நமது தேசம்!

by அமுத வர்ஷிணி Wed Jan 26, 2011 2:25 pm

நமது தேசம்!

ஆரியர்கள் நாடி வந்த
வளமையான தேசமது நமதுதேசமே!
அலெக்ஸாண்டர் தேடி வந்த
வீரமிகுந்த தேசமது நமதுதேசமே!
சிந்துவெளி நாகரீகம் தந்த
நாகரீக தேசமது நமதுதேசமே!
புத்தர்பிறந்து ஞானம் பெற்ற
அறிவு தேசமது நமதுதேசமே!
போரைவெறுத்து அசோகர் கண்ட
அமைதி தேசமது நமதுதேசமே!
நான்குவேதம், கீதை சொன்ன
நீதி தேசமது நமதுதேசமே!
இராமயணத்துடன் பாரதமும் தந்த
இதிகாச தேசமது நமதுதேசமே!
ஆரியபட்டர் ,பாஸ்கரா கண்ட
கல்வி தேசமது நமதுதேசமே!
அந்நியரின் இருநூறாண்டு ஆட்சியிலே
கலையிழந்த தேசமது நமதுதேசமே!
ஆங்கிலேயரையெதிர்த்து வெற்றி கண்ட
விடுதலை தேசமது நமதுதேசமே!
முழுமையான அங்கீகாரம் பெற்ற
குடியரசு தேசமது நமதுதேசமே!
ஆதலினால் அறிவியலில் முன்னேற்றம் கண்ட
விஞ்ஞான தேசமது நமதுதேசமே!
மாதம் மும்மாரி காண்கின்ற
மழை தேசமது நமதுதேசமே!
வயல்வெளியும் ஆறுகளும் பெற்ற
வளமையான தேசமது நமதுதேசமே!
இருந்தபோதிலும் வேளாண்புரட்சி வளர்ச்சியிலே
வளம்குறைந்த தேசமதுவும் நமதுதேசமே!
நன்னீரை நச்சாக்கிக் கண்ணீரை
மிச்சமாக்கும் தேசமதுவும் நமதுதேசமே!
ஆலைக்கழிவை ஆற்றில் கலந்து
அசுத்தமாக்கும் தேசமதுவும் நமதுதேசமே!
இக்குடியரசு நன்னாளில்
மரங்களை வளர்த்து
மின்சாரத்தைச் சிக்கனப்படுத்தி
ஆறுகளை இணைத்து
அணைகள் பலகட்டி
பாலீதீன்களைத் தவிர்த்து
வளங்கள்யாவும் காத்திட
வேளாண்மை பெருகிட
உலகதரத்தில் உயர்ந்திட
விழிப்புணர்வைப் பெறவேண்டிய
தேசமதுவும் நமதுதேசமே!!!
இனிய குடியரசுதின நல்வாழ்த்துகள்!

by srinihasan Sat Jan 29, 2011 3:46 am

சேதத்தையும் சொல்லி தேசத்தின் பெருமையும் சொல்லி, காக்க வரிகளின் வழியில் கவி புரிந்த உங்களுக்கு வாழ்த்துகள் ...

by அமுத வர்ஷிணி Sat Jan 29, 2011 10:06 pm

srinihasan wrote:சேதத்தையும் சொல்லி தேசத்தின் பெருமையும் சொல்லி, காக்க வரிகளின் வழியில் கவி புரிந்த உங்களுக்கு வாழ்த்துகள் ...

பகிர்வுக்கும் வாழ்த்துகளுக்கும் மிக்க நன்றி. நமது தேசம்! 678642

by கலைவேந்தன் Sun Jan 30, 2011 11:02 am

தேசப்பற்றினை ஊட்டி குடியரசு தினத்தின் பெருமைகளையும் பாரதத்தின் அனைத்து மேன்மைகளையும் வரைந்த அருமையான கவிதைக்குப் பாராட்டுக்கள் அமுத வர்ஷிணி..!

by **சிவா** Sun Jan 30, 2011 11:45 am

தேசத்தின் பெருமைகளைக் கூறும் வரிகள் அருமை!

by உதயசுதா Sun Jan 30, 2011 12:13 pm

தேசத்தின் பெருமைகளையும் சொல்லி அந்த பெருமைகளை கொஞ்சம் கொஞ்சமாக நாம அழிச்சுட்டு இருக்கறதையும் சொல்லி அதுக்கான தீர்வுகளையும் சொல்லி இருக்கும் உங்கள் கவி அருமை கவிதாயினி
வாழ்த்துகள்

by **பிளேடு பக்கிரி** Sun Jan 30, 2011 1:32 pm

நம் தேசத்திற்காக ஒரு கவிதை வடிததிற்க்கு நன்றி நமது தேசம்! 678642

by பிரகாசம் Sun Jan 30, 2011 5:06 pm

by அமுத வர்ஷிணி Mon Jan 31, 2011 8:32 pm

கலை wrote:தேசப்பற்றினை ஊட்டி குடியரசு தினத்தின் பெருமைகளையும் பாரதத்தின் அனைத்து மேன்மைகளையும் வரைந்த அருமையான கவிதைக்குப் பாராட்டுக்கள் அமுத வர்ஷிணி..!

மிக்க மகிழ்ச்சி. நமது தேசம்! 154550