கவிதை தொகுப்பு – ஒரு நிலவில் சில நட்சத்திரங்கள்

**சிவா** · **சிவா** Fri 11 Feb 2011 - 9:13

அன்று தொடங்கிய மழை
சாரலாகி ஓடிப் போனது!
வாசல் தெளிக்கும் அளவுகூட
பூமி நனையவில்லை;
ஆனாலும்,
என் மனது தெப்பலாக
நனைந்திருந்தது
நீ மழையில் நடந்து சென்றதில்!

கவிதை தொகுப்பு – ஒரு நிலவில் சில நட்சத்திரங்கள் Hruler22

கவிதை தொகுப்பு – ஒரு நிலவில் சில நட்சத்திரங்கள் Hruler22

ஒற்றைக் குடைக்குள்
நெருக்கமாகக்
காதலர்கள் நகர்ந்தால்
கோபப்படுகிறான் வருணன்!
மழை பெருக
சாரல் தவிர்க்க
மேலும் நெருக்கமாக
மீண்டும் கோபம்
மீண்டும் சாரல்
மீண்டும் நெருக்கம்
கவிதை தொகுப்பு – ஒரு நிலவில் சில நட்சத்திரங்கள் Hruler20

உன் கால்தடத்தில்
தேங்கி இருந்த மழைநீரைத்
தீர்த்தமென்கிறேன்;
அப்படியென்றால்
நீ தேவதைதானே!

கவிதை தொகுப்பு – ஒரு நிலவில் சில நட்சத்திரங்கள் Hruler20

கடலுக்குள் விழுந்த
மழைத்துளி போல்
பத்திரப்படுத்திவிட்டேன்
என்னுள் விழுந்த உன்னை!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழையில் நனைபவளே!
தெரிந்து கொள்
உன் அழகை பிம்பமாக்கிக் கொள்ள
வான் அவன் விடும்
கோடிக் கோடி கண்ணாடிகள் அவை!
கவிதை தொகுப்பு – ஒரு நிலவில் சில நட்சத்திரங்கள் Hruler20

எல்லோரையும் வெறுமனே
நனைத்துவிட்டுச் செல்கிறது மழை!
உன்னில் மட்டுமே
அதுவே ரசித்து உள்ளிறங்கிப் போகிறது!
கவிதை தொகுப்பு – ஒரு நிலவில் சில நட்சத்திரங்கள் Hruler20

பெரிதாய்ப் பொழியும் மழையில்
நனைந்து நிற்கிறேன்;
உன் கால்தடத்தைத் தனியே
நனையவிட்டுச் செல்ல
நான் ஒன்றும் உன்னைப் போல்
கொடுமையானவன் அல்ல!
கவிதை தொகுப்பு – ஒரு நிலவில் சில நட்சத்திரங்கள் Hruler20

பெரும் பாலையில் தவறிப்
பெய்துவிட்ட
மழை நீ
எனக்கு!

கவிதை தொகுப்பு – ஒரு நிலவில் சில நட்சத்திரங்கள் Hruler20

எவ்வளவு பத்திரமாய்
நீ நடந்தாலும்
உன்னையும் அறியாமல்
வழியெங்கும்
பெய்துகொண்டே செல்கிறது
உன் அழகுமழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழை நேரத்தில்
திரும்பும் பக்கமெல்லாம்
தெரியும் மழைக்கீற்று மாதிரி
என் மனதில் திரும்பும் பக்கமெல்லாம்
நீ! நீ! நீ!

கவிதை தொகுப்பு – ஒரு நிலவில் சில நட்சத்திரங்கள் Hruler20

தண்மையான
உன்னைச் செதுக்குகையில்
சிதறிய
சின்னச் சின்னச் சில்லுகள்தாம்
மழை!
கவிதை தொகுப்பு – ஒரு நிலவில் சில நட்சத்திரங்கள் Hruler20

சுகம்!
மழையில் நனைந்து கரைதலும்!
உன் பிடியில்
கரைந்து தொலைதலும்!

