நான்கு திருமணம்:போலீஸ்காரர் சஸ்பெண்ட்

**சிவா** · **சிவா** Fri Feb 11, 2011 7:23 pm

மதுரை:மதுரையில் பெண் போலீஸ் உட்பட நான்கு பெண்களை திருமணம் செய்த போலீஸ்காரர் சஸ்பெண்ட் செய்யப்பட்டார்.மதுரை மாவட்டம் நடுமுதலைக்குளத்தை சேர்ந்தவர் சாமி(43). விக்கிரமங்கலம் ஸ்டேஷனில் கிரேடு ஒன் போலீஸ் ஆக பணிபுரிகிறார். திருமணமான இவர், ஆறு மாதங்களில் மனைவியை பிரிந்தார். வேறொருவரை இரண்டாவது திருமணம் செய்தார். ஒன்பது வயதில் மகன் உள்ளார். இந்நிலையில் மதுரையில் ஆறாவது சிறப்புக்காவல் படையில் வேலை பார்த்த பெண் போலீஸ் ஒருவருக்கும், சாமிக்கும் காதல் ஏற்பட்டது.

இவர்கள் கணவன், மனைவியாக வசித்தனர். இதையறிந்த இரண்டாவது மனைவி, கணவரை தட்டிக்கேட்டதால் பிரச்னை ஏற்பட்டது. இரண்டாவது மனைவியை விவாகரத்து செய்து விட்டு, போலீஸ் காதலியுடன் சாமி வசித்தார். செக்கானூரணியை சேர்ந்த தொந்தி மகள் ஜமுனாராணி (27) காமராஜ் பல்கலையில் கம்ப்யூட்டர் ஆபரேட்டராக உள்ளார். இவருக்கும், சாமிக்கும் காதல் ஏற்பட்டது. ஜமுனாராணியின் பெற்றோர் இதற்கு எதிர்ப்பு தெரிவித்தனர். மகளை மீட்டு கொடுக்க, விக்கிரமங்கலம் போலீசாரிடம் தொந்தி புகார் செய்தார்.

சாமி, ஜமுனாராணியிடம் போலீசார் பேச்சு வார்த்தை நடத்தினர். எனினும், "நாங்கள் இருவரும் மேஜர். சாமியுடன் தான் செல்வேன்,' என, ஜமுனாராணி தெரிவித்தார். இதனால், சாமியுடன் ஜமுனாராணி செல்ல முடிவானது. இதுகுறித்து டி.ஐ.ஜி., சந்தீப்மித்தலிடம், தொந்தி புகார் கூறினார். சாமியை டி.ஐ.ஜி., சஸ்பெண்ட் செய்தார்.