காலிபிளவர் முட்டைச் சுருள்

by **சிவா** Mon Feb 14, 2011 10:32 pm

தேவையானவை

காலிபிளவர் - 100 கிராம்
முட்டை - இரண்டு
மிளகாய் பொடி - சிறிதளவு
கரம் மசாலா பொடி - சிறிதளவு
வெங்காயம் - ஒன்று
இஞ்சி,
பூண்டு விழுது - சிறிதளவு
உப்பு - தேவைக்கேற்ப
எலுமிச்சை சாறு - அரை மூடி
எண்ணெய் - சிறிதளவு

செய்முறை

காலிபிளவரை சிறு சிறு பூவாக வெட்டி, கொதிக்கும் நீரில் மூன்று நிமிடங்கள் வேகவிட வேண்டும். நீரை வடித்து விட்டு இஞ்சி, பூண்டு விழுது, உப்பு, எலுமிச்சை சாறு சேர்த்து கிளறி வைக்க வேண்டும். ஒரு பாத்திரத்தில் முட்டையை ஊற்றிகரம் மசாலா, உப்பு, மிளகாய்ப் பொடி சேர்த்து கிளற வேண்டும். குழியான இரும்புச் சட்டியில் சிறிதளவு எண்ணெய் ஊற்றி சூடானவுடன் முட்டையை கொஞ்சமாக ஊற்ற வேண்டும். முட்டையின் நடுவே காலிபிளவரை வைத்து லேசாக சுழற்ற வேண்டும். சுழற்றும் போது முட்டை சுருள் சுருளாக பிரிந்து அழகாக வரும். இப்படியே கொஞ்சம் கொஞ்சமாக ஊற்றி காலிபிளவர் முட்டைச் சுருள் தயாரிக்கலாம். காலிபிளவர் ஏற்கனவே அரைவேக்காட்டில் வெந்திருக்கும். முட்டையுடன் சேர்க்கும் போது முக்கால் வேக்காட்டில் மசாலா வாசனையுடன் சுவையாக இருக்கும். குழந்தைகளுக்கு வித்தியாசமான இந்த சுவை மிகவும் பிடித்துவிடும்.

மதுரை பார்சூன் பாண்டியன் ஓட்டல் தலைமை சமையல் நிபுணர் பாலசுப்ரமணியன்.