பட்டிமன்றம்

செய்தாலி · செய்தாலி Sat Jan 15, 2011 7:09 pm

ஊழல் சுரண்டல் பதுக்கல்
ஊடகங்களில் நிரம்பி வழியும்
பச்சையான உண்மைகள்

விஸ்வரூபத்தில் விலைவாசி
சிறை படும் உரிமைகள்
ஆமையின் வேகத்தில்
செயல்படும் வாக்குறுதிகள்

குருதியொழுகி உதிரும் உயிர்கள்
நித்தம் களவுபோகும் தணங்கள்
அவ்வபோது உயிர்த்தெழும்
இலவசங்களின் மேடை நாடகங்கள்

வலக்கரத்தின் உதவியை
இடக்கரம் அறிதலே தவறு
செய்யாக் கானல் கடமைக்கும்
சுயத்திற்காக செய்த கடமைக்கும்
தத்தம் புகழ் மாலைசூடல்

திருவிழா கொண்டாட்டங்களாக
மேடை அரங்கேற்றங்கள்
தாளத்திகு துள்ளும்
அதிகாரம் கையாளுபவர்களும்
சாயம் பூசிய கூத்தாடிகளும்

வறுமை அறியா மேல்வர்க்கமும்
அலங்கரித்த சிங்காரிகளாய் பொய்கள்
எல்லாக் கதை அறிந்தும்
அறியார்போல் நடுவர்க்கம்
என் செய்வறியாது
அகன்று நிற்கிறான் பாமரன்

இவை நேற்றுவரயிலான பதிவுகள்
வெற்றியாளனை நிர்னைத்து விட்டு
போட்டி நாடகம் வேண்டாம்

உயர்த்துவோம் ஒரு பட்டிமன்றம்
விவாதிக்கட்டும் குடிமக்கள்
தீர்ப்பு எழுதுவான் இறைவன்

மோகன் · மோகன் Sun Jan 16, 2011 4:35 pm

வறுமை அறியா மேல்வர்க்கமும்
அலங்கரித்த சிங்காரிகளாய் பொய்கள்
எல்லாக் கதை அறிந்தும்
அறியார்போல் நடுவர்க்கம்
என் செய்வறியாது
அகன்று நிற்கிறான் பாமரன் பட்டிமன்றம் 677196

செய்தாலி · செய்தாலி Sun Jan 16, 2011 5:15 pm

மோகன் wrote:வறுமை அறியா மேல்வர்க்கமும்
அலங்கரித்த சிங்காரிகளாய் பொய்கள்
எல்லாக் கதை அறிந்தும்
அறியார்போல் நடுவர்க்கம்
என் செய்வறியாது
அகன்று நிற்கிறான் பாமரன்

இரண்டு தினங்களுக்குமுன் தமிழ்த் தலைநகரில் நடந்த ஒரு பட்டிமன்றத்திற்காக எழுதப்பட்டது

உங்கள் புரிதலுக்கு நன்றி

செய்தாலி · செய்தாலி Thu Apr 28, 2011 1:51 pm

**Manik** · **Manik** Thu Apr 28, 2011 1:54 pm

அருமையான பட்டிமன்றம் நண்பா..... இந்த மாதிரி ஒரு பட்டிமன்றம் வராதான்னு மக்கள் ரொம்ப நாளா எதிர்பாக்குறாங்க அவங்க தரப்பு நியாயத்தை சொல்ல......

ஆனால் தீர்ப்பு சொல்றதுக்கு இறைவன் தான் வரனும்னு சொல்லிட்டீங்க அதுதான் கொஞ்சம் டவுட்டா இருக்கு எங்க போயி தேட

செய்தாலி · செய்தாலி Thu Apr 28, 2011 2:02 pm

Manik wrote:அருமையான பட்டிமன்றம் நண்பா..... இந்த மாதிரி ஒரு பட்டிமன்றம் வராதான்னு மக்கள் ரொம்ப நாளா எதிர்பாக்குறாங்க அவங்க தரப்பு நியாயத்தை சொல்ல......

ஆனால் தீர்ப்பு சொல்றதுக்கு இறைவன் தான் வரனும்னு சொல்லிட்டீங்க அதுதான் கொஞ்சம் டவுட்டா இருக்கு எங்க போயி தேட

பொதுமக்கள் தங்கள் நிறை குறைகளை விவாதம் செய்கையில்
சத்தியம் (உண்மை ) வெளிவரும் அதைதான் இறைவன் என்று சொன்னேன்
சத்தியமும் இறைவனும் ஒன்றுதானே நண்பா
சத்தியம் நம்முடன்தான் இருக்கிறது பிறகு ஏன் வெளியே தேடனும்

உங்கள் கருத்துக்கு மிக்க நன்றி நண்பா