நாரதருக்கு ஐம்பொன் சிலை

**சிவா** · **சிவா** Sat Feb 05, 2011 1:26 pm

சிவபெருமானுக்கும், பிரம்மாவிற்கும் இடையே ஏற்பட்ட பிரச்சினையில், சிவன் பிரம்மாவின் 5 தலைகளில் ஒன்றை கிள்ளி எறிந்தார். இதனால் பிரம்மாவின் புத்திரனான நாரதர் சிவனை திட்ட, சிவபெருமான் நாரதருக்கு சாபம் வழங்கினார்.

இதையடுத்து நாரதர் சாபவிமோசனம் வேண்ட, விராலிமலை சென்று முருகனை தரிசித்தால் சாப விமோசனம் கிடைக்கும் என்று சிவபெருமான் கூறினார்.

இதையடுத்து நாரதர் விராலிமலை வந்து, முருகப்பெருமானை வணங்கி சாப விமோசனம் பெற்றதாக கூறப்படுகிறது.

இதனால் வேறு எங்கும் இல்லாத அளவில், இக்கோவிலில் நாரதருக்கு ஐம்பொன்னால் ஆன உற்சவ விக்கிரகம் உள்ளது.

**சிவா** · **சிவா** Sat Feb 05, 2011 1:27 pm

ஆடும் தீபம்

விஜயவாடாவில் இருந்து 150 கிலோமீட்டர் தொலைவில் வாடபல்லி என்ற இடத்தில் நரசிம்மர் கோவில் கொண்டுள்ளார். இங்கு கருவறையில் 2 தீபங்கள் ஏற்றப்படுகின்றன. ஒன்று நரசிம்மரின் முகத்துக்கு அருகிலும், மற்றொன்று அவரது பாதத்துக்கு அருகிலும் உள்ளது.

இதில், முகத்துக்கு அருகில் உள்ள தீபம் எப்போதும் ஆடிக்கொண்டே இருக்கிறது. நரசிம்மரின் மூச்சுக் காற்றால்தான் அந்த தீபம் ஆடுகிறது என்கிறார்கள். அதேநேரம், அவரது பாதத்தின் அருகில் உள்ள தீபம் அசையாமல் உள்ளது.