ஆரஞ்சின் அவசியம்..!

by **சிவா** Sat Feb 12, 2011 9:40 am

பழங்களில் சிறந்தது ஆரஞ்சு என்கிறார்கள் மருத்துவ ஆய்வாளர்கள். ஏனென்றால் ஆரஞ்சு பழத்தில் மருத்துவ குணங்கள் அதிகம். உடலில் எந்த பிரச்சினை ஏற்பட்டாலும் தைரியமாக ஆரஞ்சு பழத்தையோ அல்லது சாறு குடிக்கலாம். இதனால் உடலில் ஏற்பட்ட பிரச்சினை உடனே குறையும். உடலில் ஏற்படும் உஷ்ணம், வயிற்று வலி அல்லது வயிறு தொடர்பான பிரச்சினைகளை உடனே சீராக்கும் ஆற்றல் உடையது ஆரஞ்சு.

ஆரஞ்சு சாறில் உள்ள வைட்டமின் சி, நோய் எதிர்ப்பு சக்தியை அதிகரிக்கச் செய்கிறது. இதனால் இளமை தோற்றம் உருவாகும். இதில் ஏ, பி, சி ஆகிய வைட்டமின்களும், ஏழு வகையான தாதுக்களும் உள்ளதால், கர்ப்பிணிகள் மற்றும் குழந்தைகள் அவசியம் சாப்பிட வேண்டும்.

அதுமட்டுமின்றி, ஆரஞ்சு பழத்தை குறுக்கே இரண்டாக வெட்டி முகத்தில் தேய்த்து, பத்து நிமிடம் கழுவினால் முகம் பளபளப்பாகும். தினமும் ஆரஞ்சு சாப்பிட்டு வந்தால் பசி ஏற்படும். மலச்சிக்கலை நீக்கும். நன்கு ஜீரணமாகும். கழிவுகள் வெளியேறி குடல் சுத்தமாகும்.

மேலும் சளி, ஆஸ்துமா, காசநோய், தொண்டைப்புண் முதலியவை குணமாகும். நெஞ்சுவலி, இதய நோய், எலும்பு மெலிவு ஆகியவற்றை குணமாக்கும் ஆற்றல் உடையது ஆரஞ்சு.

by உதயசுதா Sat Feb 12, 2011 10:09 am

ஆரஞ்ச் சாப்பிட்டா சளி பிடிக்கும்ன்னு சொல்லுவாங்களே சிவா.
இப்ப நீங்க சளி சரி ஆகும்ன்னு சொல்றீங்க ஆரஞ்சின் அவசியம்..! 502589

by **சிவா** Sat Feb 12, 2011 10:14 am

உதயசுதா wrote:ஆரஞ்ச் சாப்பிட்டா சளி பிடிக்கும்ன்னு சொல்லுவாங்களே சிவா.
இப்ப நீங்க சளி சரி ஆகும்ன்னு சொல்றீங்க

அதிகம் சாப்பிட்டால்தான் சளி பிடிக்கும். அளவுடன் சாப்பிட்டால் சளி நீங்கும். மேலும் ஆரஞ்சுப் பழச்சாறுடன் ஐஸ் கட்டி கலந்து குடித்தால் உடனடியாக சளி பிடிக்கும்!