தேர்வு சமயத்தில் உலக கோப்பை கிரிக்கெட் போட்டி : பெற்றோர் கவலை

**சிவா** · **சிவா** Tue Feb 01, 2011 9:21 pm

உலகக் கோப்பை கிரிக்கெட் போட்டி அனைத்தும் பொதுத்தேர்வு சமயத்தில் நடக்க உள்ளதால், தங்கள் குழந்தைகளின் படிப்பு பாதிக்கப்படும் என, பெற்றோர் கலக்கமடைந்துள்ளனர். இளைஞர்கள் மற்றும் மாணவர்கள் மத்தியில் பெரும் தாக்கத்தை ஏற்படுத்தியுள்ள கிரிக்கெட் போட்டி, எங்கு, எப்போது நடந்தாலும் முக்கிய பணிகளை கூட ஒதுக்கி வைத்து விட்டு, "டிவி'யில் அதன் ஒளிபரப்பை காணத் தவறுவதில்லை. அதிலும் மாணவர்கள் பள்ளிக்கு, "மட்டம்' போட்டு விட்டு கிரிக்கெட் பார்ப்பது அதிகரித்துள்ளது.

நான்கு ஆண்டுகளுக்கு ஒருமுறை நடக்கும் உலகக் கோப்பை கிரிக்கெட் போட்டி, இம்மாதம் 19ம் தேதி துவங்கி ஏப்.,2ம் தேதி வரை நடக்கவுள்ளது. இவ்வாண்டு உலகக் கோப்பையை இந்தியா வெல்ல அதிக வாய்ப்புள்ளதாக கிரிக்கெட் வல்லுனர்கள் கருத்து கூறியுள்ளதால், கிரிக்கெட் மீதான ஆர்வம் அதிகரித்துள்ளது.பிளஸ் 2 பொதுத் தேர்வு மார்ச் 2ம் தேதி தொடங்கி 23ம் தேதி வரையும், எஸ்.எஸ்.எல்.சி., தேர்வு மார்ச் 28ல் துவங்கி ஏப்.,11ம் தேதி வரை நடக்கிறது. இதே காலகட்டத்தில் கிரிக்கெட் போட்டிகளும் நடக்க உள்ளதால், இந்தாண்டு மாணவர்களின் தேர்வு சதவீதம் குறைய வாய்ப்புள்ளது.

மாணவர்களின் படிப்பை கவனத்தில் கொண்ட ஒரு சில பெற்றோர், தங்கள் வீடுகளில் உள்ள கேபிள் "டிவி' இணைப்பை துண்டித்துள்ளனர். இருந்தாலும் மாணவர்கள் உளவியல் ரீதியாக பாதிக்கப்படுவரோ என்ற கவலை பெற்றோர்களிடம் ஏற்பட்டுள்ளது.இத்தகைய சூழ்நிலையில், தங்கள் எதிர்காலத்தை கருத்தில் கொண்டு படிப்பில் கவனம் செலுத்தினால் சிறந்த மதிப்பெண் பெற முடியும் என்று கல்வியாளர்கள் கூறுகின்றனர். எனவே, பொதுத்தேர்வின் அவசியம் குறித்த ஆலோசனைகளை ஆசிரியர்களும், பிள்ளைகளின் எதிர்காலம் குறித்து பெற்றோரும் ஆலோசனை வழங்கி, மாணவர்களை நல்வழிப்படுத்த வேண்டும்.

தினமலர்

அசோகன் · அசோகன் Tue Feb 01, 2011 9:58 pm

ஆடிய கூத்தாடினாலும் காரியத்தில் கருத்தாய் இருந்து வாழ்வில் வெற்றி பெற மாணவர்களை வாழ்த்துவோம்.பணப் பேய்களை நம்மால் ஒன்றும் செய்ய முடியாது ஆனால் துஷ்டனைக் கண்டு தூர விலகி நிற்கலாம்.

அன்பு தளபதி · அன்பு தளபதி Wed Feb 02, 2011 12:34 am

நான் படிக்கும் போதும் இப்படித்தான் ஆச்சு (நான் என்ன படித்தேன் யென மட்டும் கேட்க்காதீர்கள் )

அசோகன் · அசோகன் Wed Feb 02, 2011 2:12 am

maniajith007 wrote:நான் படிக்கும் போதும் இப்படித்தான் ஆச்சு (நான் என்ன படித்தேன் யென மட்டும் கேட்க்காதீர்கள் )

அண்ணா எப்பங்கண்ணா ? கபில் தேவ் கப் வாங்கிய வருஷத்திலியா நீங்க +2 படிச்சீங்க?

அன்பு தளபதி · அன்பு தளபதி Wed Feb 02, 2011 2:13 am

அசோகன் wrote:
maniajith007 wrote:நான் படிக்கும் போதும் இப்படித்தான் ஆச்சு (நான் என்ன படித்தேன் யென மட்டும் கேட்க்காதீர்கள் )
அண்ணா எப்பங்கண்ணா ? கபில் தேவ் கப் வாங்கிய வருஷத்திலியா நீங்க +2 படிச்சீங்க?

கபில் தேவா எனக்கு பிரபு தேவா தான் தெரியும்