கையூட்டு பெற்ற உயரதிகாரிக்கு சீனாவில் மரண தண்டனை

by சிவசங்கர் Mon Jan 31, 2011 11:33 am

சீனாவின் லியோனிங் மாகாணத்தைச் சேர்ந்த, முன்னாள் உயரதிகாரி ஒருவர் கையூட்டு பெற்ற வழக்கில், அவருக்கு மரண தண்டனை விதித்து அந்நாட்டு நீதிமன்றம் தீர்ப்பளித்துள்ளது.

சீனாவின் வட கிழக்குப் பகுதியில் உள்ள, லியோனிங் மாகாண மக்கள் காங்கிரஸ் நிலைக் குழுவின் துணைத் தலைவராக இருந்தவர் சாங் யோங் (வயது 56).

கடந்த 2000 லிருந்து 2009 வரை இவர் பதவியில் இருந்தபோது, தனது அதிகாரத்தைப் பயன்படுத்தி, 23 தனி நபர்கள் மற்றும் நிறுவனங்களிடம் பல லட்சத்தைக் கையூட்டாகப் பெற்றுக் கொண்டு அரசு ஒப்பந்தங்களையும் பணி உயர்வையும் வழங்கியுள்ளார்.

இது குறித்து அவர் மீது வழக்குப் பதிவு செய்யப்பட்டது. சட்ட விரோதமாக அவர் சம்பாதித்த அனைத்தும் சொத்துகளும் அரசால் கைப்பற்றப்பட்டன. பீஜிங் நகர இரண்டாவது இடை நிலை மக்கள் நீதிமன்றம் அவரது வழக்கை விசாரித்து அவருக்கு மரண தண்டனை விதித்துள்ளது.
'மலேசியா இன்று'

by **சிவா** Mon Jan 31, 2011 12:35 pm

இதுபோன்று இந்தியாவில் எப்பொழுது சட்டம் வருமோ?

-ஏக்கத்துடன்...!

by **பிளேடு பக்கிரி** Mon Jan 31, 2011 12:37 pm

சிவா wrote:இதுபோன்று இந்தியாவில் எப்பொழுது சட்டம் வருமோ?

-ஏக்கத்துடன்...!

அப்படி சட்டம் வந்தா நம்ம ஊர்ல உங்களையும் என்னையும் தவிர ஆளே இருக்காதே? கையூட்டு பெற்ற உயரதிகாரிக்கு சீனாவில் மரண தண்டனை 755837

by இசையன்பன் Mon Jan 31, 2011 12:52 pm

எல்லா நாட்டுக்காரங்களும் திருந்துறாங்க (திருந்த வைக்குறாங்க) ஆனா நம்ம நாடு எப்போ திருந்த போகுதோ தெரியல!!?? கையூட்டு பெற்ற உயரதிகாரிக்கு சீனாவில் மரண தண்டனை 246975

by **சிவா** Mon Jan 31, 2011 12:53 pm

பிளேடு பக்கிரி wrote:
சிவா wrote:இதுபோன்று இந்தியாவில் எப்பொழுது சட்டம் வருமோ?

-ஏக்கத்துடன்...!

அப்படி சட்டம் வந்தா நம்ம ஊர்ல உங்களையும் என்னையும் தவிர ஆளே இருக்காதே?

அது உண்மைதான் பாஸ்!

by ARR Mon Jan 31, 2011 1:57 pm

வழக்கறிஞர் வசதிகளும், வாய்தா வாய்ப்புகளும் இருக்கும்வரை எந்தச் சட்டமும் நம்மை ஒன்றும் செய்யாது..

by கண்ணன்3536 Mon Jan 31, 2011 3:33 pm

ஐயகோ தமிழ் மாக்களே ,துனிசிய புரட்சி எகிப்து மற்றும் அண்டையநாடுகளுக்கு பரவிவிட்டது .எப்போது ஜனநாயகம் என்ற பெயரில் குடும்பசர்வாதிகாரம் ஆட்சி செய்யும் திருநாட்டுக்கு வரபோகுதோ ....இப்போது கூட எப்போதும் படுத்திருப்பாயா?

by உதயசுதா Mon Jan 31, 2011 4:44 pm

இது pola இந்தியாவிலும் கடுமையான சட்டங்கள் கொண்டு வரனும்ன்னு எல்லாருடைய ஆசையும்.ஆனால் அனேகமா அது என் கொள்ளு பேரனுக்கு கொள்ளு பேரன் பிறந்து,அந்த கொள்ளு பேரனுக்கு கொள்ளு பேரன் பிறந்து அவனுக்கு கொள்ளு பேரன் பிறந்து..............(யப்பா மூச்சு வாங்குது இதோட நிறுத்திக்கறேன்) அப்பதான் நடக்கும் போல