கவிதை தொகுப்பு – ஒரு நிலவில் சில நட்சத்திரங்கள் Hruler20

வானம்,
பெய்ய மழை
பெய்யப் பெய்யப் பெருமழை!
நீ,
காண அழகு
காணக் காணப் பேரழகு!
கவிதை தொகுப்பு – ஒரு நிலவில் சில நட்சத்திரங்கள் Hruler20

என்னை அந்தி முதல்
ஆதிவரை நனைத்துச்
செல்கிறீர்கள்!
பலநேரங்களில் நீயும்!
சிலநேரங்களில் மழையும்!

கவிதை தொகுப்பு – ஒரு நிலவில் சில நட்சத்திரங்கள் Hruler20

**சிவா** · **சிவா** Fri 11 Feb 2011 - 9:15

உடுத்திக்கொள்ள
உன் கிழிந்த சேலைதான் வேண்டுமாம்
அம்மணமாய் விழும்
அம்மழைக்கு!

கவிதை தொகுப்பு – ஒரு நிலவில் சில நட்சத்திரங்கள் Hruler20

இதுவரை துரத்தித் துரத்திக்
கிட்டியதில்லை!
தானாய்க் கிட்டியதுதான்
நீயும் மழையும்!

கவிதை தொகுப்பு – ஒரு நிலவில் சில நட்சத்திரங்கள் Hruler20

நேற்றைய
என் கோபத்தையும்
உன் வருத்தத்தையும்
துவைத்துத் துடைத்துப்
போயிருந்தது
இரவில் பெய்த மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

என்னவோ அறியேன்
எப்படி என்றும் அறியேன்
என் உயிர்வரை நுழைந்து
மனம் ஊடுருவ உனையும்
மழையையும் மட்டும் அனுமதிக்கிறேன்!

கவிதை தொகுப்பு – ஒரு நிலவில் சில நட்சத்திரங்கள் Hruler20

எத்தனை மழைத்துளிகள்
மண் முத்தமிடுமிடுகின்றன என
எவ்வளவு நேரம் எண்ணிக் கொண்டிருப்பது
சீக்கிரம் வந்துவிடு!

கவிதை தொகுப்பு – ஒரு நிலவில் சில நட்சத்திரங்கள் Hruler20

என் மீது
ஒரு மழையாய்த் தான்
பொழிந்து செல்கிறது
நீ சிந்தும் மென்னகை!

கவிதை தொகுப்பு – ஒரு நிலவில் சில நட்சத்திரங்கள் Hruler20

நீ
கோபம் காட்டும் நாட்களில்
கண்ணாடிச் சில்லுகளாய்க்
குத்திச் செல்கின்றன
மழைத்துளிகள்!

கவிதை தொகுப்பு – ஒரு நிலவில் சில நட்சத்திரங்கள் Hruler20

உன் கன்னக்குழியில்
தங்கும் அந்த ஒற்றைத்துளி
மழை அமுதத்தின் விலை
காதல்!

கவிதை தொகுப்பு – ஒரு நிலவில் சில நட்சத்திரங்கள் Hruler20

நீ தொட்டுப் பேசுகிற நேரங்களில்
மழை ஞாபகம்
தவிர்க்க இயலவில்லை எனக்கு!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழையில் நனைந்த உன் முகம்
ஒரு நிலவில்
சில நட்சத்திரங்கள்!

கவிதை தொகுப்பு – ஒரு நிலவில் சில நட்சத்திரங்கள் Hruler20

உன் மெளனம் கலைந்த கணத்தில்
மனம் கொள்ளும் வேகத்தில்
வானம் உடைத்து
நொறுங்கி விழுகிறது
மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

நனைய நீ ஊரில் இல்லை
என்பதற்காக
எட்டியே பார்க்கவில்லை
மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

முதன்முதலாய் மழையுடன்
பெண்ணை ஒப்பிட்டுக் கவி சமைத்தவன்
யாரென யாராவது கேட்டால்
என்னைக் கை காட்டு!
பெண்ணென்றால் அது
நீ மட்டும்தானே!

