தமிழக முதல்வரை மதிக்கவில்லையே : கலைஞர்கள் மீது நடிகை குஷ்பு ஆவேசம் !!!

**அருண்** · **அருண்** Mon Feb 14, 2011 10:48 am

தமிழக அரசின் கலைமாமணி விருது வழங்கும் விழா இன்று மாலை வள்ளுவர் கோட்டத்தில் நடந்தது.

சென்னை வள்ளுவர் கோட்டத்தில் இன்று ஞாயிற்றுக் கிழமை மாலை 2008-2009-2010 ஆகிய வருடங்களுக்கான கலைமாமணி விருது வழங்கப்பட்டது. மேலும் ஏற்கனவே அறிவிக்கப்பட்ட சின்னத்திரை விருதுகளும் - பாரதி விருது, எம்.எஸ். சுப்புலட்சுமி விருது, பாலசரஸ்வதி விருது ஆகியவைகளும் வழங்கப்பட்டது.

முதல்வர் கருணாநிதி இந்த விருதுகளையெல்லாம் வழங்கி சிறப்பித்தார்.

பாரதி விருது ஜெயகாந்தனுக்கும், எம்.எஸ்.சுப்புலட்சுமி விருது இளையராஜாவுக்கும் விருது வழங்கப்பட்டது.

விழாவில் கலைமாமணி மலர் வெளியிடப்பட்டது. முதல்வர் கருணாநிதி வெளியிட கனிமொழி எம்.பி. பெற்றுக்கொண்டார்.

நடிகர் ஆர்யா, நடிகைகள் அனுஷ்கா, தமன்னா உட்பட பெரும்பாலான கலைஞர்கள் விருதுகளை பெற்றுக்கொண்டு விழா அரங்கத்தை விட்டு சென்று காரில் ஏறி புறப்பட்டுவிட்டனர்.

விருதுகள் கொடுத்து முடித்த பின்பு அரங்கில் பாதி பேர் இல்லை. இளையராஜா, ஜெயகாந்தன் ஆகியோர் பேசினார்கள். நடிகை குஷ்பு பேசியபோது அவரது பேச்சில் ஆவேசம் தெரிந்தது.

’’தமிழக அரசின் சார்பில் முதல்வர் கருணாநிதி எல்லோருக்கும் விருதுகள் கொடுத்திருக்கிறார். அடுத்து அவர் பேருரையாற்றவிருக்கிறார்.

ஆனால் இந்த நேரத்தில் விருது வாங்கியவர்கள் யாருமே அரங்கத்தில் இல்லை. எல்லோரும் வெளியேறிவிட்டார்கள். விருது கொடுத்து மகிழ்வித்த தமிழக முதல்வருக்கு மதிப்பு கொடுக்கவில்லையே. விழாவின் இறுதி வரை இருந்து முதல்வரின் உரையை கேட்டுவிட்டு செல்ல வேண்டாமா?

நான் வேறுமாதிரி பேச நினைத்தேன். எல்லாம் மாறிவிட்டது’’ என்று குஷ்பு பேசியபோது முகத்தில் கடும் கோபம் தெரிந்தது.

நக்கீரன்