சிலிர்க்க வைத்த சிறுவன் ! - ஊர் போற்றும் பிள்ளை

""பச்சிளம் குழந்தை. சுற்றிலும் வேட்டை நாய்கள் குழந்தையை கடித்துக்குதறப்பாய்கின்றன. நாய்களை முந்திக்கொண்டு குழந்தையைத் தூக்குகிறான் வேல்முருகன் என்ற மாணவன்.கோபத்தில் நாய்கள் அவனைத் துரத்துகின்றன. தன் உயிரைப் பணயம் வைத்து வேட்டை நாய்களிடமிருந்து குழந்தையைக் காப்பாற்றிய வேல்முருகனை அவனது பள்ளிக்கூடம் மட்டுமல்ல பெரம்பலூர் மாவட்டமே இன்று பாராட்டுகிறது. மயிர்க்கூச்செரியும் அந்தப் பின்னணியை முழுதும் படியுங்கள்.

""முடிஞ்ச வருஷத்தோட கடைசி நாளு சார் அது. இந்திரா நகரிலிருந்து ஏரிக்கரைக்கு மீன் பிடிக்க தனியாப் போனேன்.

ஏரிக்கரை பக்கத்துலயே சாக்கடையை அள்ளிக் கொட்டியிருந்தாங்க. அந்த இடத்துல ஆறேழு வேட்டை நாய்ங்க. அள்ளிப்போட்ட சாக்கடையிலிரந்து ஒரு புது பச்சைத்துண்டு மட்டும் வெளியே தெரிஞ்சுச்சு.

மெதுவா முனகல் சத்தமும் கேட்டுச்சு சார். நாய்ங்க அந்த இடத்தை விட்டே நகரலை. பச்சைத்துண்டை இழுத்துக்கிட்டும் மண்ணை பறிச்சுக்கிட்டும் இருந்துச்சு. கொஞ்சம் பயத்தோடயே பக்கத்துல போய் நின்னு பார்த்தேன். ஒரு குழந்தையோட பொடணி தெரிஞ்சது. பக்கத்துல ஒருத்தரையும் காணோம். பதறிப்போய் நாய்களை விரட்டினேன். அதுக என்னை முறைக்க ஆரம்பிச்சிடுச்சு. நடுங்கிகிட்டே கணமும் தாமதிக்காம குழந்தையை எடுத்தேன். பச்சைக்குழந்தை தொப்புள் கொடி கூட பிரிக்காம, மார்கழிப் பனியில் வெறைச்சுப் போயி கெடந்துச்சு.

மனசு டம்டும்னு அடிக்க தைரியப்படுத்திக்கிட்டு குழந்தையையும் தூக்கிகிட்டு தெருவுக்குள்ள வேகமா ஓடுனேன். நாய்க என்னை வெரட்டிட்டு வந்திச்சு. இன்னும் கொஞ்ச நேரம் தாமதிச்சிருந்தா அந்த வேட்டை நாய்களோட வாயில குழந்தை சிக்கியிருக்கும்.

சாமியை கும்புட்டு செத்த நேரத்துல தெருவுக்கு வந்துட்டேன். தெருவே ஒண்ணு கூடிடுச்சு. குழந்தையோட பசிக்கு பால் கொடுத்தாங்க. குளிப்பாட்டி பொட்டுகிட்டெல்லாம் வச்சுவிட்டு புது சொக்காய் எல்லாம் வாங்கிப் போட்டாங்க.

அடுத்த ஒரு மணி நேரத்துல போலீஸ்காரங்க வந்துட்டாங்க. அரசாங்க மருத்துவமனையில தொட்டில் குழந்தைத் திட்டத்துல சேர்த்துட்டாங்க''என்கிறார் வேல்முருகன்.

வேல்முருகனின் குடும்பப் பின்னணி என்ன?

கூலி வேலை பார்க்கிறார் வேல்முருகனின் தந்தை. மண் சுவராலான கூரை வீட. வீட்டருகே இருக்கும் தெருவிளக்கு எரிந்தால் மட்டுமே அன்றாடம் படிக்க முடியும். இப்படிப்பட்ட வறுமைச் சூழலிலும் தான் கண்டெடுத்த ஆண் குழந்தையை இனி நல்லா பார்த்துக்குவார்களா என்கிற கவலையோடு ஒரு கேள்வியும் கேட்கிறார்.

""பெத்த குழந்தையையே தூக்கி உயிரோட புதைக்குற கல் நெஞ்சு யாருக்கு வருமோ?''

யாரிடமும் அதற்கு பதில் இல்லை.

-இரா.கார்த்திகேயன்

நெஞ்சை பட பட என்று அடிக்கிறது இந்த மாதிரி செய்ய தாய் மார்களுக்கு எப்படிதான் மனது வருகிறதோ?..

வணக்கம்
இன்னொருவரைக் காக்கப் பொதுச் சொத்தை நாசப் படுத்திய பெரம்பலூரில் அநாதைக் குழந்தையைக் காப்பாற்றிய சிறுவன். புல்லரிக்கிறது, பதிவினை இட்ட சகோதரருக்கு நன்றி
என்றும் மாறா அன்புடன்
நந்திதா

கலை wrote:சிறுவனின் தீரச்ச்செயலைப் பாராட்டுகிறேன்... அந்த தாயின் ஈனச்செயலை கண்டிக்கிறேன்..!