மிரட்டுகிறது 4த ஊழல்

நிசாந்தன் · நிசாந்தன் Tue Feb 15, 2011 10:38 am

சுபெக்ட்ரம் 2த(2ம் தலைமுறை) பூதத்தின் ஆணிவேர்களைக் கண்டுபிடிக்கும் பணி தீவிரமடைந்து இருக்கும் நேரத்தில், 4த என்ற இன்னொரு பூதத்தின் வால் கண்டுபிடிக்கப்பட்டு இருக்கிறது!

தொலைக்காட்சி மற்றும் கைப்பேசிகளின் இயக்கத்துக்குப் பயன்படக்கூடிய ‘சிறிய அலைவரிசை(S Band) என்ப்படும் இந்த அலைக்கற்றைகளின் விடயத்தில், 2த ஊழலையே தூக்கிச் சாப்பிடும் அளவுக்கு முறைகேடுகள் நடந்திருப்பது, வெளிச்சத்துக்கு வந்திருக்கிறது. இதைக் கண்டுபிடித்தது, 2த ஊழலை ஊரறியவைத்த அதே (CAG) Comptroler And Audit General Of India.

2த ஊழலால் நாட்டுக்கு ஏற்பட்ட வருவாய் இழப்பு ரூ.1இலட்சத்து 76ஆயிரம் கோடிகள் என்றால், இந்தப் புதிய ஊழலால் ரூ.2 இலட்சம் கோடிகளுக்கு வருவாய் இழப்பு ஏற்பட்டு இருப்பதாக CAG சுட்டிக்காட்டி உள்ளது!

இந்த ஊழலில் சம்பந்தப்பட்டு இருப்பது, ISRO எனப்படும் இந்திய விண்வெளி ஆராய்ச்சிக் கழகத்தின் கீழ் செயல்படும் Antariksh Corporation என்ற அரசு நிறுவனம். இது தனது கட்டுப்பாட்டில் இருக்கும் 70MHz அலைவரிசைக் கற்றையை ரூ.1000 கோடிக்கு தேவாசு மல்டிமீடியா பிரைவேட் லிமிடெட் என்ற தனியார் நிறுவனத்துக்கு 20 வருட குத்தகைக்கு கொடுத்துள்ளது. இதில் வினோதன் என்னவென்றால், தேவாசு நிறுவனம் தொழில் செய்வதற்கு ஏதுவாக விண்வெளித் துறை ரூ.2ஆயிரம் கோடி செலவழித்து, யி சாட்-6(G Sat-6) மற்றும் யி சாட்-6ஏ(G Sat-6A) என்ற இரண்டு செயற்கைகோள்களை விண்ணில் செலுத்த வேண்டும். இதில் ஒரு செயற்கைகோளுக்கு தலா 10 டிரான்சுபாண்டர்கள் பொருத்தி தேவாசு நிறுவனம் பணம் சம்பாதித்துக் கொள்ளும் என்பதுதான் ஒப்பந்தத்தின் சாராம்சம்!

இதில் அப்பட்டமாக வெளியான குட்டு என்னவென்றால், வெகு சமீபத்தில் B.S.N.L. மற்றும் M.S.N.L. ஆகிய அரசு சம்மந்தப்பட்ட நிறுவனங்களே வெறும் 20MHz அலைகற்றையை ரூ.12ஆயிரத்து 847கோடி கொடுத்துப் பெற்றன என்பதுதான்!

அதைவிட சமீப உதாரணம், அண்மையில் நடைபெற்ற 3த அலைக்கற்றை ஏலம். இதில் வெறும் 15 MHz அரசு ரூ.67ஆயிரத்து 719 கோடிக்கு ஏலம் விட்டது.

இதிலும் 2த-வைப் போலவே முறையான ஒப்பந்தப் புள்ளிகள் பெறப்படாமல், காதும் காதும் வைத்த மாதிரிதான் இந்திய விண்வெளி ஆராய்ச்சி மையம் இதை தேவாசு நிறுவனத்துக்கு தாரை வார்த்து இருக்கிறது. பொதுவாக, இப்படி ஓர் ஒப்பந்தம் கையெழுத்தாகும்போது ஒப்பந்தப் புள்ளியை பெறும் நிறுவனம், இதை உள்குத்தகைக்கு விட்டு காசு பார்க்கக்கூடாது என்ற ஒரு விதியும் கட்டாயம் இருக்கும். ஆனால், மேற்கண்ட நிறுவனத்துடன் செய்யப்பட்டு இருக்கும் ஒப்பந்தத்தில் விண்வெளி ஆராய்ச்சித்துறை இப்படி ஒரு விதியைத் தவிர்த்து இருக்கிறது!

சரி, அரசுப் பணத்தை அப்படியே சுவாகா செய்ய முற்பட்ட அந்த நிறுவனம் யாருக்கு சொந்தம்? இந்த நிறுவனத்தின் தலைவராக இருப்பவர் என்.சி.சந்திரசேகர். இவர் ISROவின் செயலாளராக வேலை செய்தவர். இந்த நிறுவனத்தின் இயக்குநர்களின் பட்டியலைப் பார்த்தால்… அதில் இராமசந்திரன், வேனுகோபால், முருகப்பன் என்று ஏராளமான நம்ம ஊர்ப் பெயர்கள்தான் இடம்பெற்று இருக்கின்றன!

இந்தியாவின் சட்ட அமைச்சரகம், தேவாசு நிறுவனத்துடன் செய்யப்பட்ட ஒப்பந்தத்தையே இரத்து செய்துவிடலாம் என்று செய்த பரிந்துரையையும், ISRO இதுவரை கண்டுகொள்ளவில்லை. நமது நாட்டின் பெருமைகளை அவ்வப்போது விண்முட்டச் செய்கிறது எனும் பெயர் வாங்கிய ISRO, இப்படி விண்முட்டும் அளவு ஒரு முறைகேட்டுக்கு வழி வகுத்தது ஏன்?

இந்தத் துறைக்குப் பொறுப்பேற்று இருக்கும் அமைச்சரான மன்மோகன் சிங்தான் இதற்குப் பதில் சொல்ல வேண்டும்!

அசோகன் · அசோகன் Tue Feb 15, 2011 11:47 am

உங்களால எவ்வளவு முடியுமோ அவ்வளவு கொள்ளையடிங்க..அத நாங்க பாத்துட்டேதான் இருப்போம்.ஒண்ணுமே செய்ய மாட்டோம்.
இப்படிக்கு
இனா வானா குடிமகன்

SK · SK Tue Feb 15, 2011 12:58 pm

பிரகாசம் · பிரகாசம் Tue Feb 15, 2011 5:07 pm

அடிகடா அடிகடா

வளச்சு வளச்சு அடிகடா

Sponsored content · Sponsored content

மிரட்டுகிறது 4த ஊழல்

மிரட்டுகிறது 4த ஊழல்

Re: மிரட்டுகிறது 4த ஊழல்

Re: மிரட்டுகிறது 4த ஊழல்

Re: மிரட்டுகிறது 4த ஊழல்

Re: மிரட்டுகிறது 4த ஊழல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக