ஆண்கள் தெரிஞ்சுக்க வேண்டிய விஷயம்

என் நண்பர் ஒருவர் அதிகரித்து வரும் கள்ள தொடர்புகள்,அதுக்கான காரணங்கள்,அதுக்கான தீர்வுகள் அப்படின்னு ஒரு தலைப்புல ஆராய்ச்சி செய்துட்டு வர்ரார்.அவர் சொன்ன ஒரு விஷயம் என்னை இந்த எழுத தூண்டியது.
இந்த ஆராய்ச்சில ஈடுபட்டு இருந்த போது அவர் சந்தித்த ஒரு பெண்மணி வாயிலாக அவர் அறிந்த தகவல்கள்.
அந்த பெண்மணியும்,அவரது கணவரும் காதலித்து மனம் புரிந்தவர்கள்,அவர்களுக்கு ஒரு மகன் ஒருவர் இருக்கிறார்.அந்த பெண்மணி தன்னோட 10 வருட திருமண வாழ்க்கைக்கு பிறகு இன்னொருவருடன் ஓடிவிட்டார்.இப்போது அவர் மகிழ்ச்சியாக இருப்பதாக சொல்லி இருக்கிறார்.அதெல்லாம் சரி உருகி.உருகி காதலித்து 10 வருடத்துக்கு பிறகு கணவரை விட்டுட்டு வர காரணம் என்ன?அதை விசாரிக்கும்போது அந்த பெண்மணி சொன்ன தகவல்கள்.காதலித்து போராடி கல்யாணம் செய்து ஒரு 5 வருடம் வரை எல்லாரையும் போலதான் அந்த கணவர் அன்புடன் தான் நடத்தி இருக்கிறார்.ஆனால் 5 வருடத்துக்கு பிறகு மகனின் எதிர்காலத்தை பற்றி மட்டும்தான் பெரிதாக யோசித்து இருந்து இருக்கிறார்.அவரோட எல்லா செயல்களும் மகனின் சந்தோசத்துக்காக மட்டும்தான் இருந்து இருக்கிறது.படுக்கை கூட மகன் கூடதான்.அப்பவும் அந்த பெண்மணி மகன் உறங்கியதும் என் அருகில்
வாருங்கள்,எனக்கு வேறு எந்த சுகமும் வேண்டாம்,உங்கள் அரவணைப்பு மட்டும்தான் வேண்டும் என்று பல தடவை சொல்லி கெஞ்சி இருந்து இருக்கிறார்.
அவர் அதை எல்லாம் காதில் வாங்கியதாக இல்லை. இதற்கு இடையில் மகனுக்கு
தந்தை தன் பக்கம் மட்டும்தான் என்பது புரிய துவங்க அவனும் தான் தாயுடன்
அன்பாக பழகுவதை நிறுத்தி இருக்கிறான்.அந்த பெரிய வீட்டில் தான் மட்டும் தனித்து விட பட்டதை போல உணர்ந்து அவர் தன் மன கவலைய வலைத்தள நண்பர் ஒருவரிடம் பகிர்ந்துக்க ஆரம்பிச்சு இருக்கார்.அவரும் அந்த பெண்மணிக்கு ஆறுதல் சொல்லி இருக்கிறார். இதுல ஆரம்பிச்சு ஒவ்வொரு விசயத்துலயும்
அந்த நண்பரின் ஆறுதல் அவர் மனதுக்கு இதமாக இருக்க அவரையே இந்த பெண்மணி காதலிக்க ஆரம்பிச்சு தன் கணவரிடம் சொல்லாமல் கொள்ளாமல் வீட்டை விட்டு ஓடும் அளவுக்கு வந்து இருக்கு.அந்த நண்பர் நல்லவராக இருந்ததினால் சரி,இல்லையானா அந்த பெண்மணியின் வாழ்க்கை என்னாவாகி இருக்கும் என்று நினைத்தாலே உள்ளம் கலங்குகிறது.

அதனால கணவர்மார்கள் எல்லாம் சின்ன,சின்ன விசயத்துல கூட உங்க அன்பு மனைவிக்கு தெரியரா மாதிரி நடந்துக்கங்க.சொல்லாத காதல் வெற்றி பெறுவதில்லை மாதிரி காமிக்காத அன்பும் வீண் thaan.நீங்கள் பிள்ளைகளிடம் அன்பாக இருங்கள் ஆனால் மனைவியிடமும் அன்பை காமிங்கள்.பெண்கள் உடல் சுகத்துக்காக ஆசை படுபவர்கள் இல்லை அவர்கள் தேவை எல்லாம் தன் கணவன்
தன்னிடம் அன்பாக இருக்க வேண்டும் என்பதுதான்.இது நியாயமான ஒன்றுதானே.
திரும்பவும் சொல்கிறேன், பெண்களுக்கு தேவை அணைப்பு இல்லை அரவணைப்பு.

திரும்பவும் சொல்கிறேன், பெண்களுக்கு தேவை அணைப்பு இல்லை அரவணைப்பு.........கண்டிப்பாக இது உண்மைதான் அக்கா அன்பு , அரவணைப்பு முதல்ல இதுதான் அப்புறம் மற்றது எல்லாம். அன்புக்கு நான் அடிமைனு சும்மாவா சொல்லிறுக்காங்க.....பகிர்தமைக்கு மிக்க நன்றி அக்கா!

பெண்களுக்கு தேவை அணைப்பு இல்லை அரவணைப்பு....

பெத்த மகனை விட வேற என்ன முக்கியம் அக்கா

உண்மையான விஷயம்..
உடல் சம்பந்தப்பட்ட அணைப்பு..ஒரு சில காலம் தான்..
உள்ள சம்பந்தப்பட்ட அரவணைப்பு..உயிர் உள்ளவரை தான்..
நன்றி..சுதா...பகிர்ந்தமைக்கு...
இது போன்ற பதிவுகளை எதிர் பார்க்கிறேன்...உங்களிடம்..