திரைப்படத்துறையின் இதயம்! கருணாநிதிக்கு புது பட்டம்!!

by **அருண்** Wed Feb 09, 2011 1:47 pm

திரைப்படத்துறைக்கு சலுகைளை வாரி வழங்கி வருவதால் திரைப்படத்துறையின் இதயம் என்ற பட்டம் முதல்வர் கருணாநிதிக்கு வழங்கப்பட்ட உள்ளது. அதோடு இளைஞன் படத்தில் சிறப்பான வசனம் எழுதியமைக்காக அவருக்கு சிறந்த வசனகர்த்தா விருதும் நாக்பூர் பட விழாவில் வழங்கப்படுகிறது. நாக்பூரில் உள்ள நிர்சார் பிலிம் சொசைட்டி சார்பில் சர்வதேச திரைப்பட விழா நாளை நடைபெறுகிறது. இதில் சிறப்பான பல்வேறு படங்களுக்கு விருதுகள் வழங்கி கவுரவிக்கப்பட உள்ளன. சிறந்த வசனத்துக்கான விருது கலைஞரின் இளைஞன் படத்துக்கு வழங்கப்படுகிறது.

இளைஞன் படத்திற்கு வசனம் எழுதியவர் முதல்வர் கருணாநிதி. எனவே அவருக்கு இந்த விருது வழங்கப்படுகிறது. இதுதொடர்பாக நிர்சார் பிலிம் சொசைட்டி சார்பில் முதல்வர் கருணாநிதிக்கு அனுப்பப்பட்டுள்ள கடிதத்தில் கூறியிருப்பதாவது:-

நாக்பூரில் உள்ள நிர்சார் திரைப்படக் கழகம் சார்பில், நாக்பூரில் நடைபெறும் இந்தியத் திரைப்படக் கூட்டமைப்பின் 2-வது சர்வதேச திரைப்பட விழாவில் நீங்கள் பங்கேற்க வேண்டும் என அழைப்பு விடுக்கின்றோம். இந்த ஆண்டு, எங்கள் கழகத்தில் தமிழ் சினிமாவை ஆய்வு செய்ய முடிவு செய்துள்ளோம். திரைப் படத்துறையில் தமிழ் சினிமா மாபெரும் சாதனைகள் செய்து வருவதையும், புதுமையான கருத்துகளை யதார்த்தமாக வெளியிட்டு வருவதோடு, வர்த்தக ரீதியிலும், மகத்தான முறையில் தொடர்ந்து வெற்றி பெறுவதையும் நாங்கள் அறிந்தோம்.

நடுவர்களுடன் கூடிய எங்களது சிறப்புக் குழு, தமிழ் திரைப்படங்களை நன்கு கவனித்தது, கதையம்சம், படம் எடுக்கப்பட்ட விதம், வெற்றியின் அடிப்படை ஆகியவைகளை கொண்டு ஆய்வு செய்ததில், இளைஞன் படத்தை எங்கள் சிறப்புக் குழு தேர்வு செய்துள்ளது. இளைஞன் திரைப்படம் கதையம்சம், வசன நடைமுறை, குறிப்பாக காலத்திற்கேற்ற சிறந்த வசனங்கள் இவைகளுக்காக தேர்வு செய்யப்பட்டுள்ளது. எனவே நாக்பூரில் நடைபெறும் சர்வதேச திரைப்பட விழாவில் உங்களது வசனத்தில் உருவானதும், 75-வது திரைப்படம் என்பதை அங்கீகரிக்கும் வகையிலும், உங்களுக்கு பாராட்டும், விருதும் வழங்க விரும்புகின்றோம். தன்னிச்சையான பொருத்தமான யதார்த்தமான உங்களது மிகச் சிறந்த வல்லமை மிக்க வசனங்களுக்காக இந்தப் பாராட்டை நாங்கள் வழங்குகின்றோம்.

மதம், இனம், மொழி, சாதி, சமயக்கோட்பாடு இவைகளைக் கடந்து, உலகம் முழுவதும் உள்ள மக்களின் இதயங்களை ஆழமாக ஈர்க்கும் வகையில் உங்கள் சீரிய எழுத்தாற்றலாலும், முன் எப்போதும் இல்லாத அளவிற்கு, ஆணித்தரமாக தமிழ்த் திரைப்படத்துறைக்கு பல வகையிலும் பங்களித்து வரும் உங்களுக்கு, திரைப்படத்துறையின் இதயம், என்ற பட்டத்தையும் தேர்வு செய்து வழங்க முடிவு செய்துள்ளோம்.

இவ்வாறு அதில் கூறப்பட்டுள்ளது.

நாளை நடைபெறவுள்ள விழாவில் முதல்வர் கருணாநிதி சார்பில் இளைஞன் படத்தில் நடித்த நடிகை குஷ்பு, நடிகர் பா.விஜய், டைரக்டர் சுரேஷ் கிருஷ்ணா, தயாரிப்பாளர் மார்ட்டின் ஆகியோர் இந்த விருதினை பெற்றுக் கொள்ளவிருக்கிறார்கள்.

cinema.dinamalar

by பிரகாசம் Wed Feb 09, 2011 2:21 pm

திரைப்படத்துறையின் இதயம்! கருணாநிதிக்கு புது பட்டம்!! 56667

by **ஸ்ரீஜா** Wed Feb 09, 2011 2:28 pm

அப்படி என்றால் அந்த இதயதிற்க்கு எப்போது வேண்டுமானாலும் அட்டாக் வரலாம்............... அநியாயம்

by பாலாஜி Wed Feb 09, 2011 2:40 pm

இதயமே இல்லாதவர்க்கு , திரைப்படதுறையின் இதயம் பட்டம். என்ன கொடுமை சரவனன் இது...

திரைப்படதுறையை உங்கள் குடும்பம் ஆக்கிரமித்துவிட்டது..

அப்புறம் எப்படி இந்த விருது..