ஓரினச் சேர்க்கையாளர்களுக்கு தேவாலயங்களிலேயே திருமணம் நடத்த அனுமதி

by **சிவா** Mon Feb 14, 2011 12:32 pm

இங்கிலாந்து நாட்டு மக்கள் பழமை விரும்பிகள். எளிதில் மாற்றங்களை அனுமதிக்க மாட்டார்கள். அப்படிப்பட்ட நாட்டின் அரசாங்கம், தேவாலயங்களில் ஓரினச்சேர்க்கையாளர்கள் திருமணம் செய்து கொள்வதற்கு அனுமதி அளிப்பதற்கு திட்டமிட்டு உள்ளது.

ஓரினச்சேர்க்கையாளர்கள் திருமணத்தை பதிவு செய்வதற்கும் மதச்சடங்குகள் நடத்துவதற்கும் நடைமுறையில் இருக்கும் தடையை ரத்து செய்ய இந்த நடவடிக்கை உதவும் என்று கூறப்படுகிறது.

அதோடு திருமணம் என்பதற்கான சட்டப்பூர்வமான விளக்கம் ஆணுக்கும் பெண்ணுக்கும் இடையேயான உறவு என்பதை ரத்து செய்யவும் அந்த நாட்டு அரசாங்கம் திட்டமிட்டு உள்ளது. ஓரினச் சேர்க்கையாளர்கள் தங்கள் வாழ்க்கைத்துணைவர்களை கணவன் என்றும் மனைவி என்றும் அழைத்துக்கொள்ள அனுமதி அளிக்கவும் திட்டமிடப்பட்டு உள்ளது.