நானாச்சு நீயாச்சு

**Aathira** · **Aathira** Wed 29 Dec 2010 - 14:09

நானாச்சு நீயாச்சு

மதுரையில் மீனாட்சி-
சுந்தரேசர் திருக்கல்யாணம் நடக்கும் அதே வேளையில் வெளிப் பிரகாரத்தில்
ரிக்ஷா தொழிலாளி மாரிமுத்துவுக்கும், அவன் கூட்டாளி மாடசாமியின் தங்கை
செல்வராணிக்கும் இனிதே நடந்தது திருமணம். ரிக்ஷா வண்டி தேராச்சு.
ஜோடிகளின் பேச்சு ஜோராச்சு.

தன்னானே தானேதன்னே தன்னானே தானேதன்னே
தன்னானே தானே தன தானா - தன
தன்னானே தானேதன்னே தன்னானே தானேதன்னே
தன்னானே தானே தன தானா

மாரிமுத்து:
மீனாட்சி சுந்தரேசர் கல்யாணம் நடக்குது
மேளதாள வாத்தியங்க ளோட - இங்கே
நானாச்சு நீயாச்சு நடந்தாச்சு மேரேஜு
ரிக்ஷாவண்டி ஊருகோலத் தோட.

செல்வராணி:
முப்பத்து முக்கோடி தேவரெல்லாம் வந்தாகளாம்
மீனாட்சி கல்யாணத்தைப் பாக்க - இங்கே
அப்பன்ஆத்தா அண்ணந்தம்பி அஞ்சுஆறு பேரைவிட்டா
ஆருமில்லை வாழ்த்துச் சொல்லி கேக்க .

வானிருந்து தேவரெல்லாம் வந்திருக்கார் வாழ்த்துச்சொல்ல
வாடிபுள்ள காட்டுறேண்டி உனக்கு - இங்கு
நானிருக்கேன் சுந்தரனாய் நீயிருக்கே மீனாட்சியாய்
நெனப்புலதான் இருக்குதடி கணக்கு.

பரமசிவன் பார்வதிக்கு பாதிதேகம் தந்திருக்கார்
பங்கு என்ன நீயும் தரப் போறே? -அந்த
வரங் கொடுக்கும் சாமி போல வச்சுக்கணும் நெஞ்சுக்குள்ள
வாக்கப்பட்டு உன்ன நம்பி வாரேன்.

பாழாய்ப்போன தேகத்தில பாதிநோவு ஆகிப்போச்சு
பங்குகேட்டு என்ன செய்யப் போறே? - தெனம்
கூழுகஞ்சி குடிச்சாலும் கூடிஒண்ணா சேந்திருப்போம்
கும்பிடுற சாமிகளைப் போலே .

பக்கத்துணை நானிருந்தா பறந்துவிடும் நோவுநொடி
பாத்துக்கலாம் தெகிரியமா வாய்யா - என்னை
சொக்கவச்ச தேகத்தில தூசுவிழ விடமாட்டேன்
சோகத்தைநீ தொடச்சுவிட்டுப் போய்யா

தங்கநகை வைர அட்டி தடபுடலா சீர்வரிசை
தந்திருக்கார் மீனாட்சிக்கு அழகர் - அட
உங்கஅண்ணன் மாடசாமி உனக்குஎன்ன தந்திருக்கான்
ஓலைப்பாய் தகரப்பெட்டி தவிர.?

உண்டியலில் கோடி கோடி ஊருப்பணம் சேத்துவச்சு
ஒய்யாரமா நிக்கிறாரு பெருமாள் - இங்கே
குண்டிவத்த எங்கஅண்ணன் சேத்ததெல்லாம் கொடுத்துப்புட்டா
கோவணமும் மிச்சமாகி வருமா ?

வேடிக்கையா சொல்லிப்புட்டேன் வேணாம்புள்ள சீர்வரிசை
வேர்வைசிந்தி கஞ்சி ஊத்து வேண்டி - தெனம்
வாடிக்கையா நிக்காம வண்டிஓட வேணுமின்னு
வாழவைக்கும் மீனாட்சியை வேண்டி.

சாயங்காலம் ஆகிப்புட்டா டாசுமாக்கை தேடிக்கிட்டு
சரக்கடிக்க போயிடாதே மாமா - மடி
சாயுங்காலம் அப்புறமா கெஞ்சினாலும் வாராது
சத்தியமா சொல்லிப்புட்டேன் ஆமா

குண்டுகுழி ரோட்டுமேல குந்தவச்சு வண்டிஓட்டி
குத்துவலி நோவுதடி ஒடம்பு- சும்மா
ரெண்டுரவுண்டு ஊத்திக்கிட்டா ஜிவ்வுன்னுதான் போதையாகி
சூடுஏறிப் போகுமடி நரம்பு.

