பிரவீண் குமாரின் விலகல் இந்திய அணிக்கு இழப்பு: தோனி

by **சிவா** Fri Feb 11, 2011 9:13 am

பெங்களூர், பிப்.10: காயம் காரணமாக பிரவீண் குமார் விலகியது இந்திய அணிக்கு இழப்பு என கேப்டன் மகேந்திர சிங் தோனி தெரிவித்துள்ளார்.

பெங்களூரில் பயிற்சியில் ஈடுபட்டுள்ள அவர் இதுகுறித்து மேலும் கூறியது: பிரவீண் குமாரின் விலகல் மிகவும் துரதிருஷ்டவசமானது. சில வீரர்களுக்கு சிறிய காயங்கள் இருந்தாலும், பெரிய அளவில் எவ்வித பாதிப்பும் இல்லை என்றார்.

உலகக் கோப்பை அட்டவணை குறித்துப் பேசிய தோனி, மிகச்சிறந்த அட்டவணை என்று ஏற்கெனவே கூறியுள்ளேன். அட்டவணை மிகுந்த மகிழ்ச்சியை அளிக்கிறது. இந்த அட்டவணை வீரர்கள் சிறு காயங்களில் இருந்து குணமாவதற்கு வசதியாக அமைக்கப்பட்டுள்ளது என்றார்.

நெருக்கடி குறித்துப் பேசிய தோனி, எப்போதெல்லாம் இந்தியாவில் விளையாடுகிறோமோ, அப்பொதெல்லாம் நெருக்கடி இருக்கத்தான் செய்யும். ஆனால் இப்போதுள்ள இந்திய அணி அனுபமிக்க அணி. பெரும்பாலான வீரர்கள் 5 அல்லது 7 ஆண்டுகளாக அணியில் விளையாடி வருபவர்கள் என்பதால் நெருக்கடியை எப்படி சமாளிப்பது என்பது அவர்களுக்குத் தெரியும். ஆட்டத்தின் போக்கை மாற்றக்கூடிய திறமைவாய்ந்த இளம் வீரர்களையும் இந்திய அணி பெற்றிருக்கிறது என்றார்.

இந்த உலகக் கோப்பையில் உங்கள் மீது அதிகப்படியான சுமை உள்ளதே என்று கேட்டபோது, அதை மறுத்த தோனி, உலகக் கோப்பை மீதான எதிர்பார்ப்புகள் அதிகரித்துள்ளது. உலகக் கோப்பையில் சில திட்டங்களை வகுத்து விளையாடவுள்ளோம். அதேசமயம் நெருக்கடியைப் பற்றி கவலைப்படமாட்டோம். டாஸ் வென்றால் பேட்டிங்கைத் தேர்வு செய்வதே சிறந்தது. உலகக் கோப்பையில் பங்கேற்கும் அனைத்து அணிகளும் பலம் வாய்ந்த அணிகள்தான். அனைத்து அணிகளுமே பலம் வாய்ந்த பெüலிங் வரிசையோடு களமிங்கும் என்றார்.

தினமணி