2ஜி முறைகேட்டுக்கு அதிகாரிகளே காரணம்-கமிஷன் அறிக்கை தாக்கல்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

2ஜி முறைகேட்டுக்கு அதிகாரிகளே காரணம்-கமிஷன் அறிக்கை தாக்கல்

#472450

ARR
தளபதி: பதிவுகள் : 1124
இணைந்தது : 08/05/2010

Post ARR Mon Jan 31, 2011 3:59 pm

2ஜி முறைகேட்டுக்கு அதிகாரிகளே காரணம்-கமிஷன் அறிக்கை தாக்கல்

டெல்லி: 2ஜி ஸ்பெக்ட்ரம் ஒதுக்கீட்டில் நடந்த முறையற்ற செயல்களுக்கு சில
அதிகாரிகளே காரணம் என்று கூறி விட்டது மத்திய அரசு நியமித்த ஒரு நபர்
கமிஷன்.

தொலைத் தொடர்புத்துறை அமைச்சராக கபில் சிபல்
பொறுப்பேற்றதும், ஓய்வு பெற்ற நீதிபதி சிவராஜ் பாட்டீலைக் கொண்ட ஒரு நபர்
கமிஷனை நியமித்தார். ஸ்பெக்ட்ரம் ஒதுக்கீட்டில் கடைப்பிடிக்கப்பட்ட
நடைமுறைகள் குறித்து ஆராய இந்தக் கமிஷன் அமைக்கப்பட்டது.

இந்தக்
கமிஷன் 2001ம் ஆண்டு முதல் 2009 வரை கடைப்பிடிக்கப்பட்ட நடைமுறைகள், தொலைத்
தொடர்பு கொள்கைகள் ஆகியவற்றை ஆராயும் என அறிவிக்கப்பட்டது.

அதன்படி
தனது ஆய்வை மேற்கொண்ட நீதிபதி சிவராஜ் பாட்டீல், இன்று தனது 150 பக்க
அறிக்கையை கபில் சிபலிடம் ஒப்படைத்தார். அறிக்கையில், 3000க்கும் மேற்பட்ட
ஆவணங்களையும் அவர் இணைத்துள்ளார்.

அதில், ஸ்பெக்ட்ரம்
ஒதுக்கீட்டில் நடந்த முறைகேடுகளுக்கு சில அதிகாரிகளே காரணம் என்று
தெரிவிக்கப்பட்டுள்ளதாக தெரிகிறது. இதுகுறித்து கபில் சிபல் கூறுகையில்,
சில அதிகாரிகளின் பெயர்கள் அறிக்கையில் குறிப்பிடப்பட்டுள்ளன. சில
நடைமுறைகள் குறித்தும் கருத்து தெரிவிக்கப்பட்டுள்ளது. எதிர்காலத்தில் என்ன
மாதிரியான நடைமுறைகளை மேற்கொள்ள வேண்டும் என்றும் கூறப்பட்டுள்ளது
என்றார்.