நடிகர் பிரபுவை திருத்திய அமைச்சர் மு.க.அழகிரி

சரண்.தி.வீ · சரண்.தி.வீ Thu 27 Aug 2009 - 9:05

நடிகர் பிரபுவை திருத்தியஅமைச்சர் மு.க.அழகிரி

மதுரை
வேலம்மாள் பள்ளியில் நடந்த விழாவில், நடிகர் பிரபு கலந்து கொண்டார். அவரது
தந்தை சிவாஜிகணேசன் பெயரில் கட்டடம் திறக்கப்பட்டது. அதை திறந்து வைக்க
வந்த மத்திய அமைச்சர் மு.க.அழகிரிக்கு, தனது பேச்சின்போது நடிகர் பிரபு
நன்றி கூறினார்.அடுத்து பேசிய மு.க.அழகிரி, "பிரபு மீது எனக்கு வருத்தம்.
அவரது குடும்பத்தையும், எங்கள் குடும்பத்தையும் பிரித்துப் பேசினார். எனது
தந்தையை அவர் பெரியப்பா என்றும், அவரது தந்தையை நான் சித்தப்பா என்றும்
அழைப்போம். சென்னை நடிகர் சங்க நிகழ்ச்சியில் சிவாஜிகணேசன் பேசியபோது,
"என்னையும், மு.க., வையும் பிரிக்க முடியாது' எனக் கூறினார். எனவே பிரபு
திருத்திக் கொள்ள வேண்டும்' என்றார்.அந்நேரம் மேடையில் அமர்ந்திருந்த
பிரபு எழுந்து நின்று, சிரித்தபடியே அழகிரியை பார்த்து கும்பிட்டார்.
"என்ன... சரி தானே?' என்றார் அமைச்சர் அழகிரி. பிரபுவும், "சரி தான்'
என்று கூறி சிரித்தார். மத்திய அமைச்சர் அழகிரியின் இந்த பேச்சு,
கூட்டத்தில் பங்கேற்ற மாணவர்கள் மத்தியில் பெரும் கரகோஷத்தை வரவழைத்தது.

சிரி