எந்திரன் செலவு ரூ 132 கோடி... வருமானம் ரூ 179 கோடி! - சன் டிவி

by ரபீக் Mon Jan 31, 2011 5:53 pm

சூப்பர் ஸ்டார் ரஜினி நடிப்பில் ஷங்கர் இயக்கிய எந்திரன் திரைப்படத்துக்கு மொத்த செலவு ரூ 132 கோடி என்றும், இந்தப் படத்தின் மூலம் கிடைத்த வருவாய் ரூ 179 கோடி என்றும், சேட்டிலைட் உரிமை மூலம் ரூ 15 கோடி கிடைத்திருப்பதாகவும் சன் நெட்வொர்க் நிறுவனம் நேற்று அதிகாரப்பூர்வமாக அறிவித்துள்ளது.

இந்நிறுவனத்தின் மூன்றாவது காலாண்டு அறிக்கையை மும்பை பங்கு வர்த்தக மையத்தில் நேற்று முன்தினம் சமர்ப்பித்தது சன் நெட்வொர்க் நிறுவனம். அதன்படி டிசம்பர் 31-ம் தேதியுடன் முடிந்த காலாண்டுக்கான சன் டிவியின் நிகர லாபம் 48 சதவீதம் உயர்ந்துள்ளது. கடந்த ஆண்டு இதே காலகட்டத்தில் சன் லாபம் ரூ 151.94 கோடியாக இருந்தது. இந்த ஆண்டு அதே காலகட்டத்தில் ரூ 225.49 கோடியாக உயர்ந்துள்ளது.

நிறுவனத்தின் மொத்த வருமானம் 50.47 சதவீதம் உயர்ந்துள்ளது.

மூன்றாம் காலாண்டின் சன் நெட்வொர்க்கின் துணை நிறுவனம் சன் பிக்சர்ஸ் தயாரித்த ரஜினி நடித்த எந்திரன் படம் மூலம் 179 கோடி வருவாய் கிடைத்துள்ளதாக அந்த அறிக்கையில் குறிப்பிடப்பட்டுள்ளது. இந்தப் படத்துக்காக செய்யப்பட்ட மொத்த செலவு ரூ 132 கோடி என்று சன் டிவி கூறியுள்ளது.

எந்திரன் செலவு ரூ 182 கோடி என்றும், வருவாய் ரூ 400 கோடி என்றும் இதுவரை வந்த பாக்ஸ் ஆபீஸ் தகவல்கள் தெரிவித்தன. வெளிநாடுகளில் மட்டும் ரூ 70 கோடி வசூலித்ததாக படத்தை வெளியிட்ட ஈராஸ் - அய்ங்கரன் நிறுவனம் அதிகாரப்பூர்வமாகத் தெரிவித்திருந்தது நினைவிருக்கலாம்

தட்ஸ்தமிழ்

by **சிவா** Mon Jan 31, 2011 5:59 pm

இது என்ன பிரமாதம்!

அடுத்து விகரம் நடிக்கும் பொன்னியின் செல்வன் படம் 360 கோடியில் சன்டிவி தயாரிக்கிறது. மணிரத்னம் இயக்குகிறார். 2012-ல் படம் வெளியாக உள்ளது!

by கண்ணன்3536 Mon Jan 31, 2011 6:03 pm

தமிழா மீண்டும் மீண்டும் மிளகாய் அரைக்கிரார்கள் .அது சரி தருவதை தின்றுதின்று பழகிவிட்டது .எப்பதான் விளிக்கப்போகிறாய்?

by SK Mon Jan 31, 2011 6:04 pm

சிவா wrote:இது என்ன பிரமாதம்!

அடுத்து விகரம் நடிக்கும் பொன்னியின் செல்வன் படம் 360 கோடியில் சன்டிவி தயாரிக்கிறது. மணிரத்னம் இயக்குகிறார். 2012-ல் படம் வெளியாக உள்ளது!

by ARR Mon Jan 31, 2011 8:02 pm

இது அவர்களின் புத்திசாலித்தனத்துக்குக் கிடைத்த வெகுமானம்..

பூமாலை காலத்திலிருந்து அழகாக கணக்குப் போட்டு செயலாற்றும் மாறன் சகோதரர்கள் என் பார்வையில் பாராட்டுக்குரியவர்கள்..

இதனால் அவர்கள் நேர்மையானவர்கள், குற்றமற்றவர்கள் என்று நான் சொல்வதாகப் பொருள் கொள்ளலாகாது..

by **பிளேடு பக்கிரி** Mon Jan 31, 2011 8:34 pm

சிவா wrote:இது என்ன பிரமாதம்!

அடுத்து விகரம் நடிக்கும் பொன்னியின் செல்வன் படம் 360 கோடியில் சன்டிவி தயாரிக்கிறது. மணிரத்னம் இயக்குகிறார். 2012-ல் படம் வெளியாக உள்ளது!

மெய்யாலுமா ? அதிர்ச்சி