வாழ்க்கை சிறப்பாக அமைய “கணவருடன் சிரித்து மகிழுங்கள்”!!!

**அருண்** · **அருண்** Mon Feb 14, 2011 6:08 pm

உலகம் முழுவதும் இன்று காதலர் தினம் கொண்டாடப்படுகிறது.

இது குறித்து அமெரிக்க அதிபர் ஒபாமாவின் மனைவி மிச்செலியிடம் கருத்து கேட்கப்பட்டது.

அப்போது அவர் கூறியதாவது:-

தங்களின் வாழ்க்கை சிறப்பாகவும், சந்தோஷமாகவும் அமைய தம்பதிகள் ஒருவருக்கொருவர் சிரித்து மகிழ வேண்டும். கணவன்- மனைவி இருவரும் தங்களின் அன்பையும், மகிழ்ச்சியையும் சிரிப்புடன் பகிர்ந்து கொள்ள வேண்டும். எங்களுக்கு திருமணமாகி 19 ஆண்டுகள் ஆகிறது.

திருமணத்தின் போது அரசியலில் புகழ்பெற வேண்டும் என லட்சியத்துடன் அவர் (ஒபாமா) இருந்தார். முதலில் இல்லியாயிஸ் செனட் உறுப்பினரானார். பின்னர் அமெரிக்க பாராளுமன்றத்தின் செனட் உறுப்பினர் ஆனார். தற்போது அமெரிக்காவின் ஜனாதிபதியாக உயர்ந்த பதவியில் உள்ளார்.

இந்த அளவு அவர் உயர்ந்த நிலை அடைவதற்கு எங்களின் மகிழ்ச்சி நிறைந்த சிரிப்பே காரணம் என கருதுகிறேன். எங்களுக்கு இடையே எப்போதும் கோபப்படுவதற்கான சூழ் நிலை இருந்ததில்லை. மாறாக சிரிப்புடன் கூடிய மகிழ்ச்சியான தருணமே இருந்து வருகிறது.

அதுதான் எங்களுக்கிடையே ஒற்றுமையை உருவாக்கியுள்ளது. எனவே, நாங்கள் எப்போதும் கேலி, கிண்டலுடன் கூடிய மகிழ்ச்சியான தருணத்தை ஏற்படுத்தி கொள்கிறோம்.

இவ்வாறு மிச்செலி ஒபாமா தெரிவித்தார்.

மாலை மலர்.