தமிழக சட்டமன்ற தேர்தலும் - முஸ்லிம்களும்

அஸ்ஸலாமு அலைக்கும்,

இந்தியாவின் பிற மாநிலங்களிலும் - தமிழகத்திலும் நடந்துவரும் குடும்ப அரசியல் நாம் அறியாதது அல்ல..

டெல்லியை ஆளும் நேரு குடும்பம், பீகாரில் லாலு குடும்பம், மகாராஷ்டிராவில் தாக்கேரே குடும்பம் மற்றும் சரத் பவார் குடும்பம், ஆந்திராவில் என்டிஆர் குடும்பம், ஒய்எஸ்ஆர் குடும்பம், உத்தரபிரதேசத்தில் முலாயம் குடும்பம், மாதவ்ராவ் சிந்தியா குடும்பம், கர்நாடகாவில் தேவ கௌடா குடும்பம், ரெட்டிசகோதரர்கள் குடும்பம், ஒரிசாவில் பட்நாயக் குடும்பம் மற்றும் காஷ்மீரில் அப்துல்லாக்கள் குடும்பம் என காலம் காலமாக அரசியல் செல்வாக்குடன் இருந்து வருகின்றன..

அதைப்போலவே, தமிழகத்தில் மூப்பனார் குடும்பம், ராமதாஸ் குடும்பம், விஜயகாந்த் குடும்பம், மன்னார்குடி சசிகலா குடும்பம், மாபெரும் கலைஞர் குடும்பம் - ஆகியவை அரசியல் மூலம் சம்பதித்து செல்வந்தர்களாகவும் - தான் சார்ந்த சாதிகளுக்கும் - சமுதாயத்துக்கும் நன்மை செய்து வருகிறார்கள்..

ஆனால் நம்மவர்களை நிணைத்துப் பாருங்கள், ஒரு குடும்பத்தில் - ஒரே பெருநாளை - நாலைந்து நாட்களுக்கு கொண்டாடும் 'கொள்கை-மறவர்களாக' இருக்கிறோம். அரசியல் முரன்கள் அளவுக்கு மீறி பெருகிக் கிடக்கின்றன.

நமக்குள் ஒற்றுமையின்றி குழுக்குழுவாக நின்று, முஸ்லிம் மக்கள் உரிமைக்காகவும் - உணர்வுகளுக்காகவும் இன்னும் எத்தனை ஆண்டுகள் போராடிக்கொண்டே இருக்கப் போகிறோமோ..அல்லாஹ்வே அறிவான்..

சட்டசபை தேர்தல் வர இன்னும் சில மாதங்கள் உள்ள நிலையில் - எந்த 'குடும்பத்திற்கு வாக்களிப்பது' என்ற கேள்வி மீண்டும் மீண்டும் வருகிறது. தமிழகத்தையே சுருட்டிய
'ஊழல்' மன்னன் கருனாநிதி குடும்பத்திற்கா? - மதவெறி பிடித்த 'செயலலிதாவின்' மன்னர்குடி குடும்பத்திற்கா? என்று இன்னும் முடிவெடுக்க இயலாத குழப்ப சூழ்நிலை..

இத்தனை அமைப்புக்கள் இருந்தும் - பெரிய அரசியல் கட்சிகளால் புறக்கணிக்கப்படும் சூழ்நிலை.

தினமலரில் இரண்டு நாட்களுக்கு முன் வெளியான செய்தி அடிப்படையில் தமிழகத்தில் உள்ள 232 தொகுதிகளுக்குமான பங்கீடுப் பற்றி கொடுக்கப்பட்ட தகவலில் - மனித நேய மக்கள் கட்சியின் பெயர் இல்லை. 'இன்னும்' பேச்சுவார்த்தை நடந்து வருவதாக - த.மு.மு.க வட்டாரங்கள் தெரிவிக்கின்றன..

த.த.ஜ வின் தேர்தல் நிலைப்பாடு - ம.ம.க வின் நிலைப்பாட்டிற்கு எதிராகத்தான் இருக்கும்..தமிழக PFI - SDPI-கட்சியினரின் நிலைப்பாடு இதுவரை தெளிவாக தெரியவில்லை. இச்சூழ்நிலையில், பல தொகுதிகளில் அரசியல் கட்சிகளின் - வெற்றி-தோல்வியை நிர்ணயிக்கும் சக்தியாக இருக்கிறோம் நாம் என்று மேடைகளில் முழங்குகிற நாம் - சிதறி வாக்களித்து செல்லாக் காசாகி விடுவோமோ என்று தெரியவில்லை...

தமிழகத்தில் தற்பொழுது நிலவும் தெளிவற்ற - குழப்பமான அரசியல் சூழ்நிலையில் - முஸ்லிம் அமைப்புக்கள் - குறைந்த பட்சம் தேர்தல் வரையாவது ஒன்றாக இருந்தால் நாம் போராடிக் கேட்கும் அரசியல் அதிகாரம் கிடைக்கும், இல்லையென்றால் - வழக்கம்போல ' முஸ்லிம் பெயர் தாங்கிகள்தான்' நமது பிரதிநிதிகளாக சட்டமன்றம் நுழைவார்கள்..