எருமை மாடு !

முன்னொரு காலத்தில் மலை நாட்டை வேங்கையன் என்ற அரசன் ஆண்டு வந்தான். பிறரைக் கேலி செய்து இழிவாகப் பேசுவதில் மகிழ்ச்சி அடைந்தான் அவன். வழக்கம் போல அவன் அரியணையில் வீற்றிருந்தான். அப்போது புத்த துறவி ஒருவர் அங்கே வந்தார். அவர் மெல்ல நடந்து வருவதைப் பார்த்தான் அவன். அவரை கேலி செய்ய நினைத்தான்.

""எருமை மாடு போல மெல்ல நடந்து வருகிறீரே. பார்ப்பதற்கும் எருமை மாடு போல உள்ளீரே?'' என்று சொல்லிச் சிரித்தான் அவன்.

இதைக் கேட்ட அவர் சிறிதும் கோபம் கொள்ளவில்லை. பாராட்டைப் பெற்றது போலப் புன்முறுவல் தவழும் முகத்துடன் அவனைப் பார்த்தார்.

""அரசே! நான் நாளும் வணங்கும் புத்த பெருமானைப் போல நீங்கள் காட்சி தருகிறீர்கள். உங்களை வணங்குவதில் மகிழ்ச்சி அடைகிறேன்!'' என்று பணிவுடன் சொன்னார்.

இதைக் கேட்ட அவன், "நான் இவரை எருமை மாடு என்று இகழ்ந்தேன். இவரோ என்னைப் புத்தர் பெருமான் என்று புகழ்கிறார். என் வலிமையைக் கண்டு அஞ்சி விட்டார். அதனால்தான் இப்படிப் பேசுகிறார். புத்தர் பெருமான் என்று புகழ்ந்ததற்கான காரணத்தை இவர் வாயிலாகவே அறிய வேண்டும். மற்றவர்களும் இதைக் கேட்டு என்னைப் பெருமையாக நினைக்க வேண்டும்' என்று நினைத்தான்.

தலை நிமிர்ந்து பெருமிதத்துடன் அவரைப் பார்த்தான்.

""துறவியே! நான் உம்மை எருமை மாடு என்று இகழ்ந்தேன். பதிலுக்கு நீர் என்னை புத்தர் பெருமான் என்று புகழ்ந்தீர். நீர் அப்படி என்னை புகழ்ந்ததற்கான காரணத்தைத் தெரிந்து கொள்ளலாமா?'' என்று சிரித்தபடியே கேட்டான்.

""அரசே! நாம் எப்படி இருக்கிறோமோ அப்படித்தான் உலகமும் காட்சி அளிக்கும். துறவியாகிய எனக்கு எல்லாரும் புத்தர் பெருமானாகவே காட்சி தருவார்கள். அதே போல் நீங்களும் தோன்றினீர்கள். அதனால் உங்களைப் புத்தர் பெருமான் என்று வணங்கினேன்!'' என்று விளக்கம் தந்தார் அவர்.

இதைக் கேட்ட அவன், "தன்னை அவர் எருமை மாடாக்கி விட்டாரே... இப்படிப்பட்ட அவமானம் நேர்ந்ததே' என்று தலை கவிழ்ந்தான். பிறரைக் கேலி செய்யும் தீய பழக்கம் அன்றே அவனைவிட்டு நீங்கியது.

சிறுவர் மலர்

ஆஹா எல்லோருக்குமே புத்தி புகட்டும் மிக அருமையான பகிர்வு சிவா இது...
வார்த்தைகளில் உண்மை இருந்தால் மட்டும் போதாது மனசுல தோணினதை பட்டுனு கேட்ருவேன்... இது பெருமையாக சொல்வது.... ஆனால் அப்படி பட்டுனு கேட்பதால் கேட்பவரின் மனம் ஹர்ட் ஆவதை நினைத்து பார்த்திருந்தால் அப்படி பட்டுனு கேட்க தோணி இருக்காது தானே?

எல்லோரையும் நம்மை போலவே நினைத்தால் இப்படி வார்த்தையால் துன்புறுத்த தோணி இருக்குமா?

வார்த்தைகளில் உண்மை மட்டும் இருந்தால் போதாது அதில் மென்மையும் கொஞ்சம் கருணையும் இருக்கவேண்டும் என்பதை அழகாய் பகிர்ந்த சிவாவுக்கு என் அன்பு நன்றிகள்பா...

இது எனக்கும் தகுந்த பாடம் சொன்னது சிவா... கிட்டத்தட்ட அந்த அரசனைப்போல் தான் நானும் இருக்கிறேன் என்று அறிந்து வருந்துகிறேன். என்னை திருத்திக்கொள்ள வாய்ப்பளித்த இந்த திரிக்கு எனது நன்றிகள்.

மஞ்சுபாஷிணி wrote:ஆஹா எல்லோருக்குமே புத்தி புகட்டும் மிக அருமையான பகிர்வு சிவா இது...
வார்த்தைகளில் உண்மை மட்டும் இருந்தால் போதாது அதில் மென்மையும் கொஞ்சம் கருணையும் இருக்கவேண்டும் என்பதை அழகாய் பகிர்ந்த சிவாவுக்கு என் அன்பு நன்றிகள்பா...

மஞ்சுபாஷிணி wrote:ஆஹா எல்லோருக்குமே புத்தி புகட்டும் மிக அருமையான பகிர்வு சிவா இது...
வார்த்தைகளில்
உண்மை இருந்தால் மட்டும் போதாது மனசுல தோணினதை பட்டுனு கேட்ருவேன்... இது
பெருமையாக சொல்வது.... ஆனால் அப்படி பட்டுனு கேட்பதால் கேட்பவரின் மனம்
ஹர்ட் ஆவதை நினைத்து பார்த்திருந்தால் அப்படி பட்டுனு கேட்க தோணி இருக்காது
தானே?

எல்லோரையும் நம்மை போலவே நினைத்தால் இப்படி வார்த்தையால் துன்புறுத்த தோணி இருக்குமா?

வார்த்தைகளில் உண்மை மட்டும் இருந்தால் போதாது அதில் மென்மையும் கொஞ்சம்
கருணையும் இருக்கவேண்டும் என்பதை அழகாய் பகிர்ந்த சிவாவுக்கு என் அன்பு
நன்றிகள்பா...