கரட் சம்பல் - மயக்குது: நிறத்திலும், சுவையிலும்

by Guest Tue Feb 01, 2011 11:33 am

கரட் சம்பல் - மயக்குது: நிறத்திலும், சுவையிலும்

எங்க
வீட்டில் சைவ உணவோ/ அசைவோ உணவோ, சாதம் சமைத்தால் நிச்சயமாக கரட் சம்பல்
இருக்கும். சின்ன வயதில் எங்களை கரட் சாப்பிட வைக்க அப்பா கையாண்ட யுக்தி
இந்த கரட் சம்பல் தான். ஊருக்கு சென்ற போதும் பெரும்பாலான உணவுகளில் இதை
பார்த்திருக்கின்றேன். எங்க வீட்டில் அனைவருக்கும் சமைக்க தெரிந்தது
என்றால் அது கரட் சம்பல் தான். கண்ணை மூடிக்கொண்டே செய்யலாம், அத்தனை
சுலபமானது. எப்படி என பார்க்க்கலாம்:

தேவையானவை:

1 கரட்
1 வெங்காயம் (சின்னது)
1 பச்சை மிளகாய்
3 மே.க தக்காளி
3 மே.க வெள்ளரிக்காய்
மிளகுத்தூள் & உப்பு

செய்முறை:

முதலில்
கரட்டின் தோல் சீவி, நீரிலிட்டு அலசி எடுத்து சீவி/துருவி வையுங்க.
பின்னர் வெங்காயம், மிளகாய், தக்காளி, கியூகும்ப ஆகியவற்றை சிறிய
துண்டுகளாக்கி எடுங்க. ஒரு பாத்திரத்தில் வெட்டிய காய்கறிகளையும்,
மிளகுத்தூள், உப்பையும் இட்டு, நன்றாக ஒரு அகப்பையால் கலக்கி எடுங்க. இப்போ
நிறத்திலும், சுவையிலும் உங்களை மயக்கும் கரட் சம்பல் ஆயத்தம்!

எதெல்லாம் செய்யலாம்:
1. தக்காளி, வெள்ளரிக்காய் சேர்க்காமல் தயாரிக்கலாம்.
2. மேலதிகமாக இதற்கு சிறிது தேசிக்காய் புளி சேர்க்கலாம்.
3. ஒரு மே.க பால் சேர்க்கலாம்.

எதெல்லாம் செய்யக்கூடாது:
1. கரட் துருவுகின்றேன் என கையையும் துருவக்கூடாது. [அனுபவம் தான்]
2. பால் சேர்த்தால் உடனே சாப்பிடலாம் / வெப்பம் அதிகமான இடத்தில் வைப்பதை தவிக்க வேண்டும்.

குடும்பத்துடன் இருப்பவர்களுக்கும் சரி, தனியாக இருப்பவர்களுக்கும் சரி, இதை விட்டால் சுலபமான சமையல் கிடைக்காது.

நன்றி : தூயா [தூயா கிச்சன் வலைப்பூவில் இருந்து மீள் பதிவு ] கரட் சம்பல் - மயக்குது: நிறத்திலும், சுவையிலும் 678642