கவிதை தொகுப்பு – ஒரு நிலவில் சில நட்சத்திரங்கள் Hruler20

ஜன்னலில் பார்த்ததைவிடவும்
பக்கத்தில் பார்த்தல்
அழகு!
நீயும்!
மழையும்!

கவிதை தொகுப்பு – ஒரு நிலவில் சில நட்சத்திரங்கள் Hruler20

**சிவா** · **சிவா** Fri 11 Feb 2011 - 9:16

வார்த்தையாகக் கூட இல்லை
ஒரு எழுத்தாகக் கூட இல்லாதவனை
ஒரு கவிஞனாய் மாற்றிய
பெருமை
உனக்கும்
மழைக்கும் மட்டுமே!

கவிதை தொகுப்பு – ஒரு நிலவில் சில நட்சத்திரங்கள் Hruler20

என்னைக் கொஞ்சுகையில்
கைகால் முளைத்த
மழையாகிறாய் நீ!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழையும் நீயும்
நனைக்கிறீர்கள்
நனைப்பதாய்ச் சுடுகிறீர்கள்
சில நேரங்களில்!

கவிதை தொகுப்பு – ஒரு நிலவில் சில நட்சத்திரங்கள் Hruler20

நின்ற பின்னும்
சிறிது நேரம்
இலை தங்கும் மழை போல
நீ நின்று போன
இடத்தில் எல்லாம்
கொஞ்சநேரமாவது தங்கிச்
செல்கிறது அழகு!

கவிதை தொகுப்பு – ஒரு நிலவில் சில நட்சத்திரங்கள் Hruler20

நீ மார்பில்
சாயும் தன்மையில்
என்னை அறியாமல்
நானே மழையாகிறேன்!

கவிதை தொகுப்பு – ஒரு நிலவில் சில நட்சத்திரங்கள் Hruler20

என் மனம்
பட்டுப் போகக்கூடும்
எனும்போதெல்லாம்
மழையாகப் பெய்துபோகிறாய்
நீ!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழைத்துளிக்காகப்
புதைந்து காத்திருக்கும்
விதைகள் போல!
உன் விழிப் பார்வைக்காகக்
காத்திருக்கின்றது
என் காதல்!

கவிதை தொகுப்பு – ஒரு நிலவில் சில நட்சத்திரங்கள் Hruler20

கருமை வர்ணம் பூசித்திரிந்த
அம்மேகத்தின் பிள்ளை
மண்தீண்டலில் எழுந்த
மண் வாசனை
நுகர்தலில் உணர்கிறேன்
உன் வாசனை!
கவிதை தொகுப்பு – ஒரு நிலவில் சில நட்சத்திரங்கள் Hruler20

வானம் கிழிக்கும்
வெளிச்சத்தில் – எழும்
இடி ஒலியில்
சோ! என
மண் நனைத்து
மண் நிறைக்கிறது மழை!
என் உயிர் நனைத்து
என் உயிர் நிறைக்கும் உன் உயிர்!

கவிதை தொகுப்பு – ஒரு நிலவில் சில நட்சத்திரங்கள் Hruler20

நீயும் நானும்
இரவில் நடந்துவர
சொல்லாமல் கொள்ளாமல்
ஓடிவந்து நனைத்து
விளையாடிய
அச்சிறுபிள்ளை சிறுமழையை
பத்திரப்படுத்தி வைத்திருக்கிறேன்
கண்ணிலும்
உயிரிலும்!

கவிதை தொகுப்பு – ஒரு நிலவில் சில நட்சத்திரங்கள் Hruler20

மண்ணுள் ஊடுருவிச் செல்லும்
மழையென!
என் உள்ளம்
தூர்ந்து நுழைகிறாய் நீ!

கவிதை தொகுப்பு – ஒரு நிலவில் சில நட்சத்திரங்கள் Hruler20

எதுவாக நீ வந்தாலும்
இன்பமே!
ஆனால்,
மழையாக வந்தால்
பேரின்பம்!

கவிதை தொகுப்பு – ஒரு நிலவில் சில நட்சத்திரங்கள் Hruler20

நனைந்து சென்ற உன்னை
ஆயிரமாயிரம் பிம்பமாய்க்
காட்டியது மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

**சிவா** · **சிவா** Fri 11 Feb 2011 - 9:17

சுத்தமான
அந்த மழைத்துளி
பார்க்கும்போதெல்லாம்
உன் ஒப்பனையற்ற முகம்
முன்னால் நிற்கிறது!

கவிதை தொகுப்பு – ஒரு நிலவில் சில நட்சத்திரங்கள் Hruler20

நனைத்து நனைத்தே
நெருக்கமான
மழை போலவே
சுகமாகிறாய்
நீயும்!

கவிதை தொகுப்பு – ஒரு நிலவில் சில நட்சத்திரங்கள் Hruler20

நீ வருவாய் என்பதை
முன்னமே வந்து சொல்லிவிட்டுப்
போய்விடுகிறது
மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

பைத்தியமாகிவிடத் தோன்றுகிறது
மழையில் உறையும்போதும்
உன் நினைவுகளில் நனையும்போதும்!

கவிதை தொகுப்பு – ஒரு நிலவில் சில நட்சத்திரங்கள் Hruler20

பூமியைச் சுத்தமாக்கிப்
புதியதாக்குவது மழை!
என்னை
துடைத்துப் புதியவனாக்குவது
உன் பார்வை!

கவிதை தொகுப்பு – ஒரு நிலவில் சில நட்சத்திரங்கள் Hruler20

தேடிக் கொண்டே
இருக்கிறேன்!
சேலை விலகிய நேரத்தில்
தொட்டு விளையாடி
ஒரே ஒரு முறை உனை
அவஸ்த்தைக் கொள்ளச் செய்த
அச்சிறுமழையை!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழை ரசித்தாலும்
உனை ரசித்தாலும்
நேரம் கடப்பதும்
தெரிவதில்லை!
உயிர் கரைந்து
ஓடுவதும் தெரிவதில்லை!

கவிதை தொகுப்பு – ஒரு நிலவில் சில நட்சத்திரங்கள் Hruler20

உனைத் தொட்ட பின்
அதே துளி!
கவனி அதே துளி
ஏன் எனையும் தீண்டவில்லை எனக்
கோபித்துக் கொண்டேன்
மழையிடம் நேற்று!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழை பெய்யும்
நாட்களெல்லாம்
உனைக் கண்ட நாட்களாக
அமைந்துவிடுகிறது!

கவிதை தொகுப்பு – ஒரு நிலவில் சில நட்சத்திரங்கள் Hruler20

உனைக் கண்ட நாட்களுக்கே
என் நாட்காட்டியில்
இடமிருக்கிறது!
போனால் போகட்டும்
உனக்காக
மழை கண்ட நாட்களையும்
சேர்த்துக் கொள்கிறேன்!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழை தொட்டால் மட்டுமே
சிலிர்த்தவன் நான்!
நான் தொட்டால் மட்டுமே
சிலிர்ப்பவள் நீ!

**********
**************

தெரியும்,
மழையில் நனைகையில் சிலசமயம்
நான் பருகும்
ஒவ்வொரு துளியிலும்
இருக்கிறாய் நீ!

கவிதை தொகுப்பு – ஒரு நிலவில் சில நட்சத்திரங்கள் Hruler20

எப்போதிலிருந்து இப்படி எழுதுகிறீர்கள்
என்றாய்!
நீ மழையில் நனைவது
கண்டதிலிருந்து என்றேன்!
ச்சீ என வெட்கப்பூ பூத்தாய்!
அடுத்த மழை பெய்யத் தொடங்கியது
நீயும் நனையத் தொடங்கினாய்
நானும் இன்னமும் அழகாய் எழுதத் தொடங்கினேன்!

