அரசு நிலத்தை மகன்களுக்கு ஒதுக்கியது தவறுதான்! எடியூரப்பா ஒப்புதல்

by ரபீக் Mon Jan 31, 2011 12:45 pm

அரசுக்கு சொந்தமான நிலத்தை தனது மகன்களுக்கு ஒதுக்கியது தவறுதான் என்று தனது குற்றத்தை எடியூரப்பா ஒப்புக்கொண்டார்.

இது தொடர்பாக நேற்று அவர் அளித்த பேட்டியில், அரசு நிலத்தை யாருக்கு வேண்டுமானலும் அம்மாநில அரசுகள் ஒதுக்கலாம். ஆனால் அதை எனது மகன்களுக்கு ஒதுக்கியது என்னுடைய தவறுதான். இது தொடர்பாக நீதிமன்றம் முடிவு எடுத்து, நிலத்தை திரும்ப எடுத்து கொள்ளட்டும்.

பா.ஜ. கட்சித் தலைவர் நிதின் கட்கரி, எனது மகன்களுக்கு நிலம் ஒதுக்கியதை சட்டப்படி தவறில்லை என்றும், ஆனால் அத் நியாயமில்லை என்றும் கூறியுள்ளார். இந்தப் பிரச்னை குறித்து அவர் தவறாக புரிந்து கொண்டுள்ளார். இதுகுறித்து அவரிடம் பேசுவேன்.

கர்நாடகா கவர்னர் பரத்வாஜ், ராஜ்பவனை அரசியல் அலுவலகமாக மாற்றி அங்கு ஒரு எதிர்க்கட்சித் தலைவர் போல செயல்படுகிறார். என் மீது தொடரப்பட்டுள்ள ஊழல் வழக்கு விசாரணையை சந்திக்க தயாராக உள்ளேன்’’ என்று எடியூரப்பா கூறியுள்ளார்.

இந்நேரம்

by **சிவா** Mon Jan 31, 2011 12:47 pm

இதுவரை கவர்னரை ஓரு பொம்மையாகப் பயன்படுத்திய முதவர்கள், அவர் சற்றுச் சுயமாக செயல்படத் துவங்கியதும் ஏற்றுக் கொள்ள இயலவில்லை போலும். ஆனால் இதில் காங்கிரஸின் சதியும் இணைந்துள்ளது மறுக்க முடியாது!