12:23 pm

உதயசுதா wrote:மருத்துவரா இருந்து இப்ப புரோட்டா மாஸ்டரா மாறி இருக்கும் திரு.சிவா அவர்களே, சைவ பிரியர்கள் சாப்பிடுரா மாதிரி சைவ கொத்து புரோட்டாக்கு குறிப்பு தர முடியுமா?

சைவ குருமா ஊத்தினா அது சைவ கொத்து புரோட்டா