குடும்ப பிரச்சினையில் தீக்குளித்த மனைவியை காப்பாற்றிய கணவர் சாவு

by **சிவா** Mon Feb 14, 2011 12:24 pm

குடும்ப பிரச்சினையில் தீக்குளித்த மனைவியை காப்பாற்ற முயன்ற கணவர் பலியானார். மனைவி ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார்.

மனைவி தீக்குளித்தார்

வடபழனி கங்கையம்மன் கோவில் தெருவைச் சேர்ந்தவர் இளங்கோவன் (வயது34). ஆட்டோ ஓட்டி வந்தார். இவரது மனைவி அஞ்சலி (28). இவர்களுக்கு திருமணமாகி 10 வருடங்கள் ஆகின்றது. 7 வயதில் ஒரு ஆண் குழந்தை உள்ளது. இளங்கோவன் குடிப்பழக்கம் உடையவர். அடிக்கடி குடித்துவிட்டு மனைவி அஞ்சலியிடம் சண்டைக்கு செல்வார்.

இது அன்றாடம் நடப்பது வழக்கம். இந்நிலையில் கடந்த 9-ந் தேதி அன்று அவர்களுக்குள் மீண்டும் சண்டை ஏற்பட்டது. இருவருக்கும் தகராறு முற்றியது. அப்போது அஞ்சலி பக்கத்தில் இருந்த மண்எண்ணெயை எடுத்து உடலில் ஊற்றினார். இதில் அவரது உடலில் தீ பற்றி எரிந்தது.

கணவர் பலி

இதனை பார்த்து இளங்கோவன் அதிர்ச்சி அடைந்தார். மனைவி அஞ்சலியின் உடலில் பற்றி எரிந்த தீயை அணைக்க முயன்றார். அணைக்க முயன்றதில் இளங்கோவன் உடலிலும் தீப்பிடித்தது. இதில் இருவரும் படுகாயமடைந்தனர். இதனை கண்ட அக்கம்பக்கத்தினர் படுகாயமடைந்த இருவரையும் மீட்டு சிகிச்சைக்காக கீழ்ப்பாக்கம் அரசு மருத்துவமனைக்கு கொண்டு சென்றனர்.

இந்நிலையில் இளங்கோவன் நேற்று காலை சிகிச்சை பலனளிக்காமல் பரிதாபமாக உயிரிழந்தார். மனைவி அஞ்சலி சிகிச்சை பெற்று வருகிறார். இது குறித்து வடபழனி போலீசார் விசாரணை நடத்தி வருகின்றனர்.

by அன்பு தளபதி Mon Feb 14, 2011 1:45 pm

கல்யாணம் பண்ணினா உசுறு போகுதுன்னு சில பேர் சொல்லுவாங்க இவர் வழ்க்கயில நடந்துடுச்சி ஆழ்ந்த அனுதாபங்கள்

by ANTHAPPAARVAI Mon Feb 14, 2011 1:50 pm

குடி குடியை கெடுக்கும்.

அதற்கு இதுதான் உதாரணம்.

(மது நாட்டுக்கு, வீட்டுக்கு, உயிருக்குக் கேடு!)

by sshanthi Mon Feb 14, 2011 3:32 pm

கணவரை அன்பினால் திருத்தாமல் அவசரப்பட்டு பெண் எடுத்த முடிவால் ஒரு ஆணின் உயீர் போனது பாவம்

by **ஸ்ரீஜா** Mon Feb 14, 2011 4:12 pm

இந்த பாழாய் போன குடி பழக்கதினால் தினம் தினம் எத்தனை உயிர்கள் போகின்றன................. இவை நன்றாக தெரிந்து இருந்தும் அரசு இதற்க்கு தடை விதிக்காமல் இருக்கின்றது என்பதை நினைக்கும் பொது மிக மிக வருத்தமாக உள்ளது................... என்ன கொடுமை சார் இது