கோவா சர்வதேச திரைப்பட விழாவில் 4 தமிழ் படங்கள்

**Admin** · **Admin** Sun Nov 02, 2008 7:42 am

கோவாவில் வருகிற டிசம்பர் மாதம் நடைபெற உள்ள சர்வதேச திரைப்பட விழாவில் 4 தமிழ் திரைப்படங்கள் திரையிடப்பட இருக்கிறது. பில்லா, கல்லூரி, முதல் முதல் முதல் வரை, கஞ்சீரம் ஆகிய 4 படங்கள்தான் அவை.

இதில் பில்லா, முதல் முதல் வரை ஆகிய படங்கள் வர்த்தக பிரிவில் தேர்வாகியுள்ளன. கல்லூரி படம் கிராமம் சார்ந்த கல்லூரி வாழ்க்கையின் பதிவு என்பதால் தேர்ந்தெடுக்கப் பட்டுள்ளது. கஞ்சீவரம் படம் விருதுக்காக மட்டுமே இயக்குனர் ப்ரியதர்ஷனால் எடுக்கப்பட்ட படம். நெசவு தொழிலாளர்களின் வாழ்க்கை நிலையை சித்தரிப்பதால் இப்படமும் தேர்ந்தெடுக்கப்பட்டுள்ளது.

**Admin** · **Admin** Sun Nov 02, 2008 7:43 am

பாராட்டுக்காக பேசவில்லை : ராகவா லாரன்ஸ்

இலங்கையில் தமிழர்கள் கொல்லப்படுவதை கண்டித்து தமிழ் சினிமா நட்சத்திரங்கள் சார்பில் சென்னையில் உண்ணாவிரத போராட்டம் நடந்தது. இதில் கலந்து கொண்ட நடிகர் ராகவா லாரன்ஸ், ரூ.1 லட்சம் நிவாரண நிதி வழங்கினார்.

அதன் பிறகு பேசிய ராகவா லாரன்ஸ், நடிகர்கள் ரஜினிகாந்த், விஜய், அஜித் தங்களது ரசிகர்களையும் நிவாரண தொகையை வழங்கச் செய்ய வேண்டும் என்று பேசினார். மேலும், கட்அவுட்டுக்கு பால் அபிஷேகம் செய்வது குறித்து பேசிய லாரன்ஸ், அந்த பாலை ஒரு பூனை கூட குடிக்க முடியாமல் போய்விடுகிறது என்றும் சாடினார். அவரது இந்த பேச்சுக்கு பலரும் பாராட்டு தெரிவித்து வருகிறார்கள். இதுபற்றி லாரன்சிடம் கேட்டபோது, நான் பாராட்டுக்காக பேசவில்லை, என்றார்.

**Admin** · **Admin** Sun Nov 02, 2008 7:43 am

செல்வராகவனின் அடுத்த படத்தில் விஷால்

டைரக்டர் செல்வராகவன், பருத்தி வீரன் கார்த்தியை வைத்து ஆயிரத்தின் ஒருவன் படத்தை இயக்கி வருகிறார். படத்தின் பட்ஜெட்டும், படப்பிடிப்பு நாட்களும் நிண்டு கொண்டே போகிறது. கிட்டத்தட்ட ரூ.20 கோடி செலவழிக்கப்பட்டு விட்டதாம்.

இந்நிலையில் படத்தின் இறுதிகட்டத்தை எட்டியிருப்பதாக கூறும் செல்வராகவன் அடுத்த படத்துக்கு தயாராகி வருகிறாராம். அவரது அடுத்த படத்தில் நடிகர் விஷாலை நடிக்க வைக்க முயற்சிகள் நடந்து வருகிறதாம். விஷால் ஓ.கே. சொல்லி விட்டால் ஆயிரத்தின் ஒருவன் சூட்டிங் முடிந்த பின்னர் புதிய படத்துக்கான சூட்டிங் தொடங்க திட்டமிட்டிருக்கிறாராம்.

**Admin** · **Admin** Sun Nov 02, 2008 7:44 am

புகைப்படம் இயக்குனர் ஆன இன்ஜினியர்

புதுமுக நடிகர், நடிகை நடிக்கும் புகைப்படம் என்ற படத்தை புதுமுக இயக்குனர் ராஜேஷ் லிங்கம் இயக்குகிறார். இவர் இயக்குனர் செல்வராகவனிடம் 7ஜி ரெயின்போ காலனி மற்றும் புதுப்பேட்டை ஆகிய படங்களில் அஸிஸ்டண்டாக பயிற்சி பெற்ற இவர் ஒரு இன்ஜினியராம்.

செல்வராகவன் மாதிரியே இன்ஜினியரான இவர், செல்வாவின் நண்பருக்கு நண்பர் என்பது குறிப்பிடத்தக்கது. முற்றிலும் வித்தியாசமாக எடுக்கப்படும் இந்த படத்துக்கு புகைப்படம் என்று பெயரிட்டிருப்பதே ஒரு வித்தியாசத்துக்குத்தான் என்கிறார் அறிமுக இயக்குனர் ராஜேஷ் லிங்கம்.

**Admin** · **Admin** Sun Nov 02, 2008 7:45 am

பாடகரானார் நடிகர் எம்.எஸ்.பாஸ்கர்

அட்சயா மல்டி மீடியா கிரியேஷன்ஸ் எனும் பேனரில் உருவாகி வரும் புதிய படம் இன்னொருவன். இந்த படத்துக்கு கதை, திரைக்கதை, வசனம் எழுதி இயக்குபவர் எஸ்.டி.குணசேகரன்.

புதுமுகங்கள் ஆதித்யாவும், மனோஹாவும் நாயகன், நாயகியாக நடிக்கின்றனர். இதுநாள் வரை காமெடி நடிகராகவும், குணசித்திர நடிகராகவும் நடித்து வந்த நடிகர் எம்.எஸ்.பாஸ்கர், இந்த படத்தில் முதன்முதலாக ஒரு கானா பாடலுக்கு தன் சொந்த குரலில் பின்னணி பாடி பாடகராகவும் அறிமுகமாகியுள்ளார். இந்த படத்துக்கு ஆதிஷ் உத்ரியன் இசையமைக்க, நடிகை ரிஷா குத்தாட்டம் போட்டிருக்கிறார் என்பது கூடுதல் தகவல்.

Sponsored content · Sponsored content

கோவா சர்வதேச திரைப்பட விழாவில் 4 தமிழ் படங்கள்

கோவா சர்வதேச திரைப்பட விழாவில் 4 தமிழ் படங்கள்

Re: கோவா சர்வதேச திரைப்பட விழாவில் 4 தமிழ் படங்கள்

Re: கோவா சர்வதேச திரைப்பட விழாவில் 4 தமிழ் படங்கள்

Re: கோவா சர்வதேச திரைப்பட விழாவில் 4 தமிழ் படங்கள்

Re: கோவா சர்வதேச திரைப்பட விழாவில் 4 தமிழ் படங்கள்

Re: கோவா சர்வதேச திரைப்பட விழாவில் 4 தமிழ் படங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக