கா(தல்)மம்

by செய்தாலி Tue Feb 08, 2011 5:53 pm

காளைப் பருவத்தில் அவன்
கன்னிப் பருவத்தில் அவள்
காமன் அவன் வருகையால்
காதல் பிறக்கிறது
அவர்களின் உள்ளத்தில்

காதல் எங்களுக்குச் சொந்தம்
உரிமை கொண்டாடுகிறார்கள்
காளைப் பருவம் சுமக்கும்
ஆணும் பெண்ணும்

வயது எனும் வேலிக்குள்
ஒருபோதும் சிறைபடாதது
காதலும் காமமும்

காமம் கலக்காத காதலில்லை
காதலில் காமம் இல்லையென்றால்
அது காதலில் சேர்வதில்லை

எல்லா உறவிலும் காதலுண்டு
காமத்தை சிறை இடும்
உறவுகளும் உண்டு

காமத்தை புசித்துவிட்டு
காதலை புறம் தள்ளுபவர்கள்
உடல் தின்னும் மனிதர்கள்

காதலை புசித்துவிட்டு
காமத்தை புறம் தள்ளுபவர்கள்
உணர்ச்சியை கொல்லும் மனிதர்கள்

காதலையும் காமத்தையும்
பேதமின்றி புசித்தாலே
சுவையின் மகத்தும் உணரமுடியும்

தனக்கு உரிமையுள்ளவர்களிடம்
காதலையும் காமத்தையும்
மனிதர்கள் தேடிக் கொள்கையில்
புனிதமாகிறது அவ்வுறவுகள்

காதலை ஒருவரிடத்திலும்
காமத்தை மற்றோருவரிடத்திலும்
மனிதர்கள் தேடிக் கொள்கையில்
சீர்குலைந்து சிதைகிறது அவ்வுறவுகள்

by **அருண்** Tue Feb 08, 2011 6:00 pm

காதலை ஒருவரிடத்திலும்
காமத்தை மற்றோருவரிடத்திலும்
மனிதர்கள் தேடிக் கொள்கையில்
சீர்குலைந்து சிதைகிறது அவ்வுறவுகள்

உண்மையை உணர்த்தும் வரிகள் மிக அழகு...
மிக்க நன்றி! மகிழ்ச்சி

by செய்தாலி Wed Feb 09, 2011 9:56 am

arun_vzp wrote:
காதலை ஒருவரிடத்திலும்
காமத்தை மற்றோருவரிடத்திலும்
மனிதர்கள் தேடிக் கொள்கையில்
சீர்குலைந்து சிதைகிறது அவ்வுறவுகள்
உண்மையை உணர்த்தும் வரிகள் மிக அழகு...
மிக்க நன்றி!

நன்றி அருண்

by செய்தாலி Mon Apr 25, 2011 5:13 pm

by முரளிராஜா Mon Apr 25, 2011 5:32 pm

காமத்தையும் காதலையும் அழகாய் விளக்கியுள்ளது உங்கள் கவிதை சூப்பருங்க

by செய்தாலி Mon Apr 25, 2011 7:03 pm

முரளிராஜா wrote:காமத்தையும் காதலையும் அழகாய் விளக்கியுள்ளது உங்கள் கவிதை

மிக்க நன்றி தோழரே

by vcnsethumadhav Mon Apr 25, 2011 7:35 pm

காதல் காதல் காதல்
காதல் போயின் - மீண்டும்
காதல் காதல் காதல்
அவள் தங்கையுடன்
(இதுதானே இன்றைய காதலின் நிலை )

by கலைவேந்தன் Mon Apr 25, 2011 8:25 pm

நல்ல கவிதை. பாராட்டுகள் செய்தாலி.

by Yamini Devi Mon Apr 25, 2011 8:28 pm

கவிதை அருமை நண்பரே

by கலைவேந்தன் Mon Apr 25, 2011 8:34 pm

இது போன்ற நல்ல படைப்புகளும் கவிதைகளும் கட்டுரைகளும் ஆழமாய்ப்புதைந்து போய் துக்கடாக்களும் பக்கடாக்களும் புற்றீசல்களாய் நிறைந்து அந்த கூட்டத்தில் நல்ல திரிகள் சீந்துவாரற்றுப்போய்விடுகின்றன,

சுய படைப்புகள் மட்டும் தனியே மேலே தெரியும்படி வைத்தால் மிகவும் நன்றாக பயனுள்ளதாக இருக்கும்.

எப்போதோ எழுதிய இந்த கவிதையை மேலே செய்தாலி எழுப்பி இருகக்வில்லையெனில் கண்ணில் படாமலேயே போயிருக்கும். அவைபோல பல நல்ல திரிகள் புதைந்து காணாமல் போய்விட்டன.