கனடாவின் வயது கூடிய பெண்மணி தனது 112 ஆவது வயதில் மரணம்

by ரபீக் Thu Jan 27, 2011 4:34 pm

முன்னாள் ரஸ்ய கூட்டமைப்பின் வறுமையை அனுபவித்து மனிரொபா பண்ணையில் ஒரு போராட்ட வாழ்க்கையை வாழ்ந்து தனது 7 குழந்தைகளுள் ஒன்றைப் பிறப்பின்போது பறிகொடுத்த சோகத்தினால் மனமுடைந்திருந்தாள்.
இவையாவற்றிலும் கனடாவின் வயதுகூடியவர் என நம்பப்படும் இவர் இறை நம்பிக்கையாலும் தன்னைச் சூழ இருப்பவர்களுக்கு உதவும் குணத்தாலும் நேர்மறையான எண்ணத்துடன் வாழ்ந்தார். இவர் கடந்த திங்களன்று விங்க்ளரிலுள்ள நேர்சிங் கோமில் இறக்கும்வரை இந்த மனநிலையையே கொண்டிருந்ததாக அவரது இளைய மகள் கூறுகிறாள்.

'நாம் ஒருபோதும் எமக்காக வாழ்வதில்லை. நாம் மற்றவர்களுக்காகவே வாழ்கிறோம் என அவர் எப்போதும் எங்களுக்குக் கூறுவார் என்றார் ஜஸ்ரினா சுடர்மன்.

'அதுதான் அவரின் வாழ்க்கைமுறை. தன்னால் முடிந்த எவருக்கும் அவர் உதவிசெய்வார்.'

தற்போது உக்ரேனின் பகுதியாகவுள்ள ரஸ்யா ரஸ்யாவில் பெப்ரவரி 8, 1899 இல் பேளர் பிறந்ததாக அவரது குடும் உறுப்பினர்கள் கூறுகின்றனர். அந்தக் காலப்பகுதியில் பிறந்தவர்கள்போல அவருக்கும் பிறப்புச்சாட்சிப் பத்திரம் கிடையாது.

1924 இல் திருமணம் செய்துகொண்ட அவர் இரண்டு வருடங்களின் பின்னர் தனது முதல் குழந்தையை வயிற்றில் சுமந்தவாறு தனது முதகில் துணியை சுமந்தவாறு கனடாவின் குளிர்ப் பகுதியான பிறேறிஸ் இற்கு வந்து சேர்ந்தாள். அந்தக் காலப்பகுதியில் ஏனைய உக்ரேனியர்களைப்போலவே, அவளும் அவளது கணவனும் நிலத்தை விளைநிலமாக மாற்றுவதற்குக் கடுமையாக உழைத்தனர். பொருளாதார நெருக்கடி அவர்கள் எதிர்கொண்ட சவால்களில் ஒன்று. பணம் பெரும் நெருக்கடியாகவே இருந்தது.

'உடைகளை வாங்குவதற்குக் கடைகள் இருப்பது மிகவும் நல்ல விடயம். எனது குழந்தைகளுக்கான யாவற்றையும் நான் தைக்கவேண்டியிருந்தது', என அவர் எங்களுக்குக் கூறினார் என்றார் சுடர்மன்.

விடுப்பு குலுமம்