மகரஜோதி சர்ச்சை : கேரள அரசு பதில்

Guest · Guest Thu Jan 27, 2011 6:46 pm

சபரிமலை மகர ஜோதி மற்றும் மகர விளக்கு தொடர்பான சர்ச்சை குறித்து எந்தவிதமான விசாரணையும் நடத்தவில்லை என உயர்நீதிமன்றத்தில் கேரள அரசு தெரிவித்துள்ளது.

இதுதொடர்பாக பகுத்தறிவாளர்கள் சங்கம் தாக்கல் செய்த மனு உள்ளிட்ட 3 மனுக்களை கேரள உயர்நீதிமன்றம் விசாரித்தது.

அப்போது நீதிபதிகள் தோட்டத்தில் ராதாகிருஷ்ணன் மற்றும் கோபிநாத் ஆகியோர் அடங்கிய பெஞ்ச் முன்பு அரசு வழக்கறிஞர் பதில் மனுத்தாக்கல் செய்தார்.

இதுதொடர்பாக எந்தவித விசாரணையும் நடத்த அரசு விரும்பவில்லை என முதல்வர் ஏற்கனவே கூறியுள்ளார் என்று அரசு வழக்கறிஞர் தனது பதிலில் தெரிவித்துள்ளார்.

மக்களின் சமய நம்பிக்கை குறித்த விவகாரமாக இருப்பதால் மகரஜோதி தெய்வீகமானதா அல்லது மனிதரால் உருவாக்கப்படுவதா என்பதை அரசு விசாரிக்காது என கேரள முதல்வர் அச்சுதானந்தன் தெரிவித்ததாக வெளியான செய்தியை அவர் சுட்டிக்காட்டினார்.