உன் பாதை.......சகோ.அன்சீலுக்கா.

ஹாசிம் · ஹாசிம் Wed 9 Feb 2011 - 20:35

இறைநேசச் செல்வனே..
இறைவன் உமக்களித்த
உன்னன்பான முத்துக்களை
அவனின் நாட்டத்தில்
பிரித்தெடுத்த துயரோடு
தாழாத்துன்பமுனை
நிலைகுலைக்கலாகாது..

மலர்ந்த மழலை...
செல்வமாயுன் கையில்த் தவள
தாயாய் நீமாறித்
தங்கமதை ஏந்திடு
தரணிவியக்கும் பாசமழையில்
தினமும் நனைத்திடு
சோகங்களின் சோர்வுகளை
சொந்தங்களின் நலன்களுக்காய்
என்றுமுரங்களாக்கிடு...

இக்காலம் பொன்னானதாய்
பொறுப்புகளின் சுமைகளோடு
எதிர்காலக்கேள்விகள்
உன்பாதையில் நிறைந்திருக்க
வடுவின் விளைவுகளோடு
வலம்வந்திழந்திடாதே....

நற்குலசீலனாய்....
பிறர்நலன் நோக்கினாய்
நண்மைகள் நோக்கிடா
உபகாரம் செய்திருந்தாய்
நல்லதோர் எதிர்காலம்
நலங்களோடிறைவன் தந்திடுவான்

இறைவன் வகுத்துத்தரும்
வாழ்க்கைப்பாதையில்
மேடுபள்ளங்களாய்த் தடங்கல்கள்
அத்தனையும் வென்றிடும்
ஆற்றலும் அவனளிக்கிறான்

நடந்தவைகளோடு தொடர்ந்திடாது
நடப்பவைகளோடு பயணித்து
உன்பாதையில் நிலைத்து
உளமதைப் பக்குவமாக்கிடு

நடப்பவை அத்தனையும்
இறைவனின் ஏற்பாடென்று
சாந்தியும் கொண்டு....
உன் பாதையில் வென்றிட
கரமேந்திப் பிரார்த்திக்கிறோம் ...

குறிப்பு: சசோதரர் அன்சீல்(இலங்கை) அட்டாளைச்சேனை பிரதேச சபைத்தவிசாளர். அண்மையில் இவருக்கு ஏற்பட்ட சோகச்சம்பவத்திற்கான(துணைவி குழந்தையின் மரணம்) அனுதாப வரிகள்

**அருண்** · **அருண்** Wed 9 Feb 2011 - 22:12

சோக வரிகள் படைத்து சம்பற்பித்த அண்ணனுக்கு மிக்க நன்றி...
நாங்களும் உங்கள் சோகத்தில் பயணிக்கிறோம் அண்ணா...
விலை மிக்க முடியாத இரண்டு உயிர்கள்.. சோகம்

இந்த பதிவைத் துவங்கியவர் நன்றி கூறியுள்ளார் அருண்

ஹாசிம் · ஹாசிம் Thu 10 Feb 2011 - 15:00

arun_vzp wrote:சோக வரிகள் படைத்து சம்பற்பித்த அண்ணனுக்கு மிக்க நன்றி...
நாங்களும் உங்கள் சோகத்தில் பயணிக்கிறோம் அண்ணா...
விலை மிக்க முடியாத இரண்டு உயிர்கள்..

மிக்க நன்றி அருண் இறைவனின் நாட்டம் இடம்பெற்றுவிட்டது எம்மால் அனுதாபங்களை மட்டுமே வெளிப்படுத்த முடிகிறது

மஞ்சுபாஷிணி · மஞ்சுபாஷிணி Thu 10 Feb 2011 - 15:44

இணையை இழந்து பரிதவிக்கும் ஒரு உள்ளத்துக்கு இந்த அன்பும் ஆறுதலும் கொண்ட வரிகள் கண்டிப்பாக அவர் மனதை கரைக்கும்...

கவிதை என்றாலும் இதில் பொதிந்திருக்கும் அன்பினை ஆழமான பாசத்தை மிக அருமையான வரிகளால் உணர்த்தியமைக்கு என் அன்பு வாழ்த்துக்கள் அன்புத்தம்பி ஹாசிம்...

SK · SK Thu 10 Feb 2011 - 15:53

மனதை கனமாக்கிய ஒரு கவிதை

ஹாசிம் · ஹாசிம் Sat 12 Feb 2011 - 11:19

மஞ்சுபாஷிணி wrote:இணையை இழந்து பரிதவிக்கும் ஒரு உள்ளத்துக்கு இந்த அன்பும் ஆறுதலும் கொண்ட வரிகள் கண்டிப்பாக அவர் மனதை கரைக்கும்...

கவிதை என்றாலும் இதில் பொதிந்திருக்கும் அன்பினை ஆழமான பாசத்தை மிக அருமையான வரிகளால் உணர்த்தியமைக்கு என் அன்பு வாழ்த்துக்கள் அன்புத்தம்பி ஹாசிம்...

இந்தச் சம்பவம் எனது பிரதேச மக்களனைவரையும் சோகத்தில் ஆழ்த்தியது என்றால் மிகையாகாது ஒரு பெண் பிரசவத்தின் போதுதான் செத்துப்பிழைக்கிறாள் என்பதை உணராத எத்தனை குழந்தைகளை காண்கிறோம் இந்தப்பெண்மணி ஒரு குழந்தை பிரசவத்தின் பின்னர் மயக்கநிலை அடைந்திருக்கிறார் இரண்டாவது குழந்தை பிரசவத்திற்காக அறுவைச்சிகிச்சை செய்திருக்கிறார்கள் வைத்தியர்கள் குழந்தை இறந்திருந்திருக்கிறது சற்று நேரத்தின் பின்னர் தாயின் மரணச்செய்தியும் அறிவிக்கப்பட்டிருக்கிறது சோகம்

மிகவும் கவலை நிறைந்ததாக அமைந்த செய்தி இது அதற்காகத்தான் இந்த அனுதாபம்
மிக்க நன்றி அக்கா

Sponsored content · Sponsored content

உன் பாதை.......சகோ.அன்சீலுக்கா.

உன் பாதை.......சகோ.அன்சீலுக்கா.

Re: உன் பாதை.......சகோ.அன்சீலுக்கா.

Re: உன் பாதை.......சகோ.அன்சீலுக்கா.

Re: உன் பாதை.......சகோ.அன்சீலுக்கா.

Re: உன் பாதை.......சகோ.அன்சீலுக்கா.

Re: உன் பாதை.......சகோ.அன்சீலுக்கா.

Re: உன் பாதை.......சகோ.அன்சீலுக்கா.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக