கொழுக்கட்டையால் வந்த வினை

அலட்டல் அம்பலத்தார் · 29/04/2010

எங்க ஊரில முத்துக்கருப்பன் எண்டு ஒருத்தர் இருந்தவர் ,அவர் கலியாணம் ஆன புதிசில நடந்த சம்பவம் தான் ராசாக்கள் இந்த கொழுக்கட்டை கதை ,இனி கதைக்கு போவோமே ..
இப்பிடித்தான் ஒருநாள் கருப்பு பக்கத்து ஊரில இருக்கும் சிவலிங்கத்தை பார்க்க தனியா போறார் ,அடை மழை வேறை கேக்கவா வேணும் ..எப்பிடியோ உரப்பையை தலையில போட்டுக் கொண்டு போய் சேர்ந்திட்டார் ..அந்தக்காலத்தில உந்த குடை கிடை எல்லாம் வாங்க ஏலாதப்பா ..பக்கத்து ஊரில நண்பரை போய் சந்திச்சார். அவரும் இவருடைய தேவையை கேட்டு , இருவரும் ஒரு வழியா பேசி முடிச்சிட்டினம் கண்டியலே .சிவலிங்கமும் தேநீருடன் கொழுக்கட்டையும் கொடுக்கிறார் ,அனா ஒருவிசயம் பாருங்க கருப்பு அப்பத்தான் புதுசா கொழுக்கட்டை பார்க்கிறான் .ருசிச்சு ருசிச்சு சாப்பிடுறார் , கூடவே இன்னுமொண்டு கேட்டு வாங்கி சாப்பிடுறார் .இதுக்கு பிறகு தான் இதுக்கு என்ன பேரு எண்டு சிவத்திட்ட கேக்கிறார் பாருங்க ,சிவலிங்கனும் இது கொழுக்கட்டை கருப்பு எண்டு சொல்லுறார் ,

இப்ப கருப்பு ஊருக்கு கிளம்புறார் கண்டியலே .போகும் வழி பூராவும் கொழுக்கட்டை, கொழுக்கட்டை என்று சொல்லிக் கொண்டு போறார் .இடையில அவருக்கு நினைப்பு வேற (ஊருக்கு போயி முதல்ல கொழுக்கட்டை செய்து சாப்பிடனும் ) என்கிற ஒரு வெறியோட போறார் கண்டியலே .இடையில வழுக்கைஆறு மழைக்கு வெள்ளம் கரை புரண்டு ஓடுதடா ராசாக்கள் .இப்ப கறுப்பர் ஆத்தை( ஆற்றை ) கடந்திட்டார் ..ஆனா கொழுக்கட்டையை மறந்திட்டார் ..இப்ப இப்ப அவரோட வாயில ஆத்துக்கட்டை ஆத்துக்கட்டை என்றுதான் வருகுது ...

ஒருவழியா வீட்டை அடைஞ்சிட்டார்.மனிசியிடம் ( மனைவியிடம் ) பொன்னம்மா சிவத்தான் வீட்ட ஆத்துக்கட்டை சாப்பிட்டனான் எனக்கு செய்து தாடா செல்லம் எண்டு அன்போட சொல்லுறார் .ஆனா பொன்னம்மாவுக்கு ஆத்துக்கட்டை என்ன என்று புரியல ?? கறுப்பரின் அன்பு கோபமாக மாற மனைவியை திட்டி அடித்து உதைக்கிறார் .ஈற்றில் மனைவி அழுது, அலுத்து கொண்டு என்னங்க இப்பிடி போட்டு அடிக்கிறீங்களே தலை கொழுக்கட்டை மாதிரி வீங்கி போயிடுத்து என்று கூற ,அப்போதுதான் கருப்பருக்கு புரிந்தது அது ஆத்துக்கட்டை இல்லை கொழுக்கட்டை என்று ..

இனி என்னத்தை சொல்ல ராசாக்கள் ....
சரி நான் போயிட்டு வாறன்.. முனியம்மா ஆத்துக்கட்டை செய்யிறேன் எண்டு சொன்னவ ...