ஒவ்வொரு நாட்டிலும் ஒபாமா பெற்ற பரிசுகள்!

by **சிவா** Sat Feb 05, 2011 11:07 am

* நம் வீட்டிற்கு வரும் உறவினர்கள், நண்பர்களுக்கு விருந்தளித்து பரிசு கொடுப்பது நமது பண்பாடாகும். இதே போல தனது நாட்டுக்கு வரும் பிற நாட்டுத் தலைவர்களுக்கு விருந்து கொடுத்து பரிசளிப்பது அரசு வழக்கமாக உள்ளது. அந்த வகையில் ஒவ்வொரு நாட்டிற்கும் விஜயம் செய்யும் அமெரிக்க அதிபர் ஒபாமாவுக்கு, அந்த நாட்டு அதிபர்கள் வழங்கிய பரிசு என்ன... அதன் மதிப்பு போன்ற விவரங்களை ஒவ்வொரு ஆண்டும் அமெரிக்க அரசின் சார்பில் அறிக்கையாக வெளிவரும்.

* மிக விலை உயர்ந்த பரிசை சவுதி மன்னரும், விலை குறைந்த பரிசை பாலஸ்தீன அதிபரும் வழங்கியுள்ளனர். 2009-ம் ஆண்டில் ஒபாமாவுக்கு கிடைத்த பரிசு பட்டியல் இதோ...

* பரந்த பாலைவனத்தில் பச்சை பசுமையாக ஒரு மரம் மற்றும் ஒட்டகங்கள் உள்ளது போல் உருவம், தங்கத்தில் உருவாக்கப்பட்டுள்ளது. இதில் தங்கப்பதக்கம் பதிக்கப்பட்டுள்ளது. மேலும் தனியாக முழுக்க முழுக்க கண்ணாடியால் உருவான கடிகாரம் ஆகிய இரண்டு பரிசுகளை சவுதி அரேபியாவின் மன்னர் அப்துல்லா வழங்கியுள்ளார். இதன் மதிப்பு 34 ஆயிரம் டாலர்கள்! இதுதான் ஒபாமாவுக்கு கொடுக்கப்பட்ட விலை உயர்ந்த பரிசு.

* மரப் பலகையில், பட்டு நூலால் எம்ப்ராய்டரி செய்யப்பட்டு, அதில் ஒரு குடும்பம் புத்தகம் படிப்பது போல் செதுக்கப்பட்டுள்ள உருவச் சிலையை சீன அதிபர் ஹூ ஜிண்டோ வழங்கியுள்ளார். இதன் மதிப்பு 20 ஆயிரம் டாலர்கள்.

* கருப்பு நிறத்திலான தங்கப் பேனாவை உள்ளடக்கிய மரப் பேனா மற்றும் சர்ச்சில் பற்றிய புத்தகங்கள் ஆகியவற்றை இங்கிலாந்து பிரதமர் ஜேம்ஸ் கார்டன் பிரவுன் வழங்கியுள்ளார். இதன் மதிப்பு 16 ஆயிரத்து 510 டாலர்கள்.
*
கண்ணாடியில் உருவான மெழுகுவர்த்தி ஸ்டான்ட் மற்றும் கண்ணாடியில் உருவான பழக்கிண்ணம் ஆகியவற்றுடன் புத்தகங்களை பரிசாக வழங்கியுள்ளார் இத்தாலி அதிபர் சில்வியோ பெர்லுஸ்கோனி. இதன் மதிப்பு 14 ஆயிரத்து 445 டாலர்கள்.

* ஒரு சிறுமி புறாக்களை பறக்க விடுவது போல் வெண்கலச்சிலை ஒன்றை பரிசாக வழங்கியுள்ளார் இஸ்ரேல் அதிபர் சிமோன் பெரஸ். இதன் மதிப்பு 8 ஆயிரம் டாலர்கள்.

* தங்க முலாம் பூசப்பட்ட மொசைக் பிரேமில் செயின்ட் பீட்டர் சதுக்கம் மற்றும் தங்க நாணயம் ஆகியவற்றுடன் நிறைய புத்தகங்களை பரிசாக வழங்கியுள்ளார் 16வது போப் பெனடிக். இதன் மதிப்பு 7 ஆயிரத்து 905 டாலர்கள்.

* தங்கத்தில் உருவான கைக்கடிகாரத்தை வழங்கியுள்ளார் இத்தாலி அதிபர் சில்வியோ பெர்லுஸ்கோனி. இதன் மதிப்பு 6ஆயிரத்து 400 டாலர்கள்.

* மரத்தில் செதுக்கப்பட்ட மூன்று உயர்ந்த சிற்பங்களை பரிசாக வழங்கியுள்ளார் தான்சானியா நாட்டு அதிபர் ஜாக்கயா கிக்வெட். இதன் மதிப்பு 6ஆயிரம் டாலர்கள்.

* அமெரிக்கா கொடி பதித்த கிரிஸ்டல் டேபிள் ஒன்றை பரிசாக வழங்கியுள்ளார் இத்தாலி அதிபர் சில்வியோ பெர்லுஸ்கோனி. இதன் மதிப்பு 6 ஆயிரம் டாலர்கள்.

* ஹைதி நாட்டின் முதல் பெண் அதிபர் பெடிட் பாய்ஸ் ஆன்சனர் உருவச் சிலை இரண்டை பரிசாக வழங்கியுள்ளார் ஹைதி நாட்டின் தூதர் ரேமண்ட் ஜோசப். இதன் மதிப்பு 4 ஆயிரத்து 25 டாலர்கள்.

ஒபாமாவுக்கு வந்த பரிசுகளில் டாப் டென் பரிசுகளின் விவரத்தை அளித்துள்ள அமெரிக்க அரசு, மிகக் குறைந்த விலை மதிப்புள்ள பரிசு விவரத்தையும் வெளியிட்டுள்ளது.

* ஆலிவ் எண்ணை பாட்டில் ஒன்றை பரிசாக வழங்கியுள்ளார் பாலஸ்தீன அதிபர் மகமுத் அப்பாஸ். இதன் மதிப்பு 75 டாலர்கள் மட்டுமே!

தினதந்தி