ஆட்டுக்காலு சூப்புவச்சு அயிரைமீனு கொழம்புவச்சு
காத்திருப்பேன் ஒனக்காக ராசா - வண்டி
ஓட்டிவந்த வலிதீர ஒத்தடமும் நானுந்தாரேன்
ஓடச்சிருங்க டாசுமாக்கு சீசா.

உத்தரவு உத்தரவு ஒத்துக்கிட்டேன் ஒத்துக்கிட்டேன்
ஒம்பேச்சை மீறமாட்டேன் ராணி - நாங்க
மொத்தமாக திருந்தி அந்த டாசுமாக்கை மூடிப்புட்டா
மொதல்வருக்கு ஆகிடுமோ போணி ?

கலைஞர் அய்யா காசுபாக்க கணக்கில்லாத வழிகள் உண்டு
கவலைப்பட வேணாமுங்க சாமி - நம்ம
தலையெழுத்து மாறணுன்னா தண்ணிகிண்ணி தள்ளிவச்சு
தேர்தலிலே கோபத்தைநீ காமி .

- சிவகுமாரன்

வலைப்பூவில் ஒருவரின் கோரிக்கைக்கு உடனடியாக என் வலையுலக நண்பர் திரு. சிவகுமாரன் எழுதிய நான் மகிழ்ந்து ரசித்த எளிமையான ஆனால் அழுத்தமான சிந்தனையைத் தாங்கிய இக்கவிதையை என் ஈகரை உறவுகளும் ரசிப்பார்கள் என்ற எண்ணத்தில்..

கலைவேந்தன் · கலைவேந்தன் Wed 29 Dec 2010 - 14:11

ரெம்ப நல்லாத்தான் இருக்கு... மகிழ்ச்சி

மஞ்சுபாஷிணி · மஞ்சுபாஷிணி Wed 29 Dec 2010 - 14:13

எளிய பாடலில் வாழ்க்கை தத்துவம் அடங்கி இருப்பதை காண முடிகிறது....

மீனாட்சி சுந்தரேசர் கல்யாணம் கூட எங்கப்பா பார்த்தோம் நாம...
தடபுடல் கல்யாணமும் மினரல் வாட்டர் பாட்டிலும் 50 வகை உணவும் போட்டு செல்வந்தர் செய்யும் கல்யாணம் ஒரு வகைன்னா..

உழைத்து தன் உழைப்பில் வரதட்சணை வாங்காது சீர் செனத்தி கேட்காது வயிறு நிறைய உணவு கொடுத்து எளிமையான கல்யாணமும் ஒருவருக்கு ஒருத்தர் என்ற பண்பாடு மீறாமல் வாழும் ஏழைகளின் வாழ்க்கையை உயர்வாக நினைக்கவைக்கிறது இந்த அருமையான பாடல்....

பானு உங்களுக்கு பிடித்ததை எம்முடன் பகிர்ந்தமைக்கும் அன்பு நன்றிகள்பா....

உதயசுதா · உதயசுதா Wed 29 Dec 2010 - 14:22

என்ன ஒரு அழகான சிந்தனை ஆதிராக்கா,இங்க இத பகிர்ந்தமைக்கு நன்றி.

**Aathira** · **Aathira** Wed 29 Dec 2010 - 14:23

கலை wrote:ரெம்ப நல்லாத்தான் இருக்கு...

நன்றி கலை ரசித்தமைக்கு.

**Aathira** · **Aathira** Wed 29 Dec 2010 - 14:25

மஞ்சுபாஷிணி wrote:எளிய பாடலில் வாழ்க்கை தத்துவம் அடங்கி இருப்பதை காண முடிகிறது....

மீனாட்சி சுந்தரேசர் கல்யாணம் கூட எங்கப்பா பார்த்தோம் நாம...
தடபுடல் கல்யாணமும் மினரல் வாட்டர் பாட்டிலும் 50 வகை உணவும் போட்டு செல்வந்தர் செய்யும் கல்யாணம் ஒரு வகைன்னா..

உழைத்து தன் உழைப்பில் வரதட்சணை வாங்காது சீர் செனத்தி கேட்காது வயிறு நிறைய உணவு கொடுத்து எளிமையான கல்யாணமும் ஒருவருக்கு ஒருத்தர் என்ற பண்பாடு மீறாமல் வாழும் ஏழைகளின் வாழ்க்கையை உயர்வாக நினைக்கவைக்கிறது இந்த அருமையான பாடல்....

பானு உங்களுக்கு பிடித்ததை எம்முடன் பகிர்ந்தமைக்கும் அன்பு நன்றிகள்பா....

