தேமுதிக இடம்பெறும் கூட்டணியே வெற்றி கூட்டணி : விஜயகாந்த்

Guest · Guest Thu 27 Jan 2011 - 21:26

தே.மு.தி.க. இடம்பெறும் கூட்டணியே வரும் சட்டப்பேரவை தேர்தலில் வெற்றி பெறும் என்று அக் கட்சியின் தலைவர் விஜயகாந்த் தெரிவித்துள்ளார்.

பிற கட்சிகளில் இருந்து விலகிய ஆயிரத்துக்கும் மேற்பட்டோர் தே.மு.தி.க.வில் சேரும் நிகழ்ச்சி சென்னை கோயம்பேட்டில் உள்ள தே.மு.தி.க. தலைமை அலுவலகத்தில் நடைபெற்றது.

அந்த நிகழ்ச்சியில் விஜயகாந்த் பேசும்போது,

’’ரேஷன் கடைகளில் விற்கப்படும் உளுத்தம் பருப்பு, துவரம் பருப்பு விலையில் ரூ.10 குறைக்கப்படும் என முதல்வர் கருணாநிதி அறிவித்துள்ளார். இதற்கு முன்பு விலையைக் குறைக்காதது ஏன்? தேர்தல் வருகிறது என்பதால் பருப்பு விலையைக் குறைத்ததாகக் கூறி மக்களை ஏமாற்ற கருணாநிதி முயல்கிறார். இதேபோல் தக்காளி, வெங்காயம் விலையைக் குறைக்காதது ஏன்?

இம்மாதம் 30-ம் தேதி நடைபெறும் முதல்வர்கள் மாநாட்டில் கலந்து கொள்வதாகக் கூறி கருணாநிதி தில்லிக்குச் செல்கிறார். கடந்த ஆண்டு நடைபெற்ற முதல்வர்கள் மாநாட்டுக்கு அவர் செல்லவில்லை.

இப்போது அவர் மாநாட்டுக்காகச் செல்லவில்லை. காங்கிரஸ் கட்சியுடன் தொகுதி பங்கீடு பற்றி பேசுவதற்காகவே தில்லி செல்கிறார்.

இலங்கைத் தமிழர்களைப் பாதுகாக்கவோ, தமிழகத்தின் நதிநீர் பிரச்னைகளுக்காகவோ முதல்வர் கருணாநிதி தில்லி சென்றதில்லை. இதற்கு முன்பு, தனது குடும்பத்தினருக்கு மத்திய அமைச்சரவையில் பதவி வாங்குவதற்காக தில்லி சென்றார். இப்போதும், அதுபோலவே தேர்தல் கூட்டணி பற்றி பேசுவதற்காக தில்லி செல்கிறார்.

முதல்வர் பதவியில் இருப்பதைவிட, தி.மு.க.வின் தலைவர் என்ற பொறுப்பில் இருப்பதையே பெரிதாகக் கருதுவதாக கருணாநிதி கூறியுள்ளார்.

இனி அவர் தி.மு.க.வின் தலைவராக மட்டும்தான் இருக்க முடியும். மீண்டும் அவரால் முதல்வராக முடியாது. வரும் தேர்தலில் தி.மு.க.வுக்கு மக்கள் சரியான பாடம் புகட்ட வேண்டும். தே.மு.தி.க. யாருடன் கூட்டணி அமைக்க வேண்டும் என்பது பற்றி சேலம் மாநாட்டில் தொண்டர்களின் கருத்தைக் கேட்டறிந்தேன். மாவட்டச் செயலாளர்கள், மாநில நிர்வாகிகளின் கருத்துகளையும் கேட்டறிந்துள்ளேன். யாருடன் கூட்டணி என்பது பற்றி சரியான நேரத்தில் அறிவிப்பேன்.

மக்களை மகிழ்ச்சியாக வைத்திருக்கும் கட்சிகளுடன்தான் கூட்டணி அமைப்பேன். கூட்டணிக்காக தொண்டர்களை யாரிடமும் அடகு வைக்க மாட்டேன். தே.மு.தி.க. யாருடன் கூட்டணி அமைக்கிறதோ, அந்த கூட்டணிதான் வெற்றி கூட்டணியாக அமையும்’’ என்று பேசினார்.

**அருண்** · **அருண்** Thu 27 Jan 2011 - 21:56

குண்டு சட்டியில் குதிரை ஓட்ட தயார் நு சொல்லுங்க... ஜாலி

அன்பு தளபதி · அன்பு தளபதி Thu 27 Jan 2011 - 22:00

விஜய்காந்தின் ஓட்டு சதவீதம் 10 % இன்னும் குறைவு தான் ஆனால் இவர் இப்படி பேசுகிறார் விஜய்காந்த் இரு கட்சிகளுக்கும் ஒரு விஷயத்தை நினைவு படுத்துகிறவர் அது எந்த கட்சி தோற்றாலும் கணிசமான பங்கு இவருக்குத்தான்

ARR · ARR Thu 27 Jan 2011 - 23:21

சேலம் மாநாட்டுக்கு நண்பரோடு சென்றிருந்தேன்.. அவரது செல்வாக்கால் மேடைக்கு அருகில் செல்லும் வாய்ப்பு கிட்டிற்று..

விஜய்காந்த் முழு போதையில் ஏறி உளறிக்கொண்டிருந்தார்.. பொதுமேடையில் கடைப்பிடிக்கவேண்டிய குறைந்தபட்ச நாகரீகம்கூட இல்லாமல் மதுவின் பிடியில் இருந்த அவர், மற்றகட்சிகளை வெளுத்து வாங்கிக்கொண்டிருந்தார்..

அப்போது உதிர்த்த ஒரு முத்து..

சந்திரபாபு நாயுடு தெலுங்கானத்துக்காக உண்ணாவிரதம் இருந்தார்..!