ஈழம் யென்று மலரும் ?

mkamal · mkamal Fri Jan 28, 2011 7:34 pm

ஈழம் என்று மலரும் ?(பி.எம். கமால், கடையநல்லூர்)

உலகத்தில் இருக்கின்ற
ஒட்டுமொத்தத் தமிழினமும்
ஒன்றுபட்டு ஓர் குரலில்
ஓங்கி ஒலித்து விட்டால்
ஈழம் மலர்ந்து விடும்
நம்
ஓலம் அடங்கிவிடும் !

ஆங்காங்கே இருக்கின்ற
அரசியல் தலைவர்கள்
அமைதியுடன் வாய்மூடி
அடங்கிக் கிடந்துவிட்டால்
ஈழம் மலர்ந்து விடும்
நம்
ஓலம் அடங்கிவிடும் !

தமிழ் எங்கள்
உயிர் மூச்சு
தமிழன் என்
உடன்பிறப்பு !
தமிழனுக்கு இன்னல் என்றால்
தாங்காது என்னிதயம்
என்று தமிழினம்
எப்போது உணர்கிறதோ
அப்போதே மலர்ந்துவிடும்
ஆசைப்படும் தமிழீழம் !
தமிழினமே !
ஒன்றுபட வாருங்கள் !
வென்றுவிட வாருங்கள் !

கலைவேந்தன் · கலைவேந்தன் Fri Jan 28, 2011 8:57 pm

மிகுந்த தெளிவான உண்மைகளை அழுத்தம் திருத்தமாகப் பதிந்து அழகுற எழுதப்பட்ட அக்கறையுள்ள கவிதை நண்பரே...

அரசியல் வாதிகள் தலையீட்டால் நல்லவை நடந்தவைகளை விட அல்லல்கள் விளைந்தவையே ஏராளம்..

உலகத் தமிழர் அனைவருமே ஒருங்கிணைந்து குரல் கொடுக்க வேண்டும் என்ற உங்கள் கருத்து மிக வலிமையானது...

பாராட்டுக்கள் கமால்..!