மிக்க நன்றி மஞ்சு.. மண்மனம் கமழும் இந்தக் கவிதை(பாடல்) என் உறவுகளையும் கவரும் என்பதை நானறிவேன். நன்றி.... நானாச்சு நீயாச்சு 678642

**Aathira** · **Aathira** Wed 29 Dec 2010 - 14:29

உதயசுதா wrote:என்ன ஒரு அழகான சிந்தனை ஆதிராக்கா,இங்க இத பகிர்ந்தமைக்கு நன்றி.

கண்டிப்பாக சுதாவுக்கு இது பிடிக்கும் என்று எனக்குத் தெரியும். படித்ததற்கு மிக்க நன்றி..

நானாச்சு நீயாச்சு 3913-62

போட்டொவெல்லாம் போட்டு அசத்திட்டீங்க....
புத்தாண்டு பரிசா எங்களுக்கு..
எவ்வ்வ்வ்வ்வ்வ்வ்வளவு அழகு சுதா....
முடிஞ்சா ஒரு ஃபுல் எனக்குத் தனியா அனுப்புங்க சுதா.
போட்டோவைத்தான் சொன்னேன்...

கலைவேந்தன் · கலைவேந்தன் Wed 29 Dec 2010 - 14:33

Aathira wrote:
கண்டிப்பாக சுதாவுக்கு இது பிடிக்கும் என்று எனக்குத் தெரியும். படித்ததற்கு மிக்க நன்றி..

போட்டொவெல்லாம் போட்டு அசத்திட்டீங்க....
புத்தாண்டு பரிசா எங்களுக்கு..
எவ்வ்வ்வ்வ்வ்வ்வ்வளவு அழகு சுதா....
முடிஞ்சா ஒரு ஃபுல் எனக்குத் தனியா அனுப்புங்க சுதா.
போட்டோவைத்தான் சொன்னேன்...

எனக்கு ஹாஃப்... அழுகை

நான் போட்டோவைச் சொல்லலை...

உதயசுதா · உதயசுதா Wed 29 Dec 2010 - 14:36

கலை wrote:
Aathira wrote:
கண்டிப்பாக சுதாவுக்கு இது பிடிக்கும் என்று எனக்குத் தெரியும். படித்ததற்கு மிக்க நன்றி..

போட்டொவெல்லாம் போட்டு அசத்திட்டீங்க....
புத்தாண்டு பரிசா எங்களுக்கு..
எவ்வ்வ்வ்வ்வ்வ்வ்வளவு அழகு சுதா....
முடிஞ்சா ஒரு ஃபுல் எனக்குத் தனியா அனுப்புங்க சுதா.
போட்டோவைத்தான் சொன்னேன்...

எனக்கு ஹாஃப்...
நான் போட்டோவைச் சொல்லலை...

நீங்க பாட்டில் தான் கேட்பிங்கன்னு எனக்கு தெரியும் கலை.ஆனா சுதா மேடம் வந்தா நிலைமை கொஞ்சம் மோசமாகுமே,நீங்க கொஞ்ச நாளைக்கு ஈகரைக்கு
வர முடியாதேன்னுதான் யோசிக்கிறேன்

**Aathira** · **Aathira** Wed 29 Dec 2010 - 14:37

கலை wrote:
Aathira wrote:
கண்டிப்பாக சுதாவுக்கு இது பிடிக்கும் என்று எனக்குத் தெரியும். படித்ததற்கு மிக்க நன்றி..

போட்டொவெல்லாம் போட்டு அசத்திட்டீங்க....
புத்தாண்டு பரிசா எங்களுக்கு..
எவ்வ்வ்வ்வ்வ்வ்வ்வளவு அழகு சுதா....
முடிஞ்சா ஒரு ஃபுல் எனக்குத் தனியா அனுப்புங்க சுதா.
போட்டோவைத்தான் சொன்னேன்...

எனக்கு ஹாஃ

ஹலோ...உங்க ஏரியா வேற... எங்க ஏரியா வேற..
இடம் மாறி இப்படியெல்லாம் கேக்கக்கூடாது.. நானாச்சு நீயாச்சு 139731

அது தல கிட்ட கேக்க வேண்டியது. எல்லாம் ரிசர்வ் செஞ்சிருப்பாரு... புத்தாண்டு கொண்டாட்டத்துக்கு... நானாச்சு நீயாச்சு 755837

Sponsored content · Sponsored content

நானாச்சு நீயாச்சு

நானாச்சு நீயாச்சு

Re: நானாச்சு நீயாச்சு

Re: நானாச்சு நீயாச்சு

Re: நானாச்சு நீயாச்சு

Re: நானாச்சு நீயாச்சு

Re: நானாச்சு நீயாச்சு

Re: நானாச்சு நீயாச்சு

Re: நானாச்சு நீயாச்சு

Re: நானாச்சு நீயாச்சு

Re: நானாச்சு நீயாச்சு

Re: நானாச்சு நீயாச்சு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக