போலி ஆவணங்களை பயன்படுத்தி அரசு வங்கியில் கடன் பெற்ற தொழில் அதிபர் கைது

**சிவா** · **சிவா** Mon Feb 14, 2011 12:37 pm

போலி ஆவணங்களை பயன்படுத்தி அரசு வங்கியில் கடன் பெற்ற தொழில் அதிபரை சி.பி.ஐ. போலீசார் நேற்று கைது செய்தனர்.

போலி ஆவணங்கள்

ஈரோட்டில் உள்ள இந்தியன் ஓவர்சீஸ் வங்கியின் மண்டல அலுவலகத்தில் தலைமை மேலாளராக பணியாற்றி வருபவர், பாலசுப்பிரமணியன். இவர் கடந்த 2007-ம் ஆண்டு முதல் 2009-ம் ஆண்டு வரை நெல்லை மாவட்டம் பாளையங்கோட்டையில் உள்ள இந்தியன் ஓவர்சீஸ் வங்கியில் தலைமை மேலாளராக பணியாற்றிய போது, போலி ஆவணங்களை பெற்றுக்கொண்டு, 7 பேருக்கு வங்கி கடன் கொடுத்ததாகவும், இதன் மூலம் வங்கிக்கு 2 கோடியே 42 லட்சத்து 37 ஆயிரம் ரூபாய் இழப்பு ஏற்படுத்தியதாகவும் சி.பி.ஐ போலீசாருக்கு புகார் வந்தது.

இதைத் தொடர்ந்து வங்கியின் தலைமை மேலாளர் பாலசுப்பிரமணியன், போலி ஆவணங்கள் கொடுத்து கடன் பெற்றதாக கூறப்படும் முன்னாள் அ.தி.மு.க அமைச்சர் அம்மமுத்துபிள்ளை, தொழில் அதிபரான கல்யாணசுந்தரம் (வயது 48), மகாலிங்கம், அன்னசரசுவதி, மோகன்ராஜ், கீதா, பார்வதி ஆகியோர் மீது சி.பி.ஐ போலீசார் வழக்குப்பதிவு செய்தனர்.

தொழில் அதிபர் கைது

இவர்களில் அம்மமுத்துபிள்ளை மதுரை ஐகோர்ட்டு கிளையில் முன்ஜாமீன் பெற்றார். வங்கியின் தலைமை மேலாளர் பாலசுப்பிரமணியனை சி.பி.ஐ போலீசார் கடந்த மாதம் கைது செய்தனர். இந்தநிலையில் மோசடியாக போலி ஆவணங்களை வங்கியில் கொடுத்து மேலாளர் பாலசுப்பிரமணியன் உதவியுடன் கடன் வாங்கிய தொழில் அதிபர் கல்யாண சுந்தரத்தை சி.பி.ஐ. போலீசார் நேற்று கைது செய்தனர். மதுரையில் உள்ள சி.பி.ஐ. நீதிபதி எம்.பி.ஜெகனாதன் முன்பாக ஆஜர்படுத்தப்பட்ட அவரை 15 நாட்கள் காவலில் வைக்க நீதிபதி உத்தரவிட்டார்.

போலி ஆவணங்களை பயன்படுத்தி அரசு வங்கியில் கடன் பெற்ற தொழில் அதிபர் கைது

போலி ஆவணங்களை பயன்படுத்தி அரசு வங்கியில் கடன் பெற்ற தொழில் அதிபர் கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக