நெல்லிக்கனியின் மகத்துவம்

**சிவா** · **சிவா** Sun Feb 13, 2011 10:54 am

வைட்டமின் `சி' நிறைந்தது, நெல்லிக்கனி. அதன் அற்புதமான மருத்துவக்குணங்களைப் பார்ப்போம்...

* உமிழ்நீர் சுரப்பியைத் தூண்டி விடுகிறது. பற்களுக்கு உறுதியைத் தருகின்றன. கல்லீரல் குறைபாட்டை நீக்குகிறது. இரைப்பை அழற்சியை போக்கி அல்சர் வராமல் பாதுகாக்கிறது. மூலநோய்க்கு மிகச்சிறந்த மருந்தாக அமைகிறது.

* சீரான ரத்த ஓட்டம் நடைபெறவும், இதயம் பலம் பெறவும் உதவுகிறது. ரத்த ஓட்டத்தின் போது நச்சுக்கிருமிகள் பரவாமல் பாதுகாக்கிறது. ரத்த நாளங்கள் சீராக இயங்கவும் உதவுகிறது. கொழுப்பைக் குறைத்து, ரத்தத்தில் உள்ள சர்க்கரையின் அளவைக் கட்டுப் படுத்துகிறது. ரத்த சிவப்பணுக்களின் உற்பத்தியை அதிகரிக்கிறது.

* சளியை வெளியேற்றி, சுவாசமண்டலத்தை சீராக இயக்குகிறது. நீண்ட நாள் இருந்து வரும் இருமல், ஆஸ்துமா, எலும்புருக்கி நோய் போன்ற நோய்களுக்கு அருமருந்தாக உதவுகிறது.

* பக்கவாதம், நரம்புத்தளர்ச்சி போன்ற நோய்கள் ஏற்படுவதைத் தடுக்கிறது. மூளை பலம்பெறவும், ஐம்புலன்கள் சீராக இயங்கவும் உறுதுணை புரிகிறது. மனஇறுக்கத்தைப் போக்கி, நுண்ணறிவுடன் செயல்பட வழிவகுக்கிறது.

* விந்தணுக்களுக்கு வீரியத்தைக் கொடுக்கிறது. பெண் இனப்பெருக்க உறுப்பிற்கு பாதுகாப்பையும், உறுதியையும் தருகிறது.

* சிறுநீரக கோளாறுகளை நீக்குகிறது. சருமங்களில் ஏற்படும் சுருக்கங்கள், சொறி, சிரங்கு உள்பட அனைத்து விதமான தோல் வியாதிகளையும் போக்கி, சருமத்திற்கு பளபளப்பைக் கொடுக்கிறது.

* தோல் வியாதிகளை குணப்படுத்தும் மூலிகை மருந்துகளில் நெல்லிக்
கனியின் பங்கு முக்கியத்துவம் வாய்ந்தது. இது ரத்த சுத்திகரிப்பிற்கு பெரிதும் உதவுகிறது. அதனால், பருக்கள், கொப்புளங்கள் போன்றவை வராமல் தடுக்கிறது.

* தலைமுடி உதிர்வதை தடுத்து, அதன் வளர்ச்சிக்கு காரணமாக இருக்கும் செல்களைத் தூண்டுகிறது. எப்போதும் இளமையுடன் இருக்கச் செய்கிறது. பொடுகு, பேன் தொல்லை களைப் போக்குகிறது. இந்தியப் பெண்கள் பொதுவாக நெல்லிக்கனி அடங்கிய மூலிகைப் பொடிகளையே தலைக்குத் தேய்த்து இயற்கையான அழகுடன் ஜொலிக்கின்றனர்.

* காய்ச்சல் உண்டாகாதவாறு தடுக்கிறது. காயங்கள், வீக்கம் போன்றவற்றால், உண்டாகும் வலிகளைப் போக்கி, உடலின் நோய் எதிர்ப்பு சக்தியை அதிகரிக்கிறது.

* கண் பார்வைத்திறனை அதிகரிக்கிறது. கண்எரிச்சல், கண்ணில் நீர் வடிதல், கண் சிவத்தல் போன்ற கண் சம்பந்தமான குறைபாடுகளை போக்குகிறது.

* ரத்தத்தில் உள்ள குளுக்கோசின் அளவைக் கட்டுப்படுத்தி சர்க்கரை நோய் ஏற்படாமல் பாதுகாக்கிறது.

* உடலுக்கு நோய் எதிர்ப்பாற்றலை தந்து, ஆரோக்கியத்தை மேம்படுத்துகிறது.

தினதந்தி

முரளிராஜா · முரளிராஜா Sun Feb 13, 2011 11:01 am

அருமையான பகிர்வு சிவா, இருப்பினும் நெல்லிக்கனியின் மத்துவம் என தலைப்பை மாற்றி அமைக்கலாம் என்பது என் தாழ்மையான கருத்து.

**சிவா** · **சிவா** Sun Feb 13, 2011 11:03 am

முரளிராஜா wrote:அருமையான பகிர்வு சிவா, இருப்பினும் நெல்லிக்கனியின் மத்துவம் என தலைப்பை மாற்றி அமைக்கலாம் என்பது என் தாழ்மையான கருத்து.

அப்படித்தானே தலைப்பு உள்ளது? நெல்லிக்கனியின் மகத்துவம் 230655

**பிளேடு பக்கிரி** · 01/03/2010

நல்ல பயனுள்ள பதிவு தல

**அருண்** · **அருண்** Sun Feb 13, 2011 11:16 am

நன்றி அண்ணா! மகிழ்ச்சி

முரளிராஜா · முரளிராஜா Sun Feb 13, 2011 11:18 am

சிவா wrote:
முரளிராஜா wrote:அருமையான பகிர்வு சிவா, இருப்பினும் நெல்லிக்கனியின் மத்துவம் என தலைப்பை மாற்றி அமைக்கலாம் என்பது என் தாழ்மையான கருத்து.

அப்படித்தானே தலைப்பு உள்ளது?

தலைப்பை உடனே மாத்திட்டு நம்மகிட்டயேவா. மாற்றியமைக்கு நன்றி.

**சிவா** · **சிவா** Sun Feb 13, 2011 11:19 am

முரளிராஜா wrote:
சிவா wrote:
முரளிராஜா wrote:அருமையான பகிர்வு சிவா, இருப்பினும் நெல்லிக்கனியின் மத்துவம் என தலைப்பை மாற்றி அமைக்கலாம் என்பது என் தாழ்மையான கருத்து.

அப்படித்தானே தலைப்பு உள்ளது?
தலைப்பை உடனே மாத்திட்டு நம்மகிட்டயேவா. மாற்றியமைக்கு நன்றி.

தங்களின் ஆலோசனைக்கு நன்றி முரளி! நெல்லிக்கனியின் மகத்துவம் 678642