கவிதை தொகுப்பு – ஒரு நிலவில் சில நட்சத்திரங்கள் Hruler20

**சிவா** · **சிவா** Fri 11 Feb 2011 - 9:19

சந்தோசம்
துக்கம்
எதற்கும் அழுதுவிடாதே!
நமக்காக தான்தான்
அழுவேன் என
அடம்பிடித்து வரம் வாங்கியிருக்கிறது
மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

எப்படித் தேர்வு செய்கிறாய்
உன்னை நனைப்பதற்கான
மழையை!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழையில் சிக்கிக் கொண்ட
பெருவியாதிக்காரனின் தவிப்பாய்
உன் விழிதேடிக் கிடக்கிறது
என் காதல்!

கவிதை தொகுப்பு – ஒரு நிலவில் சில நட்சத்திரங்கள் Hruler20

உனைப் பார்க்க வரும்போதெல்லாம்
மண் அன்னையை நோக்கிவரும்
மழைப் பிள்ளையென
குதித்தோடி வருகிறேன்!

கவிதை தொகுப்பு – ஒரு நிலவில் சில நட்சத்திரங்கள் Hruler20

உன் இதழில் உணர்ந்தேன்
சுவையில்லா ஒரு சுவையான
மழையின் சுவையை!

கவிதை தொகுப்பு – ஒரு நிலவில் சில நட்சத்திரங்கள் Hruler20

உன்னை நினைத்தபடி
வானம் நோக்கி
இருந்தேன்!
நெற்றி விழுந்து
நெஞ்சுவரை நீந்திய
மழையின் தண்மை
இன்னமும் அதிகமாய்
ஞாபகப்படுத்திவிட்டது உன்னை!

கவிதை தொகுப்பு – ஒரு நிலவில் சில நட்சத்திரங்கள் Hruler20

உன் மீது கோபம் காட்டும் நாட்களில்
என்னை மட்டும் தீண்டாமல்
விலகிப் பெய்துவிட்டுச் செல்கிறது மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

நீ பேசாமல் இருந்தால்
என் வானமெங்கும்
மேகமூட்டம்!

கவிதை தொகுப்பு – ஒரு நிலவில் சில நட்சத்திரங்கள் Hruler20

நீ கோபம் காட்டும் நாட்களில்
என் மனமெங்கும் பெய்யும்
வலிக்க வலிக்கக்
கல் அடி மழை!
ஆலங்கட்டி மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

மழை மண் விழுந்த அடுத்தநாள்
முளைத்துவிடும் விதையென
நீ கண்ணுள் விழுந்த
அடுத்த நொடி முளைத்துவிட்டான்
என்னுள் காதல்!

கவிதை தொகுப்பு – ஒரு நிலவில் சில நட்சத்திரங்கள் Hruler20

நீ மழையில் நனைந்த
லயத்தில் கண்டுக்கொண்டேன்
மழையே ரசிக்கும்படி
எப்படி மழையில்
நனைவதென!

கவிதை தொகுப்பு – ஒரு நிலவில் சில நட்சத்திரங்கள் Hruler20

பெருமழைக்கே
பயந்து போகாதவன்
உன் விழியோரம் வழியும்
ஒருதுளிக்குப்
பதறிப் போகிறேன்!

கவிதை தொகுப்பு – ஒரு நிலவில் சில நட்சத்திரங்கள் Hruler20

உன்னைக் கொஞ்சுவதில்
எனக்குப் போட்டி
மழை மட்டுமே!

கவிதை தொகுப்பு – ஒரு நிலவில் சில நட்சத்திரங்கள் Hruler20

மண் விழுந்த மழை மட்டுமா?
நீயும்
கவிதை நடையில்தான்
நடக்கிறாய்!

கவிதை தொகுப்பு – ஒரு நிலவில் சில நட்சத்திரங்கள் Hruler20

திட்டிக் கொண்டே
துப்பட்டா கொண்டு நீ
தலை துவட்டுகையில்
எனக்கு
இன்னமும் செல்லமாகிப் போகிறது
மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

உன்னில்
கவிதை காணும் இடமெல்லாம்
ஒரு புள்ளி வைத்துச்
செல்கிறது மழை!

கவிதை தொகுப்பு – ஒரு நிலவில் சில நட்சத்திரங்கள் Hruler20

- ப்ரியன்.

மடலாடலுக்கு – mailtoviki@gmail.com

http://priyanonline.com/?p=137