கலெக்டர் உயிருடன் எரித்து கொலை

நாசிக்: மகாராஷ்டிரா மாநிலத்தில் மாவட்ட கூடுதல் கலெக்டர் மண்ணெண்ணெய் மற்றும் பெட்ரோல் கடத்திய கும்பலை சுற்றி வளைத்து சோதனை நடத்தியபோது உயிருடன் தீ வைத்து கொளுத்தி கொன்ற கும்பல் தப்பி ஓடியது. இந்த சம்பவம் நாடு முழுவதும் பெரும் பரபரப்பும், பதட்டமும் ஏற்பட்டுள்ளது.

நாசிக் அருகே மண்மத் அருகே பானிவாட் பகுதியில் மண்ணெண்ணெய் பதுக்கி வைத்து விற்பனை செய்வதாகவும், இதனை மாற்று பகுதிக்கு கடத்துவதாகவும் மாவட்ட நிர்வாகத்திற்கு தகவல் கிடைத்தது. இது தொடர்பவாக அந்த மாவட்ட கூடுதல் கலெக்டர் யஸ்வந்த் சோனாவானே என்பவர் கடத்தல் நடக்கும் இடத்திற்கு சென்று சோதனையிட்டார்.

இந்நிலையில் அங்கு இருந்த கும்பல் கலெக்டர் சோனாவை அடித்து தாக்கியது. தொடர்ந்து மண்ணெண்ணெய்யை ஊற்றி தீ வைத்து கொளுத்தினர். இதில் கலெக்டர் சம்பவ இடத்திலேய கருகி பலியானார். இந்த உடல் சாம்பலாக அந்த இடத்திலேயே கிடக்கிறது. இந்த சம்பவம் நாடு முழுவதும் பரபரப்பை ஏற்படுத்தியுள்ளது.

இந்நிலையில் இந்த சம்பவத்திற்கு காரணமான முக்கிய குற்றவாளி உட்பட 4 பேர் கைது செய்யப்பட்டுள்ளதாக போலீசார் தெரிவித்துள்ளனர்.

சம்பவம் நடந்த இடத்திற்கு போலீஸ் உயர் அதிகாரிகள் விரைந்துள்ளனர். அருகில் பஸ்ஸ்டாண்டும் உள்ளது. மக்கள் நடமாட்டம் உள்ள பகுதி கூட. மண்ணெண்ணெய் கடத்தல் கும்பலை பிடிக்க போலீசார் உஷார் படுத்தப்பட்டுள்ளனர்.

குற்றவாளிகள் கைது சபாஷ் அந்த கலெக்டரின் குடும்பம் என்னாவது

ஏன் கைது செய்ய வேண்டும்? கண்ட உடன் சுட்டுக் கொள்ள வேண்டாமா?

என்ன ஒரு ஐயாயம் இது? நம் நாடு எங்கேபோகிறது? சினிமா போல் சர்வசாதாரணமாக செய்துள்ளார்களே? குற்றங்களுக்கு வழங்கப்படும் தண்டனைகளின் குறைபாடே, இது போன்ற மனிதாபிமானமற்ற செயல்களை ஊக்குவிக்கிறது. இவர்களுக்கு வக்கீல்கள் ஆஜராகக்கூடாது. பாவம் அந்த கலெக்டர்

ஒரு கலெக்டருக்கே இந்த கதி என்றால் நம் போல சாதாரண மக்களுக்கு என்ன பாதுகாப்பு ? கடவுளே !

krishnaamma wrote:என்ன ஒரு ஐயாயம் இது? நம் நாடு எங்கேபோகிறது? சினிமா போல் சர்வசாதாரணமாக செய்துள்ளார்களே? குற்றங்களுக்கு வழங்கப்படும் தண்டனைகளின் குறைபாடே, இது போன்ற மனிதாபிமானமற்ற செயல்களை ஊக்குவிக்கிறது. இவர்களுக்கு வக்கீல்கள் ஆஜராகக்கூடாது. பாவம் அந்த கலெக்டர்

ஒரு கலெக்டருக்கே இந்த கதி என்றால் நம் போல சாதாரண மக்களுக்கு என்ன பாதுகாப்பு ? கடவுளே !

அவர்தான் பாதுகாப்பு