மயில்

மோகன் · மோகன் Sun Feb 06, 2011 11:17 am

இந்தியாவில் உள்ள பறவைகளில் மிக முக்கியமானது மயில். கி. மு. 326ஆம்
ஆண்டில் இந்தியாவின் மீது படையெடுத்த அலெக்சாண்டர் முதன்முதலாக ஒரு மயிலைக்
கண்ட போது அதன் அழகில் சொக்கிப் போய், சில மயில்களை தன்னுடன் தனது தாய்
நாட்டிற்கு எடுத்துச் சென்றதாகக் கூறப்படுகிறது.

சமஸ்கிருதத்தில் மயிலின் பெயருக்கு ஆயிரம் கண்களைக் கொண்ட பறவை என்று பொருள்

அழகான நீண்ட நீல வண்ணக் கழுத்தும், விசிறியைப் போன்ற கொண்டையும், வண்ணமயமான
சிறகுகளுமாய் பார்ப்பதற்கு மிக அழகாக உள்ளது மயில். மயிலின் ஒவ்வொர்
இறகிலும் அரை நிலா வடிவத்தில் கண் போன்ற வடிவம் உள்ளது. தன் தோகையை மயில்
விரித்தாடும் போது, ஆயிரம் கண்கள் நம்மை உற்றுப் பார்ப்பது போல் தோன்றும்.

மயில்கள்
ஆண்டிற்கு ஒருமுறை தன் இறகுகளை உதிர்த்து விடுகிறது. இவ்வாறு உதிரும்
சிறகுகளைக் கொண்டு விசிறிகள் தயாரிக்கப் படுகின்றன. ஷாஜஹான் தனக்காக
வைரக்கற்கள் பதித்த ஒரு மயில் ஆசனத்தைத் தயார் செய்தார். மிகுந்த விலை
மதிப்புள்ள அந்த மயிலாசனம் பின்னர் இந்தியாவின் மீது படை எடுத்த நாதிர்
ஷாவினால் கவர்ந்து செல்லப்பட்டது