இரவல் இடமா.?!..என் இதயம்..?!

இனியவளே..!

உந்தன் கண்ணீரை சுமக்க..
என் கன்னத்திற்கு இடம் கொடு..!
உன் வலிகளை சுமக்க..
என் மார்பிற்கு இடம் கொடு..!

உன் உள்ளத்தை சுமக்க..
என் இதயத்திற்கு இடம் கொடு..!
உன் சோகத்தை சுமக்க
என் தேகத்திற்கு இடம் கொடு..!

உன் பாவங்களை சுமக்க..
என் பாதத்திற்கு இடம் கொடு..!
உன் உடலை சுமக்க..
என் உடலிற்கு இடம் கொடு..!

என்று சொன்னவனே..!.

உன்னன்பு உண்மையென்று..
என்னை தந்ததற்கு..என்னுள்
இளைப்பாறி ஏமாற்றிச்சென்றாயே..?-என்
இதயம் இரவலென நினைத்தாயோ.?

அந்த இரவலுக்கு இணையாக..
இன்னொரு துணையை எனக்குள்
நீ கொடுத்தாயோ..?

இறைவா..!
இருவரின் தவறில் உதித்திட்ட ஒரு
உயிரின் பாவத்தின் கணக்கதினை
உரு கொடுக்கும் பெண்ணில் ஏன்
முழுவதுமே இணைத்தாய்..!

அத்தவறின் பிணக்குகளின் பாதியை
ஆணோடு பிணைத்திருக்ககூடாதா..?
ஆண்களும் அந்த அல்லல் சுமைதனை
அனுபவிக்கக் கூடாதா..?

by **சிவா** Fri Feb 11, 2011 6:02 pm

///ஆண்களும் அந்த அல்லல் சுமைதனை அனுபவிக்கக் கூடாதா..?///

நல்லா சொல்றாங்கய்யா டீடெய்லு....!!!

பாதிக்கப்பட்ட பெண்ணின் உள்ளக் குமுறலாக வந்துள்ள கவிதை வரிகள் அருமையாக உள்ளது பாஸ்!

by varsha Sat Feb 12, 2011 9:03 am

by உதயசுதா Sat Feb 12, 2011 10:20 am

காலம் காலமா பெண்கள் மனதில் எழும் கேள்விதான் இது
ஆனால் பதில்தான் இன்னும் கிடைக்க வில்லை

கவிதை அருமை சூர்யா

சிவா wrote:///ஆண்களும் அந்த அல்லல் சுமைதனை அனுபவிக்கக் கூடாதா..?///

நல்லா சொல்றாங்கய்யா டீடெய்லு....!!!

பாதிக்கப்பட்ட பெண்ணின் உள்ளக் குமுறலாக வந்துள்ள கவிதை வரிகள் அருமையாக உள்ளது பாஸ்!

வாழ்த்துக்கு ரெம்ப நன்றி தல..

பிரச்சினைகளை முடிவுக்கு கொண்டு என்ன ? என்று யோசித்த போது
வந்த வரிகள் அது...மீண்டும் நன்றி..