குறுக்கெழுத்து

by அன்பு தளபதி Sat Feb 05, 2011 3:08 pm

யாராலாவது
தீர்க்கப்பட்டபடி இருக்கின்றன
புதிர்க் கட்டங்களின்
அவிழாத புதிர்கள்.
இருளால் அடைக்கப்பட்டுச் சில.
புதிரால் நிரப்பப்பட்டுச் சில.
இடமிருந்து வலம்செல்கையிலோ
மேலிருந்து கீழிறங்குகையிலோ
கண்ணுக்குப் புலப்படுகிறது
புதிர்களின் சில முடிச்சு.
அவிழாத முடிச்சுகளைத்
தீர்ந்த விடை கொண்டு
தேடுகையில் உடைகிறது
மற்றும் சில.
காத்திருக்கின்றன
முட்டையினுள்ளே
கீழிருந்து மேலாகவோ
வலமிருந்து இடமாகவோ
தலைகீழாயோ
திரும்பியபடியோ
முடிவுறாமலோ.
ஒவ்வொன்றாய் உதிர்கையில்
முளைக்கிறது விடைகளுடன்
வாழ்வின் ஞானம்.
புதிரின் பிடி அவிழ்ந்து
பூரித்து நிமிர்கையில்
புதிதாய்த் தயாராகிறது
இருள் நிறைந்த கட்டங்களுடன்
இன்னுமொரு சதுரம்.

நன்றி சுந்தர் ஜி பிரகாஷ்

by பிரகாசம் Sat Feb 05, 2011 3:13 pm

by SK Sat Feb 05, 2011 5:36 pm

by srinihasan Sat Feb 05, 2011 6:07 pm

வாழ்க்கை.....

புரியாத புதிராய் சில நேரம்.... விடை தெரிந்தும் எது சரியென எழுதமுடியாத பதில்கள்...

தங்களின் ரசிப்பும், கவிதையும் அருமை ஜி.... நன்றியும் வாழ்த்துகளும்....